INN - I’m Not Nothing (Closed)

餐廳裝修外到內都好靚好乾淨，走文青feel路線，仲有室外座位。食物選擇有輕食有主食，仲有少見既法式班戟添。叫左班尼迪蛋菠菜巴馬火腿配法式班戟($78)，韓式泡菜免治雞肉芝士配薯條($88)，香蕉朱古力奶昔，西柚檸檬梳打。法式班戟帶甜，厚度適中，班戟皮做到邊邊位帶焦黃色。巴馬火腿鹹香味濃郁，火腿底下仲有菠菜，配合甜甜既班戟，好滋味。而且餐牌仲有其他款甜/鹹班戟添。班尼迪蛋外型做到好似cream咁，一切就流蛋汁，好jeng。點綴既火箭菜fresh，望落細盤，但食食下好有飽足咁。麵包烘過之後，一切落去聽到chopchop聲既脆聲，連芝麻都更香口。免治雞肉好結實，而且好厚一大塊，個size仲比麵包大添。雞肉混合紅蘿蔔粒，夾有芝士、蕃茄、生菜，加埋微辣既泡菜，第一啖食，泡菜既辣味先跑出，後係煎香雞肉啖啖肉，好豐富。炸薯條粗身，就算放耐左食，依然脆口。lunch set跟餐湯，蘑菇湯送到上枱超香菇味。蘑菇已經打碎哂，口感夠稠綿。飲品除左可以揀茶/咖啡，亦可以以半價優惠轉其他。香蕉朱古力奶昔有d朱古力醬係杯邊，面層有球cream，灑有烤香杏仁片，有口感。成杯都好rich香蕉味，香蕉已經打爛到見唔到，