彌敦左岸

Open Now

Now Closed

彌敦左岸NATHAN LEFT，尖沙咀酒吧餐廳，氣氛好正，Grand得黎型格，仲有Live Band🥁餐廳主力做西餐fushion，酒款選擇好多👍🏻飲杯Tiger生啤先，清爽好味🍻法國直送生蠔性價比好似唔錯，半打mix左3款是日推介，整體非常鮮而好有海水味😍特別係海洋女神，又creamy又濃味，正👍🏻食生蠔⼀定要配白酒，德國Riesling，香甜唔酸，生蠔配食又鮮又濃🫶🏻香蒜迷迭香法國鵝油封鵪鶉腿，上枱已經超香燒烤味，食落油香好夠，皮香脆😋肉嫩得黎多汁，正😄招牌焗美國特級威靈頓牛扒🇺🇸擺盤精緻，烤蘆筍都好味，威靈頓皮幾juicy而菇都好味，牛扒相當嫩，牛味都幾濃，配埋個汁好夾❣️整體食物質素唔錯，氣氛⼀流👻晚市食物依家仲供應到凌晨一點，真係可以慢慢食慢慢飲慢慢聽😎

今日行過諗唔到食乜，經過赫德道呢條小巷，突然間有個人介紹我哋間餐廳可以食飯飲嘢。眨吓眼都有兩年冇落酒吧就想去試吓啦上到去一睇個張枱坐住個優惠，$438一支紅酒或者白酒+六隻生蠔，抵！即刻叫咗你試。唔錯生蠔大大隻法國，新鮮。可能太耐冇落酒吧所以好興奮，當日都叫咗好多食物🙌🏻其中最特別嘅一款就係佢嘅王牌～西班牙王者紅蝦手工幼蛋麵，汁好好味，起初食落去以為係龍蝦汁，濃濃嘅海鮮味～正！麵質咬咁好彈牙。座位好闊落，又有歌聽住，好舒服嘅感覺！而且佢有live Band位置，相信疫情前都應該有。侍應門服務都好有禮貌。樓下其實仲有只係飲嘢嘅位，感覺好似真係去咗外國嗰啲酒吧咁！推介👍🏻

let's chill (*˘︶˘*)好懷念餐廳嘅live band ▫️生蠔🦪生蠔朋友揀左 “海洋女神” 同 “白珍珠”味道差唔多，口感夠肥美 ▫️串燒拼盤🍖份量豐富海鮮有三文魚、白鱔、虎蝦、帶子肉類有牛肉、黑毛豬五花腩、辣肉腸同雞翼另外仲有雞髀菇、翠玉瓜、粟米醬汁有沙嗲醬、泰式辣醬同泰式羅望子醬每款串燒都燒得剛好，肉汁豐富唯一牛肉比較多筋

今晚好開心呀 去左間好有feel 既bar之前都聽fd 話好正 果然無失望 live band 好好聽 食物都唔錯 同男友聽到唔願走 叫左好多野食首先叫左兩杯cocktail 我見每枱杯杯都整到同menu 一樣咁靚我Earl grey on top 粒冰係earl grey 嚟架仲有奶蓋係面 飲落有茶味後再慢慢滲d 酒味出嚟 淡淡地 唔會好似有d cocktail 咁好甜之後我地叫左生蠔，鵝肝多士，beef nachos, 龍蝦意大利飯生蠔50蚊隻 雖然瘦底 但新鮮 唔腥唔痴 鮮甜 一人兩隻做starter 啱啱好之後叫左鵝肝多士 鐘意食鵝肝既人一定過足口癮 除左啖啖鵝肝外 佢個鵝肝係有焦糖面 多士都有牛油底 好邪惡 即是鵝肝既油味加 牛油既咸香 加少少甜調翻哂個味 好夾之後仲食左個龍蝦飯 一上枱 嘩 見到超大隻 心諗平時餐廳都係手掌咁大d 龍蝦仔 今次有前臂咁大 而且成隻舖左咸蛋碎好襯creamy 既risotto我地咁樣豪飲豪食 每人四百蚊左右 好值呀 除左我地都係叫d 最貴既食物 佢live band 係令我想再去既原因 好聽又識搞氣氛有外國人有feel 到