勝香園

Open Now

Now Closed

呢間六十多年老店港式茶記 每日都大排長龍 遠近馳名 超高人氣 ❤️‍🔥以鐵皮同帆布搭建 充滿懷舊風🇭🇰價廉物美 咁受本地人同遊客歡迎都真‼️.📌蕃茄湯麵招牌必點名物 鮮紅湯頭 面頭滿滿茄蓉 酸甜味濃郁 唔重口味 食完唔口渴 清新開胃🍅1️⃣蕃茄鮮牛肉 $40鮮牛配茄湯一定最夾 牛肉份量幾多 軟嫩濃香🐮2️⃣蕃茄素菜 $40以豆卜為主 仲有菜芯同蘑菇 都幾單調🥬🍄‍🟫茄蓉仲要冇咁多 唔太抵～.📌牛油檸檬汁蜜糖脆脆 $24豬仔包烘至焦香酥脆 不過偏乾身🥖塗滿牛油, 蜜糖同檸檬汁 叫左少醬 完全唔甜膩 酸酸甜甜 又幾清爽 出奇地樂夾🧈🍯🍋.📌芝士蛋治 $25 (烘底+$1)方包外脆內軟 唔會太乾🍞半融芝士片微微鹹香🧀煎蛋熟度剛好 軟嫩富蛋香🍳簡單配搭已經好好食🥪.📌熱柚子茶 $18柚子蜜加檸檬 酸甜清新🍋.📌熱齋啡 $14味道好濃郁☕️

招牌菜出事，差過樓下茶記，omg。・・・・・・・・・・・・・・・・・・・・🍜蕃茄雞扒腸蛋面 $48・味道：個湯紅色但一啲蕃茄味都冇，係得蕃茄粒。啲餸正常茶記味道。・口感：雞扒同蛋都偏鞋，條腸浸到皺哂皮⋯⋯🍜蕃茄碎牛炒蛋鮮牛肉通 $43・味道：湯底同上一樣咁差。鮮牛0牛肉味，以為瘦肉嚟，碎牛更加唔使講。・口感：牛肉正常冇偏韌冇淋，蛋就偏老。☕️奶茶 熱$13 凍$15 🚁・味道：奶浠茶淡。凍奶茶偏甜，但凍熱嘅通病係茶底淡到近乎0。・口感：順滑嘅，但冇茶味真係稱唔上醇，飲落薄身存在感奇低。🥯牛油檸檬汁蜜糖脆脆 $23 👍・味道：鮮檸檬汁味夠濃，加埋蜜糖酸酸甜甜咁幾好食。・口感：非常脆口，好早出包但擺到最尾先食依然好脆。🖕嬲乜：名不符實，咁大名氣但出品可以差過樓下茶記，大劣喎。・・・・・・・・・・・・・・・・・・・・🤰性價比：中～🤰9衝度：不了～🤰結論：平都唔使試啦，最出名嘅茄湯同奶茶都伏到喊，sorry next。・・・・・・・・・・・・・・・・・・・・環境：斜路大排檔，逼，某啲座位因地下不平難平衡，唔抹枱好污糟痴立立。

知道不嬲都多人要等...今日陽光下等完真係有D失望~幸好的地方係個檸蜜脆脆都仲保持到水準...但係勝香園的茄湯麵重點就..................真係不得不分享!!個蕃茄都仲係多都好食的係軟綿綿的...但係個麵就硬到.......我地感覺係未熟的!!可能太多人等心急???煎蛋又冇得好評論太多因為本身冇講係咩蛋..但係唔LIKE全熟蛋的朋友建議講返聲太陽蛋..因為一般之前食都係半熟但係今次係全熟.....腸仔雖不SUPPOSE佢係廚師腸~但係佢口感同味道不好...冇味同埋口感有少少怪!!重點係個鮮牛肉........................係.完.全.冇.牛.肉.味...............唔知自己食咩咁..正正因為之前都有成日食...冇食一排..覺得變化好大所以........覺得要比個評語!!!!!!!!!!!!希望再一下次食的時間再有返水準~

