Infinity Workshop Cafe (Closed)

較早之前有留意呢間，咁岩有位外國朋友泥香港，咁就想帶佢食一d特別既野食～所以就book 左夜晚食啦一踏入就覺得環境好舒服，我地安排坐係靠近窗邊～直接進入主題第一杯三眼仔係抺茶口味既，又唔會話好苦，抹茶控必叫呀另一杯係玫瑰鮮奶，每一口都有甜甜嘅玫瑰味，同牛奶味好夾，會令人再想叫多一杯飲既衝動！接下來係主菜～朋友點左個黑松露油炒先帶子虎蝦意粉：蝦煮得好入味，而且啖啖肉！意粉係用黑松露油炒過嘅，所以成個配搭好野味！又唔會太咸我就點左白松露油香煎深海魚柳意粉：本身唔多食魚既，但見食評有人推薦就想嘗試下。好意外地好味，唔會有腥味，意粉加埋香草同埋白松露油一啲都唔油膩，反而每一口好正，食唔停口！總括泥講，十分滿意，朋友亦都食得好開心，最緊要係服務員態度好！

朋友準備結婚，相約兄弟姊妹團出來，他們一早訂了位，我比原訂遲了大約40分鐘，2時10分左右才到，他們已落了單，有的已吃喝中，有朋友叫all day breakfast, 我都想吃，見到有幾款的，可選素all day breakfast, 一於試它，還點了玫瑰之吻(其實是奶)。素all day breakfast-有大啡菇、炒蘑菇、茄汁豆、沙律菜、果批，味道都很好，又清新，大啡菇大大塊很多汁，沙律菜沒有多餘的沙律汁，很新鮮!玫瑰之吻- 微微玫瑰香味，奶味重和甜，可以再加多些玫瑰花令它更清香~見到其他朋友吃漢堡的餐，超大份，很吸引，希望再有機會來吃!今次因為我太遲，不好意思慢慢影相，大約記得個名和價錢，而且是對新人請食飯的，真好是不錯環境幾大幾寬敞，唯我們這張長枱特別高，椅子相對太矮，感覺不太舒服。門口見到有workshop字眼又占卜的，比較有興趣知有什麼工作坊，下次再研究一下~

其實旺角cafe真係好多主要都係搵個地方同朋友閒聊下入到去環境很大就算你幾多人去都有足夠既空間活動一啲都唔覺得迫現場所見有大人帶埋小朋友一齊黎傾計食野又有情侶係角落食野真係咩人都適合飲品名稱用童話世界黎表達好新奇 好吸引意粉出奇地好味好多蛋汁食落去一啲都唔乾中間隻蛋係流心蛋汁混埋意粉一齊食正！餐牌上介紹呢碟菜式有辣椒但其實一點辣味都沒有可能自己不喜歡食三色椒所以覺得麻麻雞翼好乾蜜糖不是太夠其實係Oreo 沙𣲙外面既Oreo會好甜但呢個甜度適中因為友人不大舒服點了玫瑰味熱鮮奶如果係食晚飯建議飲呢個，晚上必定好好瞓雖說高峰時間 只有90分鐘用餐時間但職員都唔會趕你走同埋職員隨時都望到全間餐廳既人落餐個啲都好快會幫到你不同於其他cafe，叫黎叫去都無人招呼