焱丸水產 (Closed)

焱丸是一間日式水產店，主打日式燒海鮮，每日都有海鮮從日本空運到來，但價錢卻比起同類型的食店相宜，所以上次食完後就一直心思思想再食，今晚終於有機會了。＊＊＊＊＊＊＊＊＊＊＊＊焱丸店面雖然不大，但店內掛滿日本風的旗幟，店家用盡店面每一吋地方來讓食客仿如置身日本的水產店。食燒物點都要配返杯冰凍燒酒，所以跟朋友一人一杯。左: 洋梨燒酒($58)燒酒酒味不重，有淡淡洋梨甜味，女士應該會喜歡。右: 生姜燒酒($48)生姜燒酒同樣酒味不重，有生姜微辣味，幾特別。蟹味噌甲羅燒($68/隻)甲羅燒就是燒蟹蓋，蟹蓋內放有蟹肉、蟹膏、蟹籽、蔥花和鵪鶉蛋。店內的燒海鮮全部都有店員代勞，食客只要安坐等食就可以，也不怕亂燒燒壞海鮮。店員在燒蟹蓋的途中，會不時攪拌裡面的食材。燒了十分鐘有餘蟹蓋終於食得了，蟹膏味非常霸道，最適合用來配撈飯或配法包，因為蟹膏中間混和了蟹籽，食時還會有脆卜卜的口感。焱丸活貝大盛($368)活貝大盛包括帆立貝、牡蠣、鮑魚各兩隻和白蜆只隻。白蜆雖然不算特別大隻，但都尚算有睇頭，燒完都不會太乾或黏牙，非常鮮味。店員在燒鮑魚時會把鮑魚殼去掉和切半，方便食用。鮑魚有嚼雩得來又不會太硬，還食得出海水

今天真有口福因為阿妹帶我去食海鲜。平時食海鮮多數入西貢或鯉魚門，但今次居然在銅鑼灣區認真方便。門面和室內佈置很有日本氣氛。首先侍應很有禮貌地為我們介紹當日由日本新鮮運到的海產，令到我已急不及待的立即品嘗。 首先來個蟹味噌甲羅燒 蟹蓋內有很多蟹膏和蟹子，侍應先把鵪鶉蛋和蟹膏混合一起;看來像一團啡褐色的物體放在燒烤爐上買相不太喜愛。但食落甘香好味，若加些青瓜絲感覺更清新。 原條池鱼和象拔蚌刺身 池魚厚切肉質鮮甜肥美，而象拔蚌亦很新鮮爽口。 焱丸活貝大盛 活生生的鲍魚夠大隻見到都開心，扇貝新鲜肉厚，蠔亦肥美食落有海水味;蜆肉漲卜卜毫不遜色，。服務員很細心地把握各類海產燒烤時間，只加些許清酒;將所有美食拿捏得很好地給人客遂一品嘗。 龍蝦鍋 龍蝦原隻開邊上，配菜甚多。大大嚿龍蝦肉咬落彈牙爽口，非常滿足。 青蘋果颱風乳酸 買相唔錯，酸酸甜甜;味道清新。

朋友話銅鑼灣開左間焱丸水產約我去試下，其實我唔知原來係好出名，佢話好食就跟佢黎試下啦。係門口已經好特別，一入到去仲更加似去左日本小店餐廳咁，裝修好有日本風格，地方唔算好大，不過多人一齊黎要大枱都會有，見佢有個area 都比較有privacy, 6-8人都應該坐到。黎到當然要食佢最出名嘅蟹味噌甲羅燒，見到枱枱都食一定好好食。一開始個賣相係咁，之後店員就會搞埋佢地再燒，燒好香氣撲鼻，好香蟹膏味，但係同大閘蟹個種又完全唔一樣。咸咸地又甜甜地，佢入面又有蟹肉絲同埋蟹子，口感豐富。係唔自覺係咁食係咁食。難怪咁出名啦。除咗呢個之外，我哋都帶咗蟹味噌雲單，佢亦都係好類似，不過唔洗燒，再加埋海膽、昆布、魚子一齊，得別係佢個醬汁，加埋入去搞堆佢，鮮甜之餘仲有好清新嘅感覺，食完好refreshing.另外點少得刺身呢， 叫左個刺身五盛，款款都肥美肉厚。平時對刺身冇乜要要求唔算好識食，但係一食呢個就食得出有分別。以前唔真正知鮮甜點解，不過呢到一放入口，腦袋淨係講得出鮮甜呢兩個字。係放入口溶化之際，甜味就會慢慢滲出。我真係對刺身冇乜知識，除左三文魚同呑拿魚之外，另一款係我最驚喜亦都最鍾意。魚肉質地實而不硬，魚

