龍鳳祥餃子館 (Under Renovation)

突然想食餃子，之前有食過龍鳳祥都覺得ok。之前都係食開外賣，今日試下現場食，吾知會吾會更好食呢⋯⋯鋪頭唔係好大，大約10張枱鬆啲。不過呢位有啲迫。叫左京蔥餃子麵，點知黎左牛犇麵。可能午餐繁忙時間聽錯左order🤷‍♀️不過算啦，懶得換就試下，還掂未食過牛犇麵。賣相都幾吸引，湯底好似好濃郁。試咗一啖湯底味道偏鹹，除咗咸食唔出咩其他味😞不過牛肉好淋一啲都唔韌👍麵都算彈牙。如果個湯底冇咁鹹會更加好

麵食依然美味2018/09/27一個人的晚餐，之前係深水埗已試過此店，對於煎餃冇咩期望，湯麵反而很出色，湯餃仲未試過。今日點了餐牌上有推薦公仔的麵，但好似冇第一次食時咁好味。記得第一次食時肉的肥瘦剛好吸引，不過依家的牛肉都接近入口即溶，湯底及麵質真係好討好。本人覺得$50碗麵不特別平，但佢牛肉粒多而且都算好食。18:30去到店內人唔多，大數人都點湯餃，可加錢選湯底。下次會想試五花肉或撈麵，可能認真試下佢啲湯餃也不錯。

佐敦白加士街有很多小餐館，琳琅滿目，單是選擇那一間午饍已可花我們一段時間。 左選右選，我們決定選了此店。門外有大約十人等候，等了大約五分鐘入座。小店座位不多，搭枱是當然的事。我們倆人叫了牛犇麵、𦭐菜餃和節瓜冷食。冷食味道調較很好，份量尚可。 餃子每件份量大，奈何肉質不是很好，用了很多味精，吃完很口渴。牛犇麵份量不大，牛肉肉質尚好，不是很特別，同樣味精很濃$50 有點兒貴。整體來說，這樣價錢不能要求太多，算是不過不失，但味精實在用得有點多，即使飯後良久還是很口渴。

今晚決定食龍鳳祥餃子，再食隔離澳牛做甜品。去到既時候只有2枱食客，無需等位。環境都幾乾淨，雖然所有餐具已經預早擺放於枱面 (好似酒樓咁)。2個人叫左一碗牛犇麵($50)，10隻淨鮮三餃($47)，一杯豆漿($6)。牛犇麵($50)似一般台灣牛肉面，麵質偏幼身，都算多牛腩，大約有10小件牛腩，牛腩炆得好“諗”，湯底鮮甜，仲有好強烈既芫茜味。”友人”話係唔錯，不過佢話下次只會叫餃子麵再加配牛犇湯。不過對於嗜辣既我就無乜衝擊，只會形容係一碗平淡既牛腩麵。10隻肉三鮮($47)本身想叫普通既白菜豬肉餃，但諗住專程來尼間食，就叫特別少少既肉三鮮餃子，餡料有豬肉，韭菜同蝦仁。餃子皮薄餡多。枱上有3款醬汁(豉油，豆瓣醬，醋)提供，可以自行調配。豉油的確係好咸，不過同水煮既餃唔太夾，配豆瓣醬就惹味d。可能煎餃香口d，沾醬食會好味好多? 但係煎餃要加$8都幾貴，感覺唔值(雖然煎餃一定好味好多)。每隻餃子大概有7成韭菜，2成豬肉，同埋一隻細蝦，非常強烈既韭菜味。不過有少少失望，無諗過名叫鮮三餃，但有咁多韭菜，似食緊韭菜餃。對我而言，應該無下次。

見呢期龍凰祥餃子咁hit,今日lunch特登去佐敦分店試下。店舖唔算大，大約有六七張枱。三個人點咗煎三鮮餃，九菜餃配酸辣湯底同一個牛犇麵。呢個牛犇麵個犇字原來讀奔，哈哈，門口見到有介紹呢個麵，見到個犇字咁特別，已好想試。碗麵果然係推介食物，牛肉很入味，完全唔韌，仲好有囗感，湯底好好味，一個字正。煎三鮮餃子的蝦好新鮮，又煎得唔太油，配埋個豆瓣醬好好味。至於個酸辣湯九菜餃都唔錯，三樣食物都好有水準，價錢又唔貴，真係唔錯。

出到尖沙咀唔知食咩好 最後行去佐敦食🙈.1️⃣牛犇麵($48)🐮🍜好鍾意依個‼️幾似台灣牛肉麵，但比牛肉麵更加濃味，麵條都彈牙推介👍🏻下次黎都會再叫牛犇麵.2️⃣一顆蕃茄冷麵($48)🍅🍜個名超正，黎到真係得一顆大蕃茄加冷麵😂😂😂味道酸酸甜甜，幾開胃，岩夏天食♨️.3️⃣蕃茄炒蛋餃子($42)🍅🥚估唔到蕃茄炒蛋都可以做餃子🤣見佢咁特別就叫黎試試啦不過可能我唔係好慣 又或者我唔太喜歡食蕃茄炒蛋 所以依款我普普通通

