食臺

Open Now

Now Closed

我係Facebook搵到呢間餐廳。因為去石籬睇戲，所以就順便黎試一試。見到好多留言都話呢度牛扒同甜品好食，就一於黎試下真唔真。叫左一份肉眼扒同埋熱門菜焗七里香雞扒飯。（個牛扒唔記得影相）$153就有一個牛扒餐，包甜品同野飲。本身覺得*呢個價錢食牛扒都唔會有咩驚喜架啦，應該同茶餐廳差唔多即～*我叫左五成熟 ，呢塊扒的確好食👍🏻 好有肉味 唔會好「鞋」都唔會好難咬 焗飯就超多汁，多肉，唔似平時食嗰啲焗飯得少少汁。最後仲有我超鍾意食既焦糖燉蛋 好滿足下次要再黎試下個西多士！！

葵芳人的飯堂晚餐奉送甜品及飲品🍮☕️飯或意粉 💲10（加配價）✅ 扒餐附送既去皮車厘茄夠入味🍅 每碟只有一粒 相當珍貴🔮（不可另叫）✅ 甜品推薦焦糖燉蛋👍🏻❔ 牛扒熟度控制不穩❌ 意粉偏粗同稔

係fb見到朋友仔來呢度食，唔錯的樣子。我都山長水遠來湊下熱鬧！星期一打來book位，個侍應話唔使咁早book𠺢，早兩三日打來book就得。因為之前太多人好早book左，但放飛機 跟住星期四再打去book4位。離葵涌廣場唔遠，店子小小的開係車房隔離，唔係咁起眼。入面大約有20位左右。一個侍應兩個廚師，地方淺窄。晚餐set全部都係90～120呢個range，包野飲同甜品，驚唔夠飽仲可以加10蚊有飯或意粉。由於到晚餐時間，無得食厚多士，留返下次再來。晚餐set都唔少選擇，我地叫左牛肩配青口，七支羊架同一個什扒。野飲先到，凍飲好大杯，可能有500ml.主菜佢地盡量都一次過上，唔使有人無得食 個fd開頭以為份量好細。但上到枱，都夠食丫。每款主菜都配有薯角同沙律，擺盆好靚。主菜啲sauce好特別。我個羊就配蜜糖芥末醬，牛肩就配藍莓醬，什扒唔記得左原來個醬，朋友仔揀左黑椒汁。全部都煎得好嫩口，唔會'鞋'。叫左個白飯俾小朋友食，加燒汁，呢個汁唔掂丫 我個七支羊架表面加左面包糠再煎，好crispy! 好有羊味，但唔羶。沙律菜個汁我就略嫌酸左少少。甜品有木糠布甸同焦糖燉蛋揀。兩樣都叫左，我個木糠布