麵屋神匠

Open Now

Now Closed

上次試過麵屋神匠既蟹湯拉麵同蝦湯拉麵，簡直係驚爲天人。今日午餐又黎食返碗拉麵。麵屋神匠位於彌敦道，比較近油麻地港鐵站出口。麵屋神匠主打蝦同蟹湯拉麵。餐牌簡單，有4款拉麵，兩款沾麵，小食同飲品。濃厚蝦湯拉麵 $98一上枱飲啖濃厚蝦湯拉麵個湯先，蝦味好香濃又唔油。拉麵上面有唔少櫻花蝦仔，仲伴有半隻入味滑溜糖心蛋，爽口扁筍，同京蔥加葱花。圍喺碗邊有叉燒兩大塊同紫菜兩片。叉燒薄切，質感瘦不過夠嫩。成碗拉麵蝦味十足。拉麵係幼身雞蛋麵，雖然浸左落湯度，不過完全唔會太腍，硬度適中又有蛋香，唔錯。神匠番茄蝦湯沾麵 $128另外試吓呢度嘅沾麵，叫左神匠番茄蝦湯沾麵。大大隻碟上面有好大個拉麵，配有幾塊爽口扁荀，蔥花同京蔥，溏心蛋一開二，紫菜兩塊，慢煮叉燒兩片，同一片法包配羅勒醬。拉麵份量都幾多，較為粗身，食落滑溜之餘又有嚼勁，係我最鍾意嘅麵質，而且非常掛湯。神匠番茄蝦湯另上，非常濃厚既蝦湯原來同番茄係咁夾，仲食到新鮮番茄肉，上面加左大量櫻花蝦仔，食落更加有少少咬口。個湯好好味又唔過鹹或油，最後我清左。其他配料同濃厚蝦湯拉麵既係一樣，除左法包配羅勒醬，喺拉麵店黎講真係非常特別，多士烤得香脆，上面既羅勒醬好突

好耐無出街食飯啦！🙈今日同男友去旺信和買遊戲機同game，佢話好耐無食拉麵，我地千挑萬選之後決左黎呢間評價唔錯既特色拉麵店試下😁❤️濃厚蝦湯拉麵 💰9️⃣8️⃣ 店員一放低已經聞到超級香嘅蝦湯味！😍飲落果然超香超濃郁😋 唔會太鹹👍拉麵麵質彈牙，軟硬適中💯叉燒用慢煮方法整出黎，顏色粉嫩口感淋滑🤤溏心蛋甜味同蛋香味突出，荀既份量亦都好慷慨，呢碗拉麵無論湯底，主角定配料都真心出色！😍❤️神匠番茄蝦湯沾麵 💰1️⃣2️⃣8️⃣面頭有一片羅勒醬多士，烘得好酥脆👍羅勒醬入口好香，同多士好夾😯 係除左配蒜蓉以外另一好選擇😁呢個番茄蝦湯同樣超級足料！😍酸甜味適中得黎帶住滿滿蝦既鮮味，質地濃稠～呢款麵既麵質比起湯拉麵更加煙韌，而且非常掛汁，食完好滿足😚❤️炸日式餃子 💰3️⃣2️⃣炸到金黃色非常靚仔💯食落超級脆口但完全唔油膩，皮薄，餡料有口感唔會好似某啲餃子咁一pat野太淋😋雖然呢度既湯底偏濃，但係食完都唔覺得口渴😯 相信係真材實料經長時間熬製出黎先會做到😇疫情下希望餐廳可以繼續撐住💪🏻💪🏻如果因為疫情而令一間咁高質素既餐廳被迫結業實在太可惜😪