高興 (Closed)

想搵個地方有氣氛可以傾吓偈就諗起高興，環境舒適又播住廣東歌 (撐本地音樂)Lunch有好多意粉、飯揀，飲品選擇多，都係加$9-10，Menu有好多西式意粉揀，最後朋友揀咗呢個叉燒意粉，我心諗會唔會好中式點知嚟到見到叉燒大大塊有焦邊，食落意粉充滿蒜同橄欖油混和嘅香味，唔會乾身本來想食泡菜雞肉烏冬鍋，可惜無曬，店員哥哥話蕃茄吉列豬扒烏冬鍋可以轉雞肉，即刻轉左。烏冬係扁身稻庭烏冬，似係至愛嘅「真打」牌菇同菜嘅份量都多，蕃茄湯清甜、濃度適中，應該無落味精，仲食到粒粒蕃茄添！雞肉少少焦香，先煎過再放入湯，幾有咬口。跟餐+$9 焦糖瑪奇朵奶泡幼滑，唔會太甜，又靚又好飲！呢杯可以日日飲都唔厭跟餐+$10桂花雲霧(綠茶)無影到相，杯壺分開，淡味嘅綠茶飄來陣陣桂花香，相比之下顯得普通。

觀塘的高興是一家很受歡迎的食店，上班日子的Lunch時間都是座無虛席。想試又唔想等位嘅話，可以試下晚飯時段黎幫襯，等位的人群會比較少。高興的裝修走懷舊的本土風，如果你是土生土長的香港人，一定會喜歡這裡的格調！可愛的手繪餐牌，咁有心思，一定要試下啦！百香橙梳打特飲 跟主食半價 $16跟餐牌形容的一樣，有漂亮的漸層，拌後會出現醉人的湖水綠色，又靚又好飲！焦糖瑪奇朵 跟主食半價 $17又香又甜又夠濃郁，冇得輸！美國頂級肉眼扒 $158高興的肉眼扒一向高質，煎得啱啱好之餘，調味亦適當，帶出了牛肉的香味！而且個蒜蓉汁都極為惹味，正！手打牛肉芝士煙肉漢堡 $104疊得高高的漢堡，賣相非常吸引！漢堡肉美味之餘仲要超Juicy！士多啤梨奶泡雪糕 $52最後來一個甜品，甜美可口！

三個女人一個墟，好久不見有許多苦水要吐！結果這個週六，在這家人客不太多、環境寬敞舒適的cafe，我們由2點3左右坐到差不多6點，任傾唔嬲！餐牌指店員會很高興地接待客人，但實際不然。而這家餐廳的環境走懷舊路線，懷舊之中又有一個小舞台供樂隊來表演吧。舞台旁的櫃更放有店主的私人珍藏CD!餐廳環境走懷舊路線，但食物和飲品卻不懷舊，反而有許多選擇而且美味。價錢非常親民，午餐跟餐特飲半價。而原價亦不算太貴，例如我點的那杯甜得剛剛好的焦糖瑪奇朵正價只售$34，賣相亦精美👍🏻朋友點的午餐韓式泡菜雞扒烏冬$59和卡邦尼蝦意大利粉$58也看似味道不錯。我點了午餐以外的肉桂蘋果班戟$50，香滑的香草雪糕，配搭甜得剛好、肉桂味不太重的蘋果件和蘋果醬，放在質感偏厚實的班戟上，賣相精美又飽肚!

之前已經來過高興一次，初頭沒有抱太大期望，來到見到整個餐廳環境好得意，以懷舊做主題，提倡happiness, D野食又幾好食。尋晚朋友即興約食夜晚，又難得可以約到三個人，可以叫多D唔同既野試。因為我比較遲收工，來到高興，另外兩個朋友已到了，同埋已叫左個蕃茄肥牛烏冬食緊，分量都幾多，而且蕃茄湯底好濃另外朋友見網上評論推薦地中海香草焗原條鱸魚，用粗鹽焗，鎖住D肉汁，所以魚肉好嫩，好juice,有淡淡的香草味, 不用點醬都已經好夠味， 果然無揀錯。另外還叫左一個香港style腸， 這個腸不會太鹹，有d咬口，唯一不足之處就是煎得太油，如果可以改善，就會好好多。因為沒有叫其他主食，就點多個飽肚少少既黑松露醬粗薯條， 薯條很脆，但是稍微炸得乾左d, 除左黑松露醬之外，還很貼心地附上茄汁，值得一讚。飯後甜品食檸檬酸忌廉楓糖pancake, 檸檬煎過之後很酸檸檬皮帶苦，pancake口感比較韌，不是鬆軟果種，不過不失。飲品叫了抹茶latte 和焦糖馬奇朵，賣相不錯，味道正常。