走入店內已經充滿日本居酒屋的感覺🤤🤤🍻巨峰啤酒 & 柚子啤酒🍴吞拿魚面頰刺身...超新鮮的...沾上mix左雞蛋的醬汁....好fresh 🤤🍴蟹味噌甲羅燒...蟹殻上有蟹膏&蟹肉&蟹籽&鵪鶉蛋....全部混埋一齊來燒....口感好滑🤤🍴焱丸活貝大盛...有生蠔&鮑魚&大蜆&帶子....鮑魚還是動L的🤤🍴巨型吞拿魚鮫....表皮好脆肉質嫩滑🤤🍴活毛蟹鍋...鍋內還有其他配菜....

今晚約埋朋友一行四人食呢間日本水產料理，大家都係第一次黎食，睇下係味真係甘好味。一入到去掛滿哂日本裝飾、貼滿日式海報，門面同店內看都彷彿置身於日本。供應既食物亦好豐富，除左刺身、壽司，仲有磯燒。🥗芝麻醬椰菜 $30淡淡黑芝麻香，清新。🐙唐揚八爪魚 $80即係炸既八爪魚，好香口，食落彈牙好味，有咀嚼感。🍥炸蓮藕片 $35對我黎講咸左少少，但十分香脆好食。🍣刺身五盛 $280五盛有帶子、油甘魚、三文魚、吞拿魚、馬糞海膽。刺身全部都厚切，口感軟滑，魚味極濃，充滿魚油香味。馬糞海膽入口甘香濃郁，味道太濃烈關係我唔太喜歡，幸好同行友人超愛食，好快清哂。帶子味道鮮甜，略嫌不夠肥美。蔥吞魚蓉，吞拿魚肥美，配埋香蔥超級濃味。🐟原條池魚 $188池魚較濃味，肉質爽口。🦀蟹味噌甲羅燒 $136/2蟹殼上有松葉蟹膏蟹、肉、蟹籽、鵪鶉蛋，要耐心不斷咁攪，避免燶底。蟹膏甘香幼滑，配埋蟹籽一齊食，口感好好，夠哂鮮味。怕咸既朋友，可連埋伴碟青瓜絲一齊食更正。🦀蟹味增雲丹 $216/2濃郁充滿咸香既蟹膏配上魚籽、海膽、蟹肉。雖然生食，但味道亦非常甜美，口感更豐富一點。不過我更愛燒既食法，但都一樣好滋味。🐬焱丸活貝大盛

有一晚在K11逛街，無意之間去咗棉登徑，發現有間日本料理好多人，原來係浜燒，名字叫焱丸水產，當時好難訂位，所以當行過銅鑼灣，見到開咗分店，就要安排時間來試試。😉😉😉好彩平時有訂位習慣，來到時已經差不多滿座，我們被安排坐在壽司吧枱前的枱。我們點了兩個小食，芝麻醬椰菜、炸蓮藕片及一客三文魚洋蔥卷，另外汁煮鮑魚一只，因為有些餓了，如果等海鮮燒熟就太肚餓了。😉三文魚洋蔥卷，生洋蔥被三文魚包著，食落口有種新鮮的口感，洋蔥帶出三文魚的鮮味。汁煮鮑魚，鮑魚唔算大隻，作為前菜剛剛好，煮得好淋而且個汁好入味，所以已經引起我們的食慾了。食浜燒點都要飲些酒精，我叫梅乾燒酎，太太要了菠蘿燒酎，我果杯內的梅干已經整爛，醎醎酸酸好開胃，而太太果杯就見唔見到有菠蘿，不過菠蘿味好重。松葉蟹膏天婦羅，用山芋蓉包住蟹膏，山芋蓉本身無味，好煙靭，加了蟹膏就增加了層次感。池魚剌身兩食，將魚身切件，另外魚尾整碎加芝麻夾紫菜，呢個味道都好特別。蟹味噌甲羅燒，蟹蓋有蟹子、蟹肉、松葉蟹膏、鵪春蛋，四種食材混在一起燒，就是魚＋羊=鮮😋😋😋焱丸活貝大盛有鮑魚、蠔、元貝，燒鮑魚的群邊有些香脆，而中心有海水的鹹味，鮑魚沒有因燒過而變靭，反而

