金公館 (Moved) New Location

當晚，與一眾新知舊雨朋友走到銅鑼灣謝菲道的 <金公館> 食主打新派川菜！ 一入門口先見大魚缸，行上樓梯便是用餐區！地方寬敞！這裡的裝潢別樹一格！ 皆因以「三國演義」做主題！絕對帶給食客新鮮感及驚喜！ 百家姓裝飾、屏風、也滲出濃厚的古典中國風！古色古香！就連餐具亦不例外，我覺得翡翠綠的三腳杯最有趣！供應新派川菜：涼菜小食、川味家常、乾鍋、泡椒、水煮、家禽、湯水、招牌菜、河海鮮、鮑參翅肚、游水海鮮、健康素食、蔬菜、飯麵、甜品篇、飲品...等，包羅萬有！另外，有部份以「三國演義」情節命名，當中包括：「赤壁火戰」、「金蟬脫殼」、「草船借箭」等...！茶錢每位 $10翡翠綠的三腳杯盛載茶！涼菜小食篇胡麻鮮淮山 $48 清爽雪白的新鮮淮山，原來跟日式胡麻醬也夾得來！家禽篇香油貴妃雞 $388 (一隻) 以清湯浸貴妃雞，加上青蔥添上一份清香！ 溫熱的雞肉柔軟嫩滑！湯水篇青城山杏汁白肺湯 $58一位 以刻有龍圖案的茶壺盛載，霸氣十足！ 奶白色的湯水，散發濃香杏仁味！ 香滑順喉又滋潤！剛剛夠鹹，配料還有雞腳、豬肺、紹菜…等！真材實料，令人一試愛上！河海鮮篇熱情果籠仔蝦球 $168 (一碟

較早前與幾個無見一排的朋友食飯, 友人提議去食川菜, 但對於唔食辣的我, 一聽到後, 第一個反應係唔啱我食, 有無其他選擇, 但友人卻說, 你放心川菜也可以唔辣, 叫我大可放心. 見到佢咁肯定咁答, 便信佢一次, 這次我地去了金公館食晚飯. 坐下後, 已被枱上別緻的杯所吸引住, 好古色古鄉. 也放了前菜. 睇餐牌時發現有唔少唔辣的款式, 真的有點意外. 小食點了椒鹽豆腐. 外層炸到金黃色, 內裡豆腐又夠嫩滑, 加上淡淡的椒鹽味道, 特別好味. 五代同堂炒飯. 當中包括蝦籽, 蝦仁, 蝦乾, 蝦米和櫻花蝦. 幾種不同整法的蝦炒埋一齊, 口感特別豐富. 而每一粒的飯也炒得夠爽身, 粒粒分明, 時間控制好. 一連食了兩款較熱氣的菜式, 最啱飲番個湯. 點了青城山杏汁白肺湯. 承載湯的器皿用上茶壺, 幾特別. 唔好睇少個茶壺, 份量也不少, 材料也好多. 個湯夠晒滋潤, 入口有淡淡的杏汁味. 熱情果籠仔蝦球. 用上籠仔承載, 一人一個, 食得夠方便. 蝦球好大隻, 蝦肉又夠爽口彈牙. 最後食甜品, 我選了芒果黑糯米. 賣相夠精緻. 黑糯米有點煙煙韌韌,

