賀苗記包點

Open Now

Now Closed

話說呢間小店呢1，2年被雜誌所追捧，雖然有人覺得不外如是，但我自己就覺得好驚喜啦😆。位置上，如果特登嚟搵真係唔算易搵（當日係停車喺附近見到） ，鋪頭位置唔大，主打做外賣生意。店內的食品種類都唔算多，主打生煎包、鍋貼、菜肉包。今次嚟鍋貼就煎緊，趕時間所以就order咗2份生煎包啦。生煎包（$7/隻，$20/3隻）雖然包唔算大隻，但價錢嚟講算抵買（畢竟宜家物價好貴呀！）。生煎包的外皮煎到香脆，入口又唔會太油膩（外面好多都好油膩）。包的皮算係偏薄，好快就食到啖啖肉餡😋，肉質扎實，而且肉汁滿滿！加上味道上岩岩好，會好覺得味精，食落去就感覺好新鮮。小朋友好快就咁KO咗6隻😆！賀苗記 星期日至五 11am-8pm (逢星期六休息地址：元朗大陂頭徑14-24號福星樓地下2B號舖

有日想去食生煎包，見到呢間野都幾多人排隊老闆基本上係即叫即整，所以能夠確保食物嘅新鮮程度。冇耐食物就上左黎，我地拎上手個陣個煎包仲熱辣辣的。裡面包的肉都好大舊，而且仲非常juicy，咬開個下啲汁仲不停流出黎。想接都接唔切。此外，佢仲有鍋貼賣，價錢都差不多。如果下次再經過呢間小食店一定會幫襯，哈哈哈~

生煎包（$20/3個）生煎包整體質素係中上，做到對生煎包既基本要求，每個都皮脆多汁，質素穩定，肉餡調味都正常，唔會太淡或太咸，整體性價比係高，經過值得一試！亦都欣賞店家可以一個個咁單買，見到一直keep住有人買，啲貨去得好快，應該會keep住整。

非常有名氣嘅一間小店！全間鋪頭正係賣三樣野，分別係生煎包、菜肉包、鍋貼。細細間鋪仔，但人龍卻源源不絕。✨生煎包 ($7/1隻；$20/3隻)半蒸半煎嘅方式整成！即叫即煎，熱辣辣同香噴噴！麵包咬落好鬆軟而底部金黃鬆脆。咬開肉餡飽滿，都幾新鮮而且會流少少肉汁，但覺得可以再多啲汁🤣 ———————————————————————🌼評分：5個🌕為滿分🫧味道：🌕🌕🌕🫧環境：🌕🌕🌗🫧性價：🌕🌕🌕🌕🫧回頭：🌕🌕🌕🌗

［元朗爆汁生煎包-賀苗記包點🥟］-今日同大家介紹嘅係賀苗記嘅生煎包😌平時老豆食完永年都會買幾隻返屋企食咁啱今日經過見到🫡又有啲口饞就買左隻黎食🥰新鮮熱辣即買即食😋果然仲好食！BTW佢地鍋貼都唔錯👍🏻下次再介紹-透過玻璃窗🪟可以睇到師傅用心製作包點嘅過程🫡煎緊嘅生煎包勁香聞到都覺得好好食🤪-😋生煎包 $7隻 $20/3隻拎上手熱辣辣🔥食落口個底脆卜卜咬一啖😝啲肉汁湧出黎咁嗱嗱聲啜咗啲湯😂費事流曬出黎真係爆汁！好好味😋好味指數：🌕🌕🌕🌕🌕-📍💸人均消費：$7

每次經過詢問，都話要等20分鐘。所以次次都無食到今日經過，見無人排，又唔洗等，就一於試下！因為食過午飯，已經飽飽地，咁就買一粒$6生煎包。一粒唔算好大隻，一拎上手熱辣辣！個底係金黃色焦脆的，好香口。咬開後，個肉球唔算飽滿，佔個內籠空間一半左右。個肉係幾香，而且入邊載滿肉汁，不過個餡唔太豐富。因為怕爆汁燙到嘴，所以好小心奕奕咁細細啖慢慢咬。入邊肉汁佔半，相比下，顯得肉團較細。不過個底係脆得非常好！買到真係要趁熱即食！唔建議外帶今日係平日中午兩點，唔洗排唔洗等，係OK既~

元朗小鮮肉$6生煎包•鍋貼$13/3隻🥟😋呢間元朗小店專外賣鍋貼、生煎包、蔥花卷，價錢親民份量足😋，可能呢個原因，一真都keep住有人流幫襯😌🍞 生煎包 $6/個呢款最推介肉汁澎湃 肉鮮味十足並略帶酒香🤤 唔會有膩感包感鬆軟暖烘 大大個😍包底煎得更為焦香可口🥟 鍋貼三隻 $13菜肉饀非常多汁 要小心比爆汁辣親💥惟略微油膩 食多幾啖會有滯感🥺厚皮有韌道 外層底部煎到金黃 不過可以再脆啲

近期沉迷左食生煎包 所以成日搵邊度有得食之前上網就見到呢間元朗小店竟然係票選第一既生煎包😃難得咁近緊係要試下🤤熱辣辣大大隻生煎包咬落去勁多汁 肉又好紮實包皮好鬆軟 但個底又煎到好香脆忍唔住一買完就衝上車食🤤性價比超高👍🏻 6蚊隻 22蚊有4隻呢間小鋪不設堂食 但佢勁多人買 同佢人手即包即煎 所以買晒一底就要等下底 要食就要快手🏃🏻‍♀️佢仲有鍋貼買 好似都幾出名可惜買既時候賣晒要等 所以今次冇緣試 唯有下次😣