牛極 (通菜街)

Open Now

Now Closed

㩒演唱會飛㩒到差不多兩點都唔成功，好沮喪，就call阿媽去食個late lunch。阿媽話好肚餓，就帶佢去牛極食牛扒（半放題）。一共有六款唔同既牛扒選擇，每款有三種唔同重量揀！點餐係用自助點餐機，好方便好日式！店內唔算太大，簡單日式的裝修，令客人坐得舒適！自助區有米飯，湯，沙律，水，醬料，食幾多自己攞幾多！飯係用珍珠米，好軟綿綿；湯是牛肉湯，但有d似羅宋湯；沙律新鮮，加埋柚子沙律汁，好清新令人開胃。牛柳200g （$110）牛肉味好濃，肉質勁淋，自己又可以控制牛柳幾成熟。牛肩肉眼180g （$80）牛肉味濃郁，肉質比牛柳實一些，當然唔會韌。以呢個價錢食到呢種牛扒，絕對超值！

近期愈來愈多呢類用火山石燒牛扒上既餐廳，咁就當然要黎試下啦大約夜晚7點半黎到，大約等位等左20分鐘，終於輪到我地入座。佢似足日本餐廳咁，係用自助機點餐後，出返張票出黎然後畀職員，不過部自助機收現金，如果可以增加信用卡或者八達通付款就更加好喇。佢呢到全部都係SET黎，基本上係揀食幾多gram同邊款牛排，然後就出面自助區有得任添白飯、味噌湯同沙律。我地就揀左 牛柳200G ($120) + 牛肩肉眼180G ($80) 牛柳200G牛肩肉眼180G任添白飯,味噌湯,沙律佢上菜時d牛排得一成熟，然後由個客人自己控制燒幾耐，黎決定食幾成熟，咁就唔會出現落單3成熟，結果出黎7成熟既問題佢D牛柳同牛肩肉眼食落都充滿牛味，牛排唔會太多根，質素高另外個自助區除左任添白飯，味噌湯同沙律之外，出面仲有d燒肉醬汁可以拎，有胡麻沙拉汁，辛味芥末燒汁，自家製燒肉汁可以點D牛排黎食。呢個價錢有得任添白飯，味噌湯同沙律，仲有高質牛排食，性價比一流

最近見好多人都食熱石牛排，呢間係女人街附近，上網見人介紹CP值高，就嚟試一試。一入門口就見到部自動販賣機，好似日本拉麵鋪咁，想食咩就自己撳，不求人。第一次嚟到，試一試個牛肋骨排同埋牛肩肉眼。牛肋骨排上枱睇落去好大舊，因為中間有一嚿骨，其實肉並唔係太多。牛肩肉扒肉就相對比較多。兩者肉味都好濃。一上枱個陣大約一成熟，我就唔係咁食得生，就煎到7成熟，拎嚟送飯一流🤤🤤自助區個到有3款汁，分別係芝麻醬，芥末燒汁同自家製燒肉汁，枱上都有鹽同胡椒。個人推薦芥末燒汁，帶有少少辣比較比較惹味👍🏼湯，飯同沙律都係任食。沙律嘅菜好爽口，配埋芝麻醬簡直食唔停口。如果驚白飯冇味道，可以加啲紫菜粉，食落會比較香d😋