Library Restaurant and Bar

Open Now

Now Closed

前排朋友介紹去左呢間尖沙咀比較隱世嘅樓上bar，環境好舒服，好似去左另一地方咁，真係life and food is like library！📕📗📘❣️有戶外同室內位置，室內位置坐得舒服，幾有mood❣️室外位置適合一班人chill下飲酒❣️食物選擇都幾多，水準唔錯，幾適合一班朋友傾成晚計食下野！✨白酒忌廉煮藍青口$168- 個人覺得個汁最出色，吸曬青口嘅鮮甜，配上忌廉creamy口感，撈上洋蔥、蒜，幾香口- 青口粒粒厚肉新鮮，無沙，用上白酒更能帶出青口鮮甜味道ps 建議食青口/麵包時都一定要狂點sauce，真心越食越滋味！🐟立鱗燒馬頭魚小炒皇 $228- 魚皮燒到好脆，下面魚肉厚身得來鮮甜 juicy，白雪雪魚肉鮮嫩度剛剛好，仲幾彈口- 魚肉下係櫻花蝦、菇同荷蘭豆等配上麵豉醬🍝香辣蜆肉扁意粉 $188- 少少辣，辣得過癮，配上粒粒蜆肉好肥美鮮甜，意粉再撈上粒粒蒜，惹味得來味道幾好- 意粉texture 都唔錯🍸jose silver tequila- 好濃嘅tequila 下次再約朋友去「圖書館」🍸🍸🍸

同個姊妹慶祝生日，黎左間近期好hit 既bar 食好西餐廳裝修型格又典雅，以圖書館做主題，燈光昏暗，氣氛好好，座位都寬敞舒適。室外位置更睇到對面清真寺，實屬稀有景色，好適合同朋友飯局傾計白酒忌廉煮藍青口$168忌廉汁夠哂creamy, 加左少少白酒味道更為香濃，蘸麵包食一流。青口肥美冇沙，啖啖肉紅菜頭意大利飯$128每粒飯都掛住creamy 既紅菜頭汁，味道甜甜地，食得又健康。配合埋啲脆片一齊入口，更添口感慢煮加拿大豬鞍$248豬鞍厚身但食落軟熟，保留香嫩既肉汁。慢煮後再煎得剛好，更為香口，唔會過咗火喉。配菜都新鮮美味，莎莎醬又唔會蓋過豬鞍既肉味白蘭樹下$140用Gin 做底，加左青檸同水果味，甜甜地易入口。另外mix埋碟豆花既藍同柚子既黃，就溝到呢隻靚靚淺紫色彩，配埋滿天星，襯得好靚春秋$150老窖白酒做base,加咗竹葉青，malibu,檸檬汁，蛋白調製出黎，入口較為剛烈，適合男仔飲。似芫荽，青瓜味，有夾雜着檸檬味，味道特別overall, 呢間餐廳打卡玩味度極高，環境氣氛又好，食物同酒精飲品都好出色，會encore

前排朋友幫我慶祝生日 係下午有陽光嘅時候造訪過當日坐Outdoor望住清真寺🕌 加上餐廳以綠色植物作裝飾🌿 感覺充滿異國風情✨今次二訪係晚餐時段 一進入餐廳 墨綠色嘅裝潢同霓虹燈 加上搶眼嘅吧枱位感覺摩登時尚 好適合放工黎Happy Hour chill下Snack\ 🍟黑松露醬炸薯條 ($68) /粗薯條剛剛炸起熱辣辣 超脆超香口上面曬上滿滿嘅芝士碎配上黑松露醬及蕃茄醬 如果黑松露味可以再濃d就更正Appetizer\ 🦪白酒忌廉煮藍青口 ($168) /雖然藍青口本身體積比較細小 但我喜歡佢肉質嫩滑簡單以白酒同忌廉調味已經好好味忌廉汁好creamy 好適合配上多士蘸汁食Main\ 🥩封門牛柳配薯蓉．黑松露紅酒汁 ($328) /封門柳係相連橫膈膜嘅肌肉 一頭牛只有一條 算係稀少部位 生熟程度控制得剛剛好 外皮有少少焦脆 裡面肉質鮮嫩Juicy而且肉味偏濃薯蓉超creamy好驚喜 被清空得一乾二淨Drinks\ 🍹白蘭樹記 ($140) /用上香港本地琴酒「白蘭樹下」調配白蘭花嘅香氣配合柚子、佛手柑及青檸細味下除咗有花果香外 而且會有lime帶出來嘅清爽感Cocktail以滿天星點綴