傳統茶餐廳愈來愈少，煮得好食就更加少📌勝香園一直都保持水準，難怪疫情期間少咗遊客，都依舊大排長龍💡位於上環小巷裏面，雖然地方淺窄，但係充滿地道大排檔風味🔥🍅蕃茄鮮牛蛋公仔麵 $36睇相都見到蕃茄多到遮住哂碗麵蕃茄湯底好濃郁，真材實料🍅🍅🍅有大大個蕃茄之外，仲有好多蕃茄蓉，完全唔酸🥫牛肉都煮得好腍，唔會韌👍🌟 Lamlam脷指數 😋😋😋😋😋 (5/5)🍯牛油檸檬汁蜜糖脆脆 $21識食一定要食檸蜜脆脆🐖每個都係即叫即整，所以非常鬆脆🤩檸檬加蜜糖酸酸甜甜，好開胃⭐️甜度酸度啱啱好，食完一啖接一啖🤤簡直係perfect match💯🌟 Lamlam脷指數 😋😋😋😋😋 (5/5)🌟整體評價: 蕃茄牛麵必食之選，湯底非常香濃，咁足料嘅茄牛麵，價錢唔貴，好抵食，加上檸蜜脆脆每次都整到脆卜卜，絕對唔會令人失望，希望多多支持香港本地味道啦🥰🇭🇰🌟 Encore指數 ⭐️⭐️⭐️⭐️⭐️ (5/5)

就係九記對面，同九記一樣要排隊，早上九點趁人少少去都唔駛等太耐。每次去我必叫番茄鮮牛麵，牛油檸檬汁蜜糖脆脆，加上一杯濃滑熱奶茶，好飽足，又傳統又好食既茶記真係買少見少了。

中環有好多檔車仔大排檔，勝香園都算係出名，每次1點左右經過都會見到一條人龍等位。今次閒日2點左右到，過左大部分中環上班族既 lunch hour，輕鬆搵到位坐低。地方雖然幾簡陋，但都算乾淨，不過店員姐姐都幾有性格，所以大家要有心理準備要等下。揀左好多人讚同推介既牛油檸檬汁蜜糖脆脆，由於即叫即做，所以都要等20分鐘左右。黎到新鮮熱炳，好香牛油味～ 麵包烤得好香脆，牛油味香，蜜糖加添少少甜同令麵包更脆，加埋微酸既檸檬味好清新，食落唔會覺得膩。

#勝香園 相信是香港老字號的街邊茶檔，無論平日還是假日，客流不絕。不過，個人覺得，炎熱夏天還未來臨前，是光顧的最好時機。星期六上午差不多十時，幸運尚有一張吉枱，點了這裡必吃的#蕃茄湯鮮牛肉公仔麵 ，#熱奶茶 ，還有大推必吃的#檸蜜脆脆 。等待不久便先上奶茶，這裡用的是黑白淡奶，奶與茶比例剛剛好，茶香不會被奶蓋過，坊間真的很難找到一杯好喝的奶茶。而#蕃茄湯鮮牛肉公仔麵，鮮牛肉不會太乾或太淋身，選是正常的，蕃茄湯雖然不是超濃厚哪款，但有滿滿真蕃茄肉於湯內，公仔麵吸收了蕃茄湯的汁，酸味味的，不自覺地就會邪惡地吃完一大碗🫣。重點來了，就是香脆的#檸蜜脆脆 豬仔包，平時很少會點豬仔包的我，來到這家茶檔，的確是一試愛上，每次都會點，吃過就會明白🫠結帳，兩人兩碗公仔麵，兩杯茶，一份檸蜜脆脆盛惠$120。 中上環區，不只是吃風味而同時吃味道的懷舊茶檔。

勝香園好老字號了，應該無咩人唔識。環境未必坐得好舒服，附近仲有時有d白鴿飛過添，但始終是香港特色既大排檔，而且食物好食，絕對值得來訪。呢度成日話出名茄牛通同檸蜜脆脆。個人覺得，檸蜜脆脆係絕對無容置疑架喇!必必必試! 其他奶油脆豬/咖央脆豬其他地方都有，唯獨呢度既檸蜜脆脆應該係全港唯一!而且檸檬汁既酸同蜜糖既甜恰到好處，成塊包都塗得滿滿的，而且就算放涼左都仲好脆，好好味!但茄通呢，我就覺得佢既蕃茄豬扒通其實比蕃茄鮮牛通更值得試!!鮮牛，咪鮮牛既味囉，好睇食材本身，無咩特別吧。但豬扒佢呢度係軟腍入味，更顯料理既水平。所以比起茄牛通，個人覺得蕃茄豬扒通更值得食呀！大家唔好淨係食茄牛通啦(貧血者例外)，要試埋蕃茄豬扒通呀！另外佢既奶茶都好正!茶香奶滑，一d苦澀味都無。如果堂食，糖要自己落。如果外賣呢，佢唔會有另外一包包細既俾你，佢會幫你落埋糖，調好味俾你。飲過咁多次，佢既少甜係最好飲既!另外一讚佢呢度d姐姐侍應，拎個外賣會叫你小心d呀咁，係溫暖既關懷，好似屋企老人家關心你既感覺。呢d咪人情味囉。第度食唔到。

