孔夫子 (Club East洞天) (Closed)

走區內中高檔路線的高質中餐館🥢每份點心精美、份量足，但可惜點心選擇較少1️⃣生拆鮮蝦餃皇(四件) $55 👍🏻新鮮蝦爽脆；餃皮適中煙韌😋2️⃣蟹籽蒸燒賣 (四件) $48 👍🏻燒賣皮薄；蝦餡足料、爽口彈牙3️⃣桂花蜜絲蛋散(六件)$38 👍🏻蛋散薄得來有層次；炸得十分鬆脆；桂花蜜的配搭完美4️⃣孔門炒米粉 $118 👍🏻主要味道來自蝦乾粒，配料還有豬肉碎、芫荽絲、銀芽、超細的蛋黃碎；米粉也極之幼細5️⃣孔府招牌腸粉 $45 👍🏻最外層是薄腸粉，中層包着炸薄脆，內餡是腐皮卷的素齋6️⃣黑毛豬叉燒包(三件) $35包皮不夠軟綿鬆軟；餡料可更濃郁；相比其他出色的點心較失色@茶計每位$13 (🧴防疫期有為客人準備放置口罩用的膠袋和搓手液在餐桌) ———————————————————————環境：7.5 /10服務：7 /10衛生：7.5 /10味道：7 /10性價比：高回頭率：60%

尼間新開不久位於工廠區一帶既點心店非常之靚既裝修。平日飲茶都即興去拎位，無諗過飲茶都要訂座先有位好彩同友人只係飲一個鐘就走所以有位俾我地坐，可能因為今日係星期日吧多人訂位飲茶。這間茶樓十一點半先開市所以吾算係一般既茶樓。茶位$13一位點心🥧款式不多，原本想食既點心都無左，侍應話會定時更換餐牌尼個既杯杯碟碟各樣餐具🍴同傢具都設計得同店名一樣好有中國古時既風味，飲茶都非常有味兒位與位之間都好寬闊，坐得好舒適，岩晒慢活既生活節奏黎到當然要食佢招牌菜《孔府招牌腸粉》$42粉姐色既腸粉第一次見吧仲要食落去係脆口的口感似食緊炸兩不過個餡料完全不同，尼個岩晒食素的沒有肉既腸粉即使放涼但仲食到好脆口同腸粉拉得薄薄中之後叫左個有趣既《松茸蘑菇包》$35非常有誠意既蘑菇包，同真蘑菇個樣非常神似連蘑菇粒’頂‘都整埋即蒸個包皮非常軟熟，入面包住滿滿松茸好新鮮同健康正之後叫左個《生拆蝦餃皇》$52蝦餃反而好普通而且價錢都超貴的，但勝在蝦味夠勁係真係新鮮蝦生拆以往食牛肉球都係蒸，尼到尼個《上湯牛肉球》$35不用加喼汁，絆上湯帶出牛肉既鮮味仲有菜，非常健康既食法最後上左尼個好可愛既造型《鵝肝甘荀鹹水角》$40雖然食

呢度係食孔府菜既，但究竟係咩黎呢，我黎過兩次都唔係好清楚，不過野食最緊要好味。上次黎係食晚市，今次就試下黎飲茶啦。其實點心選擇唔多，不過都有部分小菜小食同粉麵飯可以點，都唔錯。先黎個砂鍋魚蓉炒飯，份量係有茶餐廳size咁大，炒得好乾身，飯粒粒粒分明；魚蓉鹹鹹地，炒埋一齊掉掉味，唔會過鹹，好食啊。再黎係小食，呢個脆炸南乳肉真係世界級好食。佢係將薄薄既肥豬肉用南乳醃左，然後炸到個表好酥脆。一上枱熱辣辣，咬入去唔係肥而係甘香，亦因為佢切得薄，所以一啲都唔會癡牙，似係半溶既狀態，好回味。另外我地仲叫左幾樣點心，質素都唔錯架，可以一試再試。總括黎講，呢度坐得好舒服，空間感充足，枱與枱之間都好闊落；而且侍應都好多，態度好好；最重要係食物真係高質，值得推介。

☆附上當日之影片☆一年容易又過冬, 今年選擇上觀塘區之一間商 業大廈來共膳、 當親人給我發地址時已感覺甚為吊腳， 幸好有偉大的google GPS帶路、 難道接近零 ，所以學鬼婆話齋我可以唔要老公、但唔可以唔要Google。。。上到酒樓一開𨋢門給我的感覺便是裝修完全落足心思與功夫， 枱與枱之間完全冇擠迫度、 視野更為廣闊， 由於早已訂位所以完全冇等位之需要、 一圍八席中午飯就這樣開始~由店家名稱可以構想得到, 全面以中式裝修 入目 、所以設計上亦都感覺到不少一些心思擺位, 好了齊人準備開餐。。。孔府招牌腸粉HK$38. 聽其名不知其物，故此要來試試原來是一個素腸粉不過頗有心思、 入口腸粉皮內包上脆脆的炸皮，恍如網紋春卷皮蠻特別~至於另一款鹵水豬腳仔HK$68 就鹵得相當入味， 肉地非常之稔 、席間老人家非常喜愛~生拆鮮蝦餃皇HK$48 其實吃在口中亦都不知是生拆亦或是一批批交來貨色， 不過爽口度絕無質疑、 如果要挑剔就可能是蝦餃皮部分較為厚身一點~這份黑毛豬叉燒包HK$32. 絕對可以算為有讚冇彈內餡肉香味美, 選擇上之肉質部份亦不過於嚡口~這份孔門烤豬件HK$138. 就可算是全枱最

每逢周末周日，如果沒有其他事情就不會出去油尖旺銅鑼灣，於是乎就會近近地搭幾個站地鐵去觀塘區搵食，因為屋企附近很多食肆已經變成平日的飯堂，放假的日子就想找點新意。記得早陣子去了觀塘某幢工廠大廈的樓上餐廳開飯，途經駿發街熟食市場，注意到對面馬路某幢工廈翻新後，竟然進駐了一間中餐館，名字相當特別，容易使人聯想起中環尖沙咀那些按人頭計動輒每位 $400 以上的摩登中菜館，當時已決心找日一探究竟，所以，今日就來到「孔夫子」。由於是工廈翻新的緣故，電梯大堂門口較為狹窄，也沒有任何空間安裝大型廣告燈箱 ⋯⋯ 只可以豎立一個座地易拉架指引餐廳位於樓上。電梯門一打開，卻又是另一番景象。電梯大堂空間雖然狹窄，卻非常中國風。首先映入眼簾的是一張襯了淺寶藍色絲絨坐墊大木椅，椅背卻類似一扇中式屏風，上面還有一些落葉水墨畫的構圖意境；背後牆壁同樣採用了中國水墨畫方法，描繪了幾尾游魚及紅色落葉。對正電梯大堂採用了模仿中國古代大宅庭園分隔門廊的設計，整幅牆壁更加採用了青灰色、又沒有貼上任何宣傳廣告單張；穿過圓拱形大開口就正式踏入餐廳。整個感覺就像跨步進入一間中國古代大宅，餐廳老闆的確花了不少心思營造這個室內設計佈局。