雅苑座

Open Now

Now Closed

由於疫情關係，已經很久沒有食自助餐。今天早上金鐘看完黃鴨及影相後，下午會合家人一起到帝苑酒店食自助餐。酒店餐廳在3樓，環境優雅，仿如置身外國一樣，感覺十分chilling。時間跳到3時半左右，餐廳接待安排食客入座，意味久違了的自助餐快要開始。入庭後還沒開始，當然要影一下新鮮食物，有海鮮，沙律，熟食，湯麵，日式壽司，燒味，甜品。時間開始，起初先吃麵包蟹，最喜歡蟹蓋鮮甜多膏。這個值得推介一定要試。跟住吃了點熟食，還好。酒店有拿破崙蛋糕限時供應，也是值得推薦。自助餐時間2小時左右，但吃了1小時多已經很足夠。由於是酒店優惠，價錢大約200多元，性價比十足。

諗緊食邊間buffet既時候，發現greenery岩岩新推出左一系列以鮑魚做主題既野食，所以就吸引左黎試，其中一樣係鮑魚鍋粑，一眼望落去，見到成個原隻鮑魚真係覺得好吸引同好足料，buffet既價錢可以食到呢d其實性價比係好高，同埋鍋粑亦都好鬆脆，所以整體黎講鮑魚鍋粑無論賣相定係味道都係有水準既。酥皮焗鮑魚係要憑券換領一人一份既，第一次試呢種配搭既食法感覺幾特別，外皮好鬆脆，入面係原隻鮑魚，再加埋啲沙律醬係入面，一咬落去比我想像中入味，同埋口感都好豐富，值得一試呀！鮑魚海鮮茄汁長通粉無d咩好突出好特別既味道，鮑魚配茄汁長通粉呢個配搭都有些少奇怪，所以唔會太想夾完再夾，不過都唔係話好差既，只係對比其他款式略為普通，味道都不過不失啦。鮑片花膠配雞腳，認真無諗過食自助餐都可以食到d咁補既野，buffet既價錢食到花膠呢d真係抵到爛。去食buffet當然唔少得食海鮮啦，見到咁多海鮮已經覺得好豐富，仲要蝦、螺、青口呢三樣本身自己都好鍾意食，所以都忍唔住夾左好多黎食，三款既味道都唔錯，但特別鐘意食青口，因為肉質真係好鮮甜，食完覺得好滿足。焗蠔配牛油汁既賣相唔錯，濃濃既牛油汁令到焗蠔既味道更豐富，d牛

由於朋友極力推介帝苑的雅苑座（Greenery)十分抵食，所以決定一試其Dinner Buffet。 Greenery氣氛好好，中庭設計，台上有燭光，隔離有琴師。岩曬同朋友一齊傾計，一坐低就有侍應比水同比椅套。較為不方便既原因係，我坐的位置要上樓梯，唔方便拎過多既食物。一開始就先食刺身，本人鐘意食三文魚！師傅將三文魚切得好厚，八爪魚都十分新鮮！之後就開食熟食～估唔到竟然會有燒味檔，試左叉燒，比平時食既更加好味，肥瘦適中。 粟米雖然係串燒，但無‘乾曾曾’既感覺 ，反而又甜又多汁。雞軟骨都好易入口，無變硬。 長通粉既配料同醬汁都好好食，前後食左兩次！唯一美中不足既係啲長通粉不夠熱，變硬，口感不太好。 蟹皇焗飯，極力推介！咁多種熟食中最好食既，除左好濃既蟹味加埋其他配料真係無得頂！（相影得不太好） 另一邊又有菠蘿燒豬脾show 左出黎比客人睇，真係有得睇又有得食。師傅切左一大片，本以為豬脾有好多肥肉，其實似食火腿，配上一片菠蘿，第一次食十分滿意！火焰壽司～飯較易散～但好飽肚！ 另一樣吸引我既係自選烚海鮮～揀了牛柏葉，牛肉，菜，酸辣湯底。仲有花甲等等既海鮮可以選擇。只需等三分鐘就可，最有驚喜既