勝香園我食過幾次今日掛住走過嚟食順便寫埋食評佢哋嘅脆豬依然都係世界級但係蕃茄湯底我已經搵到一個地方好食過佢冇咗遊客嘅香港條隊就短左嚕所以等咗5分鐘左右就入得去開心 哈哈但係唔係食飯時間都依然要排隊果然係好受歡迎～選擇好多啊！而且價錢真係好平喺中環嚟講我叫咗蕃茄炒蛋火腿通粉（$33）評分：7.5/10老實講佢哋嘅蕃茄湯底好似退步咗一嚟食到最後真係覺得有啲太酸二嚟坊間已經有啲餐廳蕃茄湯底比佢更加好食我覺得有少少唔夠競爭力通粉有啲太淋火腿蛋都冇乜話特別好唔好食下次我可能叫其他餸另外就再叫咗 蕃茄碎牛炒蛋麵（$33）評分：9/10呢個就好食好多啦雖然湯底都係一樣酸咗啲但係個碎牛炒蛋真係好濃味下次我又叫～嚟到呢度點可以唔叫脆豬我哋叫咗牛油檸檬汁蜜糖脆豬（$21）評分：10/10我夠膽講呢度嘅脆豬真係全香港最好食！首先佢即整已經係又夠脆又夠熱然後味道又多又夠多醬檸檬加蜜糖冇咁漏真係Perfect match直情想打包多份走 哈哈整體來講服務好，姨姨有禮性價比高，又平又好食出品有誠意！香港傳統味道環境惡劣逼夾，雖然好食但係唔好坐係真既，我坐嗰張凳仲要搖下搖下但係今日食完之後仲想再食真係值得好評

「檸檬蜜糖脆脆」勝香園的脆豬仔包係我食過覺得整得最香脆又最好食的上面搽左檸檬蜜糖味道酸酸甜甜配上食到‘’chop chop’’聲的脆豬真係好好食唔小心一個人可以食得哂兩個㗎「蕃茄火腿餐蛋麵」佢地ge茄湯真係好多蕃茄肉唔係artificial或者開出黎的茄湯麵底可以配出前一丁/通粉/火粉亦可以有唔同餸的配搭雞翼豬扒牛肉煙肉餐腸腿蛋等等都有最後配杯鹹檸七 就完美per-‘fat’了🌝而家少左好多人所以平日去都好多時唔洗排坐係梯級的簷蓬下別有一番local風味

如果大家對於大排檔嘅印象中仲係叫餸食飯、食煲仔飯嘅話就錯曬，呢間大排檔一樣都係食充滿港式風味嘅嘢食，喺茶餐廳、冰室一定會食到嘅奶油脆脆同呢排香港人好鍾意食既茄牛。香港有好多咩咩園，好似樂香園、紹香園、蘭芳園，但一講起中環、奶油脆脆、茄牛，大家就會諗起勝香園。勝香園係一間喺中環大排檔嘅粉麵店，呢間老字號係中上環屹立左半個世紀，係家族式經營。開業於1959年，勝香園以前是係玉葉甜品個個位，係30幾年前先搬黎歌賦街依邊，大家睇中勝香園，除左係佢既野食之外，唔多唔小都係這種露天式既大排檔風情，夠街邊夠地道。所謂既大排檔即係街邊檔攤，環境簡陋，外觀多以鐵皮同帆布組成搭建。全盛時期係二戰後，政府為因公傷殘或者殉職既公務員解決生計，所以發牌照，係街頭租金負擔低既情況下經營。不過由於衛生環境欠佳、阻街、市區整建等好多原因，1980年代前後政府開始唔再發放新牌照、補償金鼓勵持牌人繳交牌照，禁止轉讓同繼承舊牌照權利等措施，令呢一種街頭文化快速式微。直至2009年政府先有所意識，決議宣布大牌檔保育計畫，協助建設同環境翻修。呢家香港大牌檔已經唔多，大家數到既係油麻地、深水涉，大排檔式微都係令人想去勝香園既原因

