全記海鮮菜館

Open Now

Now Closed

喺西貢海旁飲茶，真係幾舒服嘅，最近人流唔多，喺呢度飲茶都唔會有好擠擁唔衛生嘅感覺，亦都有個機會好好望吓陽光，提升正能量。呢度飲茶呢，當然都要做足晒所有安心出行啦，查針卡嘅功夫。樓面姐姐，亦都好有禮貌，好有耐性咁提食客去做好安心出行同埋查針卡，呢度要加一加分。而點心，可以去中間嘅車仔檔自己去選擇，都有各色各類嘅點心，都齊全嘅，枱面亦都會有點心紙，俾大家去落單。經過”詳細”研究，可惜呢度個小點應該係得一款，就係牛柏葉，真係百物騰貴，如果有其他嘅小點請大家分享一下特別提一提嘅係，佢象徵式收茶錢，我星期六去食，一大朝早，7:30左右啦，收一蚊茶錢一個食完一個咁開心嘅早茶之後，真係充滿力量，去挑戰西貢嘅遠足路線。

假日到西貢郊遊，到處人山人海，但每次來到這裡，就算要等位，也不用等太久，位位侍應都眉精眼企👍，客人轉流快，點心和小食選擇多，所以醫完肚後再度出遊都可以今次吃了糯米雞，餡料足，糯米蒸得軟綿，好味雞絲粉皮，蔴醬帶少許酸味，清爽怡人，開胃前菜椒鹽墨魚🦑，香脆鬆化，不錯👍這幾個點心都不錯👍，懷舊一下，夠風味

早前先寫玩晚市海鮮套餐，想不另一班朋友在短期內選在同一間飲茶。星期日的早午餐時段，要等幾張枱，坐室外位的客人通常都是有帶狗狗，氣氛歡愉。我們坐室內二樓，枱與枱之間距離有點窄。蝦餃是頂點，雖然我不知道即是多少錢，但我認為這裡價錢應該會比一般連鎖酒樓貴少少。蝦餃賣相吸引，晶瑩剔透，內餡飽滿。外皮爽身彈牙輕盈。燒賣，正常，幾大粒，飽滿。薄罉唔油煎得乾身香口，食感煙韌，但內裡有點假蟹柳好像怪怪的。素腸粉，腸粉薄身，比較黏，餡料有紅蘿蔔和芹菜，芹菜切得比較粗，有點太搶味。懷舊糯米雞，＄30，餐廳特別推廣的菜式，令我想起信興，在一般酒樓不易見到，求飽肚的話這個頗為抵食。份量很大，每一粒糯米都吸有醬汁，煮得軟糯，餡料跟糯米是五五比。叉燒包，包發得不錯，很鬆軟，但叉燒餡好像少了點，而且味道較淡。奶皇流沙包，招牌點心之一，不過我覺得新星好吃點，流心效果強一點，奶皇味也比較濃。期中會有姐姐捧著新鮮出爐的點心逐枱推銷，如叉燒餐包，很有兒時到酒樓飲茶的感覺。影片：