616牛肉火鍋專門店 (西菁街)

Open Now

Now Closed

無牛不歡嘅男友人今晚帶我黎呢間專食牛嘅火鍋店，唔黎都唔知原來牛嘅部位有分咁多個名。每個部位要淥幾多秒喺餐紙有寫。店內環境走懷舊風。餐前有西瓜食，可以邊食邊用ipad點野食。我哋試咗鴛鴦鮮青椒牛骨湯，鮮青椒嗰邊個湯好香，辣得黎有啲麻咁，幾特別，男友人好鍾意呢個味。牛骨湯就比較清淡，入面見到真係有牛骨架喎，仲有牛腩牛筋，好真材實料。仲有個計時器，店家話首柯打20分鐘內唔到會免費，不過啲食物都好快黎齊。呢度無收加一但係就有醬油費，都係自助拎。吊龍伴，牛背脊上有一條肉叫吊龍肉，喺吊龍肉嘅下面嗰一小部分就係吊龍伴，呢個位有肥膏痴住，食落口感好香滑，而且咬落無渣，正。牛朴肉，係牛嘅肩胛肉裡最靠近頭嘅一個部位，因為成日郁，所以好嫩滑，啲脂肪好似雪花咁分佈得好密，入口柔嫩而鮮甜，咬落爽口有嚼頭，又係正。匙柄，即係肋骨之下嘅部位，有筋連住舊肉，所以入口好彈牙。腩頭，切得幾厚身，油脂分布均勻，肉味比較濃。另外仲試左水蓮，呢個菜嘅品種未聽過，外觀好似一札繩咁，店員話最多淥8秒，口感似食韭菜，好爽脆，聽講營養價值好高，好特別又有益！最後唔少得嘅就係要食稻庭烏冬，放落牛骨湯，好味又唔咸。食完發現6月11至16號

收工返家想近近地搵間食牛肉補一補, 想起士林麵隔離有間616，坐低發現店內好多有香港嘅玩具，好有兒時回憶。點左一個鴛鴦鍋底, 牛骨湯加酸菜湯, 一邊清湯最能夠釋出牛原汁原味, 酸菜湯就最適合重口味嘅朋友麻辣牛肉簿切，麻油加麻辣醬，香味好夠，又夠入味脖仁，好有牛味而且肉質嫩滑！牛舌- 肉質爽滑，牛味濃郁，可惜切得太薄，略欠口感牛駝峰 - 小小脂肪，肉質口感肉味各樣好平均，點牛肉汁加雞蛋最夾封門柳，牛朴肉，我較喜歡牛朴肉，似新鮮肥牛，但不愛脂肪的朋友，封門柳就比較瘦

取名為616，相信意指淥一淥就食得了吧！行到入去，先入眼簾o既係d 壁畫，描繪o左元朗o既風景，好似南生圍呀聚星樓同大馬路輕鐵呢d，好靚而且仲係純手繪！一面o既bench 仲擺放o左好多舊式玩具，我阿媽同我笑語，以前就係點樣玩住呢d 上鏈跳跳跳，咁就一日。其實呢間牛肉火鍋我之前已經幫襯過食lunch，好似$48 一個火鍋套餐咁，覺得係幾唔錯，於是同屋企人食多一次。晚市係散叫的，每張檯都有部ipad，有晒圖有晒價目俾你自己點菜。o野食未到，先送上西瓜一碟，另外仲擺o左個漏斗，話有個廿分鐘承諾，過o左鐘都未上菜就會送o野，turn out 係無過到鐘。因為無試過食單係牛肉都仔細分咁多個唔同部位，所以叫o左侍應姐姐推介有咩好食。首先佢叫我地試下新o既酸菜或者鮮青椒湯底，我地揀o左鴛鴦酸菜牛骨($78 無加一)，酸菜部份好香同帶點麻辣，我媽幾喜歡，而牛骨湯則幾足料去熬製，本身d 牛骨肉煲到好腍。侍應細心問我地鍾意腍d、有咬口d 定牛肉味重d，我話想試下牛味重，佢就推介o左封門柳($68)。睇落好深色o既一碟，食落味道真係幾濃郁，有少少似肉眼扒o個隻味。另外我地仲叫o左隻手打牛滑($48)，呢個