好耐無同啲食友聚聚，一到暑假就各有各忙，晌暑假結束前，點都要聚一聚吹吓水，順便送吓啲小食心意俾大家嘅。由於今次由友人擔大旗，唔使小弟安排，呢個當然好啦，只要地點就腳，我食乜都無所謂。但友人揀咗銅鑼灣嘅「金公館」，食川菜，辣嘢我一般喎，友人話唔使擔心，唔辣嘅一樣好多選擇。咪以為佢喺一般菜館，但上到去裝修花過心思，由上樓梯一刻已可見一班，以竹枝作為佈局，讓人暫時離開「石屎森林」，走進叢林處。上到二樓，左右兩邊有唔少卡位及馬蹄位，主色調用試上深啡及墨綠，又用上大量嘅中式窗花做裝飾，令整體產生一種古雅嘅色彩。再走入啲，原來地方好大，既有廂房，又有大圓枱，一大班人嚟都無問題，而且，包房好似無最低消費添。除環境，餐具都好有特色，枱上嘅茶杯「爵」簡直帶大家返番古代咁，不過，飲起茶嚟其實又唔喺咁就手，但影相就甚有味道。酸橋頭、脆花生未齊人，食住酸橋頭、脆花生先，前者酸香爽脆，又唔嗆喉，後者甘脆，帶少少鹹香。金銅色硬皮面餐牌，一打開有川菜起源嘅介紹，睇完真喺知唔少嘢。再翻翻餐牌，由涼菜小食、乾鍋、泡椒、水煮、家禽、湯水、招牌菜、河鮮、海鮮、小菜、鮑參翅肚、素食、蔬菜、飯麵，到甜品、飲品，真喺估唔到咁多嘢

每次朋友約食飯，BeautySearch 常常掛在口邊的第一句說話，是「我不吃辣」。最近，朋友約食四川菜，BeautySearch 第一句說話當然依舊是「我不吃辣」！誰料，友人卻說四川菜也有很多唔辣的菜餚選擇… 坦白說，BeautySearch 的腦海裡就只有那些紅當當的水煮魚及麻辣火鍋！ 今次，友人推薦的四川餐館是位於銅鑼灣的《金公館》。 這兒的裝潢不算華美，卻充滿著中式的味道，古式古鄉，甚有特色，而且，在這裡進餐，份外閒息，別有一種味道。 《金公館》連餐牌也是金色的，甚有貴氣，是傳統中國人喜歡的金色氣派。 當中的小點子，更是花盡心思，BeautySearch 最愛這精緻的小杯，令我尤如回到古代，體驗古人的生活品味。還是我們正在古裝場景參觀呢？ 真的從沒想過，『青瓜』與『豆漿』這兩種看似風馬牛不相干的食材，原來可以搭配出如此清新可口的「青瓜豆漿」HK$28 飲品，豆漿本身略帶甜味，加上青瓜的清新氣息，令豆漿口感更 Fresh，清新怡人的組合。 前菜方面，原先想點選久違了的「椒鹽九肚魚」，可惜遇上休魚期，所以只好轉了豆腐來嚐嚐。「椒鹽豆腐」HK$68，豆腐切成粒粒小方磚，的骰可愛，一口

身為港島人, 間唔中就會有新餐廳開張~~咁岩朋友仔係灣仔返工, 就發現左呢間新開張既川菜餐廳 - 金公館一行6人黎就一心黎試試呢間新餐廳有咩特色菜啦~~入到去裝飾很不錯, 光猛又整潔!!!仲係以三國故事黎做主題, 就連 menu 上某d 菜式都係用上三國演義既名稱"*果然有很有特色~~大熱天時, 當然要來杯冰凍的飲品來消暑~~這杯洛神花茶就最適合啦, 酸酸甜甜又夠冰凍, 十分消暑!!!先點左幾款冷盤小食食住先~這個 胡麻鮮淮山 切成一粒粒, 而且係厚切既size；食落好爽脆, 加上胡麻醬味道挺香!!食川菜一定會點的蒜泥白玉呢碟擺位十分精緻, 一片青瓜片包著白肉片, 正中間就係蒜泥及醬汁；肉質爽口, 蒜香十足, 十分惹味!!一個個蒸籠仔好得意~~呢個叫做 熱情果籠仔蝦球, 既特別又方便食用!!!炸左既大蝦球配上熱情果汁做醬汁, 好fresh 之餘又夾, 真係意想不到"*一人一隻唔駛爭, 仲可以做到一啖食一隻添~~個人就十分喜歡這道 青椒清香鱸魚用左鱸魚肉, 加上微辣既味道, 少少辣大家都岩食；而且食落順喉, 特別適合唔食得太辣既朋友~~鱸魚肉肉質滑嫩, 冇骨既啖啖肉架!!!呢款 麻辣水煮