其實這今次分享的這家餐廳一直很想吃，所以襯生日來吃一趟豐盛的晚餐（´∀` ）記得預先打電話訂座，這樣就不用大熱天在店外等位了喔店內裝修很有風格。因為日本旅行時還未去過類似的店，不是太知道兩者有沒有很大分別剛好我們被安排在靠牆的位置，所以看到貼在牆上的食譜畫風很可愛且很實用呢 (*˘︶˘*) ♡其實店員不會一開始就幫大家燒，會先說明一下讓客人動手~在適當的時候才會出手！吃燒物的話，很多人喜歡配酒精飲品~這裡的選擇也有不少喲檸檬燒酎 ($48) & 乳酸 ($38)我的話當然是點後者，對於解膩又不想飲酒精類來說也是不錯的選擇啊 (oﾟωﾟo)打開餐牌看到滿滿的海鮮，實在有點難決定吃哪些才好！幸好這裡也有一些豐富的組合可以點 - 焱丸活貝大盛 ($368)一共有四款，每款也有兩隻的喔 (≧∀≦) 而且亦很大隻，不怕燒完縮水後會不見了首先燒蠔和活鮑魚！看著蠔愈燒愈細～～ 差不多時間加點醬油再燒一會就可以吃雖然變細了，但內裡吃落還有少少嫩的口感~沒有蠔腥味另外活鮑則是先連殼燒一會才拆殼再燒，接著再剪成兩邊 ( ´∀`) 讓中間的部份也燒一下其實上桌時有看到那活鮑真的在動～很新鮮，口感很彈牙！燒

好耐冇去過日本旅行(其實只係幾個月XDD), 開始掛住日本美食, 今晚就決定去食日本野一解相思之苦 ! 約了好久不見的閏蜜們, 想揀個坐得舒服又可以慢慢傾計既地方, 有限時既就免了, 所以黎呢度試下爐端燒!店舖位置都幾僻, 好少會特登行過黎, 離遠已經見到一蘭的人龍, 越過人龍就來到這裡, 超日風的格局! 一看就令人唸起日本的X丸水產附近每枱都向度燒緊, 有些焗熱是難免的, 加上行到身水身汗, 即刻要叫返杯凍飲降溫無酒精的白桃梳打($48) : 有香甜的白桃味, 加上梳打水好解渴另一杯是有酒精的蘋果燒酌($58) : 酒味適中, 蘋果味清甜, 唔會過甜搶走酒味先黎一些小食醫醫肚, 習慣先吃熱食暖胃, 叫左個辣味炸豆腐, 外層脆辣, 裡面的豆腐很滑, 一份好多件, 岩晒開心share這個名字很漂亮的酒釀螢烏賊($50)很有驚喜, 醃得味帶咸香, 口感十分滑! 是原隻尤魚, 因為夾起身仲可以見到尤魚粒眼XD! 粒眼係有少少不安, 不過好食就唔理咁多了, 送飯一流, 推介!海膽是我的最愛, 呢度賣$88 一粒, 實物都幾大隻! 食落新鮮, 完全冇腥味, 只係冇日本當地食咁香濃鮮甜, 不過已經