一早約了朋友吃午餐，朋友在尖沙咀返工的，基本附近餐廳都吃過，我們都偏熱氣底的，所以想揀中式一點的餐廳，邊行邊看，正正是澳牛隔離，幾乎滿座，我們都很久無吃餃子，這裡有個位專門包餃子，材料十分新鮮和粒粒飽滿，很吸引我們，便快快入店，看看餐牌推介。我們一致決定吃有的肉三鮮餃子和紅燒牛犇麵，另外加小吃雞絲粉皮、酸辣湯和凍豆漿。等了一會，各樣食物上枱，速度挺快，但不求其，整體賣相不錯！先來牛犇麵，湯底很香濃但不會過鹹，牛腩很腍和入味，還十分多牛腩，連少少脂肪，不會覺得油膩，而且嗜肉的我可大口大口吃的很滿足原來朋友都很辣得，我又好鍾意酸辣湯，不得不點，酸辣味很出，材料亦很足，這湯和料很平衡，食過外面的會很漿糊，這個剛好，未算大辣，所以很合我胃口~雞絲粉皮味道跟大酒樓或京川滬式餐廳差不多，麻醬剛好，最怕食醬多過主角，雞肉絲好嫩、無肥膏，青瓜絲份量剛好，令整個雞絲粉皮有層次又清新開胃!而肉三鮮餃子都很驚喜，現場包的，所以看到真材實料，一共十隻，粒粒平均、皮薄餡靚，餡是蝦仁、豬肉和韮菜，想惹味一點還可以醮豆瓣醬，更美味!這間店雖小，但好多人幫襯，所以要吃就要等下，且不能坐太久，因為繁忙時間來品嘗的客人真

喜歡吃中菜，因為選擇多元化、烹調入饌都很講究；最近經過龍鳳祥餃子館，看見餃子館門面光鮮，感覺很衛生，所以沒有多作考慮就進店一試。蒜泥拍青瓜點了小份的，蒜蓉很足料，作為前菜，二人吃已經很足夠。牛犇麵一上菜牛湯味香濃，粒粒牛肉很腍身，烹調時間剛剛好，所以麵條不會被湯浸我過軟。至於酸辣湯是AW的最愛，餃子館的酸辣湯酸味較重，而且湯是相對稀身一點，不像有些餐館的呈糊狀。當然，又怎能少了餃子，點了招牌的肉三鮮，有蝦、豬肉和韮菜做餡料，加了$8轉煎，餃子煎我很香脆，皮不厚，而且每隻都可以吃到大大粒蝦肉，沒有偷工減料，值得推介!! 餃子館中式裝潢，感覺很企理除了餃子，還有麵食和湯品  肉三鮮和蕃茄蛋餃子都是推介食品涼菜可以點細份的，人多可以多選幾道一試呢~  下次AW要來一試豬手麵!! 青瓜很新鮮，而且蒜泥很足料牛犇麵—牛湯香濃，一碗二人開心share都吃不下...  酸味較多的酸辣湯較少地方找到，這個很不錯~ 三鮮餃子，加$8可轉煎餃子 單是賣相已很不錯，餃子餡料漲卜卜的，而且外脆內軟二人捧腹離開，人均消費是也不到$80-HKD，比上茶樓吃午飯便宜呢~

放工由尖東沿柯士甸道落佐敦覓食二人同行 行到落白加士街 揀左呢間餃子店一坐底 先黎杯凍豆漿解解渴甜得有啲似百福豆漿但回甘果下有啲豆渣味 自家磨嘅感覺然後叫左兩麵一餸一煎餃口水雞 $58雞肉嫩滑 可惜皮太肥太厚 又近骨位但配上辣醬及辣油 非常味美呢個口水雞上面不是一般辣椒碎而係一堆有花椒嘅辣碎 (應該係自家製🤔)麻而不太辣酸辣湯麵呢個湯 無豬紅嘅 (太適合唔食豬紅嘅我)酸辣度均等 不會太咸 一啖湯配一啖麵牛犇麵湯底好濃郁 好香肉味 並不咸 非常足料製作牛肉炆得好淋 份量又多 好食到要介紹但麵底反而缺少蛋味 又過份偏軟 欠口感煎雙餃 $60(京葱羊肉+肉三鮮)一碟十隻 轉煎餃+$8 雙併+$5煎得好金黃 好外表好乾好脆身 完全無油膩感京葱羊肉餃一咬落去 估唔到肉汁多到吱出黎(圖中碟角)好羶又好香 雖然唔識分邊種羊肉但羶到這個地步 似是內蒙古嘅羶可能比較少京葱 所以無乜京葱味如果喜歡羶味嘅客人 呢個非吃不可肉三鮮 （蝦仁， 豬肉， 韮菜)絕對無高攀呢個菜名蝦仁爽口 豬肉鮮甜 韮菜新鮮又juicy 個餃子皮又唔厚兩個人仔 食左$214 絕對會再光顧

有日因公事經過佐敦見到有新店開張店內以中式餐館 實木為主的裝修坐位不多 大概有十多個坐位吸引我去嘗試的是因為附近沒有什麼特別的餐廳好吃常常經過都只會食某米線和某薯粉見這裡有不少午市套餐可選擇價錢亦合理 都可以一試餐牌有燉菜客飯 麵條 餃子可選擇見到有一麵條 - 牛「犇」麵 名字好特別 連讀都唔識讀 就問下店員係咩黎於是店員話原來讀牛「繽」麵即係牛腩麵的意思用英文去解釋 原來係坑腩的一種 取自牛肋條(Finger meat)部位的肉 係牛味最濃的部位見到咁特別的名 就叫一碗牛犇麵（$48） 加酸辣湯（$5）酸辣湯材料好充足有豬肉絲 紅蘿蔔 竹筍 木耳 冬菇 豆腐 辣椒等但由於個人喜歡吃酸一點辣一點所以覺得味道略為遜色每個人接受的酸辣度都不同不過以（$5）來說 算很抵食主角牛犇麵登場了 份量不少呢一看如此深啡色的湯頭便知湯底應該熬了很久嘗了一口後 wow牛味十足牛腩燜得好入味 好淋 一咬便散開濃烈的牛味散發在口腔裡面而且牛腩脂肪分布平均 不會覺得太肥膩如果喜歡食牛肉麵 可以一試