平昌

Open Now

Now Closed

平昌，位於旺角西洋菜南街1N號兆萬中心13樓。 餐廳主打韓國燒烤， 店內很有韓國風味。 韓式放題晚上有三個價格， 我揀了中價 (世子御膳) ， 用餐時間兩小時，連加一每位大約$372📌。 肉類有豬牛雞， 每款肉質新鮮。 海鮮類我喜歡生蠔和帶子， 鮮甜肥美。 韓式料理亦有很多選擇，推介牛骨湯和豬肉大醬湯。 最驚喜就是有醬油蝦和醬油蟹， 雖然醬油蟹沒有蟹膏， 但這個價格可以食到兩款醬油海鮮， 已經很好了。 整體價錢合理， 款式多， 下次會再來。

今晚帶阿媽去兆萬的平昌食韓燒，這間餐廳都是朋友帶我過來，試過之後覺得不錯，所以就帶阿媽來食。餐廳設有任飲包括韓國飲品及啤酒，跟外面的放題差不多。任食的包括基本的韓式燒肉及傳統的韓國食品。價錢都是$188另外再加一。燒板不算太大，放的食物不算多，但旁邊可以放些蛋及蕃薯仔慢慢燒。牛舌是我至愛，切成薄薄一片，肉質彈牙。雞翼本身已經醃過，燒好後食非常入味，不過要剪開兩截燒則比較易熟。海鮮有生蠔、帶子、蝦等，生蠔比較細隻，但是任食項目，所以都無咁要求，海鮮尚算新鮮，其中蝦肉比較好味。加錢另外點的芝士蝦充滿芝士，蝦肉彈牙，不過芝士在燒的過程中溶掉大半。鮑魚已離殼，所以先燒鮑魚肉，鮑魚殼的芝士放在旁燒讓其溶化後火再放上鮑魚一起吃，味道一絕。韓式炒粉絲細細碟，不怕吃不完，粉絲爽口彈牙，是我最愛的韓食之一。最後，食埋餐廳送的甜品，非常滿足的一餐。店員服務細心，而且上菜很快，完全無漏單，兩個小時其實足夠有餘。

終於踏入冬天，而且天氣真係開始凍，寒冷天氣警告下，當然要搵些熱辣辣既地方食點令人暖笠笠既晚餐啦。所以去了旺角兆萬的平昌，任食韓燒及韓食。外面的飲品櫃有大量的韓式飲料及汽水，亦有免費啤酒。有大量的肉類，亦都有海鮮，不過有些要另外付費的。爐的旁邊有蛋醬及蕃薯仔。肉類包括了豬腩肉、牛舌、其中豬腩的油脂在燒的過程滲出，煎香了表面，令腩肉外脆又不會太肥膩，包著生菜更能減輕油膩感。牛舌切得都算薄，燒了幾分鐘後已經可以食得，肉質煙韌有咬口。海鮮類有任食的包括了生蠔、海蝦、扇貝及青魚等，其中青魚及海蝦新鮮，蝦肉爽口彈牙，青魚魚肉鮮甜不腥，而且很嫩滑。另外要付費的芝士海鮮，我們點了芝士蝦及鮑魚，蝦肉大隻爽口，鮑魚比較細隻但肉質腍。免費送的甜品，有芝士蛋糕，威化餅等，全部細細件，味道不錯。總括而言，二百元的韓燒，價錢合理且質素不錯，冬天除了打邊爐的另一種選擇，店員會間唔時自動自覺去換鐵板，減少食物燒焦及黏底，服務抵讚。