巨一麵堂 (Closed)

因工作今日去到佐敦~聽說個度有間接近日本嘅拉麵, 既然今日經開, 就一於去試下啦拉麵店雖然位於佐敦, 不過就係冷巷位置, 如果唔熟悉地方都真係要搵下。而我地2人因為剛好過晒食飯時間幫襯, 所以都唔需要等位。因為本身主打拉麵, 所以只有拉麵食, 而聽聞牛舌好食所以2個都叫左牛舌, 但湯底就唔一樣😊😊先黎左蔥花牛舌拉麵(醬油湯底), 果然蔥花十足💕滿滿嘅蔥令鍾意食蔥嘅朋友心心眼, 之後最重要先飲一啖湯底先, 湯底就有少少失望, 因為絕對唔夠濃郁呢樣比較失望。之後係牛舌玉子拉麵(鹽味湯底), 飲一啖湯同樣的問題, 唔夠濃郁麵係合格的, 軟硬度適中👍玉子都好好食, 起碼真係半生熟, 連麵一齊食剛剛好。但係牛舌就相對失望, 可能期望高, 但味道不似預期濃郁, 唔夠入味。總結: 2個人食左接近 HKD200, 以拉麵黎講係比較貴嘅價錢, 質素亦冇預期嘅好。但係係香港, 呢個拉麵質素已經唔錯啊！所以如果各位掛住日本嘅拉麵, 又想頂下癮, 不防一試!

之前來過兩次，兩次都座無虛席，今次依然是週末到訪，竟然只有寥寥幾位顧客。不過店員說，當天下午全滿，忙得很，晚上才稍為靜一點。今次我點了牛舌玉子拉麵，牛舌很滑，玉子也很好吃，但可能我食得慢，覺得麵有點軟。Honey點了炸豬扒拉麵，豬扒沒沾粉醬，炸得剛好，香脆但不油膩，味道也適中，很好吃。我們還跟餐點了炸雞和牛肉薯餅。炸雞味道一般，但不油膩，肯定是炸鍋油夠滾。我很喜歡這個牛肉薯餅，很香啊！

每天下班都會經過這家拉麵店。終於在這個星期六下午來試試這裡的拉麵  拉麵店內有滿滿的裝飾品，還有一些手繪的板~有時間可以看看喔～不過可能是地理位置的問題? 這個下午人客不多呢拉麵湯底都是雞湯來的喔~然後分成3種的風味。每種風味再有不同的配搭，感覺上像很多款的拉麵可以選擇。選好後，店員為我們送上了水 ._____. 我還以為會是茶來的啊！(這個有點失望~)首先點了 - 牛舌玉子拉麵 ($82)試了一下牛舌~厚薄適中，肉質很稔身  麻油風味的湯底~很香醇惹味我自己則是吃 - 玉子拉麵 ($67)湯底是屬於清淡的那類~很清澈的湯～不油膩。拉麵是我喜歡吃的軟度 本來有想過加一客餃子~但拉麵的份量比我想像中的要多 

最近吃過的拉麵，由醬油湯到味噌湯，甚至黑蒜或雞湯拉麵，變的看似只有湯底，配料總離不開那片叉燒。然而這一天吃到的拉麵，卻由其他東西取代了那片應該出現的豚肉片…...放工走在回家的路上，每次總會見到位於志明街的兩家日本餐廳。原先還想著回家才吃東西，結果還是走進了其中的一家 – 巨一麵堂。趟門配暖簾，是典型拉麵店的門面，而店內裝潢也較為大路。教為讓人留意到的，算是掛滿日本寺院的許願木牌，還有那大紅燈籠吧。這裡供應的拉麵近20款，看似選擇很多，但細心留意，其實某些普通拉麵額外追加不同配料，就會等同其他配料較為豐富的拉麵，且價錢也相同。雖然有點取巧，但選擇時心態上不用麻煩。牛舌玉子拉麵 $82說實話，這拉麵的賣相平凡不過，看見第一眼甚至有中伏的憂慮。先呷一口湯，醬油味出奇地香濃而不膩，再將那帶微辛口的沙律醬拌勻於湯頭，對味道並沒甚幫助。而說好的麻油風味，原來只是灑上黑白芝麻，很有被騙的感覺。這裡的拉麵沒得選硬度，結果出來的口感，小弟就認為過於軟身。雖然如此，對拉麵的不足感很快便被萬分驚喜的牛舌所彌補。兩片牛舌的大小跟平常吃麵的叉燒相若，厚度甚至較叉燒來得厚切。牛舌炆煮得入口即化之餘，嫩腍之中吃到

去開佐敦見客，啱啱有個空檔，見未到午飯時間，就一於試下呢間由巨星幫隊長陳國峰開既日式拉麵店。店面唔大，我揀左吧枱位坐，因為可以近距離睇住師傅整麵。睇左menu 見拉麵選擇唔算多，最後揀左牛舌玉子拉麵，蔥花醬油湯底。碗拉麵黎到，見到碗麵都幾油下，麵面充滿住蔥花，望落都幾算足料。麵入面大概有兩塊薄切牛舌，咬落去肉質普通，唔多彈牙，無乜味道。啲麵口感一般，而拉麵最重要既湯底，飲完一啖後就是覺得清清地、油油地咁，無乜特別，如果吃得比較濃味既就建議別對巨一有好大期望了。

曾經喺佐敦返工嘅我，對依間明星開嘅拉麵店實在想試好耐！今次固地重遊，點都要試一試佢哋主打嘅牛舌拉麵！其實識食日本拉麵嘅朋友，或者對日本拉麵文化有認識，都知道曲麵喺醬油麵！意思喺重口味湯底，必配曲麵！其實食日本拉麵最重要喺個湯底，可以話喺靈魂所在！第二重要就喺個玉子！所以今次貪心啲，直接叫咗碗《牛舌玉子拉麵》，要醬油湯底，硬身曲麵！坦白講，依到主打嘅《牛舌玉子拉麵》賣相冇經考究！最少小弟個人認為冇誠意！玉子流心程度一般，味道偏淡！麵底講明要求硬身，但完全冇口感！唯一可取喺牛舌夠大塊，但味道只屬適中，唔彈牙又淋謝謝！最後湯底真喺令人大失所望，點解？醬油湯底冇味之餘，仲有腥味，真喺唔知發生咩事！加一收左90蚊，唔喺好抵！而且90蚊一碗拉麵，我寧願行多幾步去恆豐中心地牢好過，果邊選擇會更多！完全犯咗所有明星開嘅餐廳一樣，真喺名過於實！