宜家家居美食站

Open Now

Now Closed

屋企樓下就係IKEA美食站真係好正，久唔久想食就可以去落去買。而且番shift既我放工時間人流都未必多，好容易唔洗排咁濟就買到黎食。聽到D24最後一日，就一定要落街買黎食喇！個人覺得一球就點都唔夠，兩球唔過分，重口味既話買三/四球就岩晒喇。D24味濃但唔膩，正！唔知下一期又做咩榴槤呢？期待！味道 5/5榴槤控黎講，佢味濃，夠香，亦夠滑環境 4/5當日係閒日，過左午食時間，人流唔多，不過始終都係得幾張檯喇，打卡都需要就下角度服務 4/5自助機點餐，都有helper在旁，有問題隨時搵到人幫手。出餐同事都盡量令到成個流程smooth，盡量唔會塞死晒係取餐位置👍🏼衛生 4/5垃圾桶就得一兩個，好易就爆。咁岩就有清潔姐姐幫手清空左。但我諗如果好似阿宗麵線咁，大家張d碗呀、盒呀、杯呀咁分別疊高，應該個垃圾桶見洗好多！抵食 4/5永遠都係沒有最抵，只有更抵喇！

💛🧡💛榴連夠濃 雪糕中空🍦講真，真係有啲美中不足🥹呢個榴槤燕麥奶新地之前都食過，今次新地份量真係少咗啲😭💛特濃D24榴槤燕麥奶新地💛 $19作為榴槤控，點可以錯過有榴槤嘅新地喎！榴槤味夠濃，冇冰渣 仲食得岀絲絲榴槤果蓉🤤夠臭夠過癮！唯一美中不足都係燕麥奶新地太多，大概1圈多啲啲，入面係中空嘅😭好失望🙍🏻‍♀️職員貪快求求其其擠…(我1圈多啲可能算好彩喇，隔離有對情侶都略有微言，得少少🤏🏻食2,3啖就完🤥今次可能係職員唔熟手，未識控制份量掛🥲不過榴槤味夠頂癮嘅！希望下次再食，會多返啲啲份量啦！📍宜家家居美食站📍荃灣荃灣青山公路388號8咪半3樓

Ikea公關做得出色就係人都知🤣 每次香港有啲搞笑事發生 佢地都係第一時間衝出嚟靚抽🤓 事源有同事見到ig嘅promotion 話有榴槤食 就真係令人心思思好想去食 之前試過豆腐花味新地 覺得都好出色 今次有果王真係要去試吓😎D24榴槤芝士窩夫一碟有兩件心型窩夫🧇 本來冇太大期望 因為個樣好似有啲乾 但食落口絕對有驚喜😉 每層都啱啱好 面頭嘅芝士烤到好香 中間有少少榴槤肉 加埋個底嘅窩夫本身冇乜味 有少少鹹嘅芝士撈埋榴槤肉 唔會太甜 整體好平均😮 都算幾抵食嘅推介特濃D24榴槤燕麥奶新地一杯已經包埋榴槤肉一份🍦 如果想要多份可以加多9蚊 個人覺得一球都足夠☺️ 本來淨係榴槤燕麥奶新地都已經有榴槤味 味道唔算好甜🥳 再配埋榴槤肉食真係口感好豐富 好滿足🥰我買完之後真係人山人海 至少要排十分鐘先再買到🤣 可想而知榴槤係有幾受歡迎👏🏼 據聞新地上面嘅榴槤款式係兩個禮拜換一次 等我兩個禮拜後再嚟試吓佢先😝

上年試過IKEA 嘅特濃D24榴槤新地，就念念不忘好想再食。等咗一年終於返嚟啦！ ！ ！一行到美食站附近，已經聞到濃濃嘅榴槤味！對於唔食榴槤嘅人黎講，其實都幾殘忍。不過， $19 就可以食到呢杯 特濃D24榴槤燕麥奶新地🍦，就絕對係天大嘅福音！今年有少少唔同，改用榴槤燕麥奶雪糕。雖然燕麥奶味唔出，已經俾榴槤未蓋過咗。但感覺比較健康，同如果有奶敏感嘅朋友都可以食到。十分貼心。榴槤肉份量都唔少， 味道好香好好味！ 趁住呢一兩個月係IKEA 嘅榴槤月，相信我都會再去多幾次食多幾杯！希望年年都可以食到啦！