#lunch #上環有晚突然好想食蕃茄湯麵，人肉餐廳搜索引擎(肥仔男朋友)推薦咗呢間比我，我應該都真係好想好想食先會大熱天時30幾度都肯去大排檔食'(*ﾟ▽ﾟ*)'牛油檸檬汁蜜糖脆脆🍋🥯有檸檬味嘅豬仔包o(≧v≦)o酸酸甜甜的好有趣！咖央多士🍞啲咖央搽得好完美(=´∀｀)人(´∀｀=)每個角落都搽得到，個多士都烘到好脆好脆。美中不足係個多士好厚，但係咖央好薄，個咖央又唔算好濃味，如果可以搽厚啲就好啦(・ω・)ノ番茄鮮牛肉豬扒蛋麵🍅番茄雞排蛋面🍅超紅超番茄(⁎⁍̴̛ᴗ⁍̴̛⁎) 雞排好食過牛肉同豬扒٩(˃̶͈̀௰˂̶͈́)و結局係搵咗個吹正風扇嘅位，比想像中冇咁辛苦ε-(´∀｀; )不過都睇得出熱天係少左人去嘅。為咗食蕃茄湯可以幾堅毅？(=´∀｀)人(´∀｀=)

早排去PMQ整蛋糕 就早d去附近食早餐🥰勝香園之前已經久仰大名 但一直未食過呢啲舊式大牌檔 除左係食食物既味道之外 仲係食個陣懷舊味🤩🍴蕃茄鮮牛肉煎蛋通粉 ($34)差唔多枱枱都叫蕃茄湯🥰蕃茄湯底濃郁鮮甜 仲有唔少茄肉係入面 好足料👍🏻牛肉唔會太淋太鬆散 帶牛香 煎蛋蛋黃仲係流心的通粉煮亦煮得岩岩好 有啲咬口 索埋個湯好正😋另外可以叫半麵減$2 咁就可以食多啲唔同既野🤪🍴牛油檸檬汁蜜糖脆脆 ($20)平時我麻麻地食酸野 但黎到都係要試下佢地既招牌多士🤤豬仔包烘到脆卜卜, 檸檬汁加蜜糖 甜甜酸酸 清新醒胃 怕甜既朋友岩晒😋 不過個人都係中意甜多少少🙈🧋凍奶茶 ($15)去親舊式茶記都一定會嗌番杯奶茶 硬係覺得會特別香口雖然叫左少甜但都比正常甜😂不過勝在夠香滑😋 亦有茶記個陣奶香味

香港特色嘅鐵皮屋大排檔係勝香園嘅signature🥳, 夏天係度食其實都幾熱🥺啲汗會係咁流落嚟, 就算冇冷氣夏天我都會照去食, 忠實fans🥰有得揀等秋意涼返啲先去梗係好啲嫁,不過飲番杯冰凍奶茶/凍OT都仲頂得順啦🤣✨ 蕃茄碎牛炒蛋通粉💰31💫評分: 9.5/10📝餸揀咩就見仁見智不過我就鍾意碎牛炒蛋, 重點係湯底好濃好夠味, 會食到好多蕃茄肉🍅, 每次都會係咁飲啲湯😍, 同埋有時遲咗去例如~3點食就未必有通粉,淨係可以揀公仔麵, 就會好唔開心😳✨檸蜜脆脆💰20💫評分: 9.5/10📝其實我都好鍾意食奶油脆脆, 不過第一次食勝香園最好都係叫返呢款招牌多士, 牛油🧈蜜糖🍯檸檬汁🍋烘到脆卜卜,味道香口清新, 記得一定要趁熱食😌勝香園 𝕊𝕚𝕟𝕘 ℍ𝕖𝕦𝕟𝕘 𝕐𝕦𝕖𝕟📍中環美輪街2號排檔(上環🚇E1 出口行6分鐘就到)💫評分: 9.5/10💬中環嘅食物價錢來講係好抵食🥰好鍾意呢一份平凡嘅好味,識我嘅都知我真係好鍾意食勝香園, 雖然每次都要排下隊,但係每次都好似會食番嗰種味道, 次次都見到嗰啲落單姐姐🤣睇吓佢哋心情點啦,不過見到佢哋都有啲親切感嘅同埋記住要一次過落晒單!#勝香園 #勝香園大排檔

而家入秋天意涼涼，最啱就係食大排檔，排得隊黎又唔會太熱，唔會食到個人㷫烚烚。今次特登去咗做出名食蕃茄湯麵嘅勝香園🤩———————首先第一啖當然要試一試勝香園最出名嘅蕃茄湯底，飲落口已經feel到好濃濃嘅蕃茄味，師傅調味得比較酸，湯裏面有好多舊蕃茄，真材實料😝豬扒都好入味同好林，腸仔就唔係好似平時食開嘅廚師腸😇同樣有好濃嘅蕃茄湯底，配上新鮮滑牛肉，感覺出奇地夾，愈食愈想食🤣🤣師傅將個包烘到好鬼脆！食落口好似食緊厚餅乾甘😋檸檬蜜糖汁偏酸，各花入各眼，不過整體食起嚟都好夾🥰🥰