哈哈哈，無Heading 咁誇張,,但感覺都一樣咁開心,, 放工後與密友來到銅鑼灣新開約半年的焱丸水產,,置身當中的裝潢同味蕾都彷彿欺騙你正身在東京哩~~ 嘿嘿嘿~"麻醬蕃茄豆腐沙律 ($58)"為左無咁肥 ,,, (聞說)食主菜前又例搵啲沙律打打底~以為無乜特別,,, 但啲豆腐真係超滑的說~~ 點埋百搭麻醬真係好爽皮!耶~~主腳開始陸逐上場!!點左即日新鮮推介 "原條伊佐木刺身 ($328)" ,,, 呢啲真係可遇不可求,,未必次次黎到都有得食; 因為伊佐木為其中一款在夏天才合時令吃的魚,,,所以夏天當造時價錢會貴啲,,肉色白裡透紅,, 相當新鮮! 在當造期魚的服肪合量適中, 因此食落去唔會係膩感,,反而非常清爽甜美,, 入口亦帶少少爽脆但亦非常滑身! 把伊佐木魚厚切和薄切~厚切就點一般芥末醬油 (如有需要),而薄切則建議沾隨魚附上的特別醬油,,能帶出刺身的鮮味~我地仲點左人頭計 "活雲丹 ($98/1只)"即海膽厚隻上,,,唔洗我多講~以呢個價錢喺香港食到呢粒雲丹真係相當不錯~相價比高,,,雲丹一定不會有腥臭味,, 尚算鮮甜~ to be fair 我們不能夠拿這個跟你親身在日本吃

對於海鮮的熱愛，我由此至終都沒有退減過，海鮮新鮮的魅力，絕對令人著魔。朋友說吃日本菜當然是吃一蘭拉麵吧，我反問她，難到只有拉麵才可以代表日本食品嗎?為甚麼只執著吃拉麵? 日本海鮮也是首屈一指，它的燒物稱得上一流。最後朋友都覺得我所說的有理，踏出她的第一步，嚐嚐拉麵以外的日本菜。焱丸水產裝潢色彩繽紛，播著輕快的音樂，日本文化遍佈店內每一個角落。除深刻感受到日本氣息外，也令人心情愉快起來。麻醬蕃茄豆腐沙律爽脆的生菜，蕃茄，軟嫩的豆腐搭配濃郁的麻醬。拌勻後一口吃下，最初嚐到麻醬的香醇與沙律的清甜，讓人胃口全開，想吃更多。生蠔原殼上桌後，只用叉子即可輕鬆扳下生蠔，而且生蠔肥大肉厚，那股綿滑軟嫩的口感，滋味甘醇的海味，極度鮮美 ，如想鮮上加鮮的話不妨以青檸提味。焱丸號壽司配色繽紛鮮艷，配料滿滿覆蓋在壽司飯上。一端上桌我就被這壽司配菜多到快溢出來的景象給震懾住，朋友則說光看已很滿足。海膽魚子壽司海膽獨特的鮮味加上魚子一顆一顆逼逼迫迫咬破它之後所迸出的鹹香，真的是好吃到不得了。蟹肉壽司蟹肉鮮甜的香味，與蛋絲一同入口真的很搭配。吞拿魚碎壽司剁成碎肉的吞拿魚，天然魚油香氣，再加上少許青瓜絲吃，看似簡單卻

朋友是海鮮既愛好者，為左幫佢預祝生日就搵到間食海鮮既日本餐廳俾佢食過開心既生日飯。焱丸海鮮沙律($78)沙律既用料都十分豐富，除左有幾種魚既刺身粒粒之外，上面還有一塊塊既三文魚刺身，整個沙律刺身都佔接近一半，真是用料十足。另外刺身都十分新鮮，肉質都十分鮮嫩幼滑。加上新鮮又爽口既蔬菜更加令人胃口大開。焱丸活貝大盛($368)可以說係我們就是為了呢個而來的，活貝大盞既份量也太多了吧，真係見到都覺得好興奮。鮑魚好新鮮，上台果時仲係到郁動緊，就知道有幾生猛，其他既生蠔同埋扇貝都好新鮮。另外店員仲好貼心咁幫你睇住黎燒，服務都十分好。我地可以專心係到傾計，燒好店員就幫我地拎起就可以食用。北海海鮮丼($150)最後黎番個海鮮丼，真係不得了，每款海鮮食物都份量充足，多款刺身放滿了在電上，而且都厚切，三文魚，吞拿魚都十分肥美，還有海膽同埋三文魚子，整碗飯就好似食左整個大海既鮮味入口一樣。令人十分飽足。