Video
Read full review
2010-05-07
51 views
上個月試咗 Tony Roma’s 嘅 ribs, 今個月就襯 open rice提供嗰張主菜 買 1 送 1 優惠券到期前嚟 Ruby Tuesday 試埋佢嘅 ribs. 昨晚打電話嚟訂枱，訂今晚 6:30 pm, 接電話的店員事先聲明要 8 pm 前交番張枱。今日係星期五，知道一定人多，早啲食無謂同人迫，所以 6:10 pm 已經去到。 點選咗個Half rack baby ribs with honey barbecue sauce ($198), 而送嘅主菜就叫咗 Premium Wagyu Bacon Cheddar Burger ($168), 另亦點選了店員介紹嘅 potato skins, 因為做緊 promotion, 每份 $30. 呢度同Tony Roma’s唔同嘅係無免費餐前法包同牛油供應，至於個特價薯皮只得六塊，薯皮上有層厚厚的焗芝士，加上煙肉碎，食落頗香口，實在不錯，好在份量唔多，因為如果吃得多都會幾漏。半份燒排骨配蜜糖燒烤汁，排骨比起 Tony Roma’s 嗰個厚肉啲，肉質都好腍，不過肉汁就唔夠 Tony Roma’s 嘅豐富，個蜜糖燒烤汁幾惹味，配菜
呢度同Tony Roma’s唔同嘅係無免費餐前法包同牛油供應，至於個特價薯皮只得六塊，薯皮上有層厚厚的焗芝士，加上煙肉碎，食落頗香口，實在不錯，好在份量唔多，因為如果吃得多都會幾漏。
半份燒排骨配蜜糖燒烤汁，排骨比起 Tony Roma’s 嗰個厚肉啲，肉質都好腍，不過肉汁就唔夠 Tony Roma’s 嘅豐富，個蜜糖燒烤汁幾惹味，配菜係焗薯而唔係薯條，感覺健康啲，起碼無咁熱氣
精選和牛芝士煙肉漢堡，店員極力推介，漢堡要左7成熟，送來時個包已經一分為二，但都好大個，一口咬唔曬，要分層嚟食，塊牛肉都算幾腍，但感覺仍與在日本吃的和牛有一段矩離，炸薯條只屬一般貨式
總括嚟講食物質素唔錯，店員服務過得去，不過 Tony Roma’s 比較抵食，埋單 $250.80, 原來送嘅和牛漢堡係唔需要照原價加一，值得稱讚。 結賬離座時只不過係 7:15 pm, 真係快過打針。
Post
