ShowTime Sports Bar

Open Now

Now Closed

好耐無去bar chill 下🍻一去到的時候其實無咩人，到9點先開始多人入座🤣可能我地太早去竹炭芝士牛肉漢堡配薯條$118竹炭包岩岩焗起個陣脆脆地，擺耐左陣就開始硬，要記得趁上枱就快d食喇❤️另外塊牛肉煎到岩岩好，幾有牛感同有牛味德國特式香腸拼盤配薯蓉$168有幾款唔同款式的腸仔，有辣有唔辣，份量都幾多，連埋薯蓉食都幾飽啤酒因為呢間無cocktail, 得mocktail, beer, red wine, white wine同其他vodka gin,由於唔想似太濃，所以都系叫左普通hoegaarden同埋後加左杯berry forest的mocktail☺️買兩杯啤酒就送nachos/洋蔥圈，我地就揀左nachos #showtime

🏮閉關悶悶地，係時候出嚟chill一下唞吓氣。講到尖沙咀可以chill嘅地方，當然莫過於諾士佛台嘅酒吧街。📌樹熊同熊妹今日就嚟到位於騰龍閣3樓嘅《ShowTime Sports Bar》。📌餐廳本身以酒吧為主🍷，有好多二至四人嘅高凳bar枱，天花同牆邊都高掛著電視機📺，主要播放球賽⚽️，嚟呢度飲酒睇波就啱晒。📌主食Menu得一頁，其餘嘅都係酒精飲品。不過食物都多元化，有沙律🥗、小食🥡、漢堡🍔、意粉🍝、主菜🍖，價錢由$58-$268，樣樣都幾吸引，樣樣都想試下。Nuts，$20📌一坐低，店員就會送上一兜辣味蝦片，係餐前小食，餓透了的樹熊同熊妹急不及待係咁拿上手食，最緊要係咩呀？可以無限refill 嘛！Happy Hour Big Offer📌Happy Hour時段大優惠，由‪下午4:30‬至九點同埋‪晚上11點至凌晨‬一點可以任點兩杯啤酒🍻就會免費🆓送一客小食洋蔥圈或者粟米片，簡直係送酒佳品。樹熊就飲hoegaarden，熊妹就飲stella，標準品牌啤酒杯size，價錢都係$65，兩款都係幾易入口的啤酒🍺。脆炸洋蔥圈配刁草酸忌廉醬樹熊鐘意食洋蔥圈，加上nuts都有辣味蝦片，所以無謂揀

久不久就鍾意同另一半放工之後去酒吧放鬆一下，放低工作上面嘅煩惱，同另一半飲下酒吹下水，而我哋又好鍾意打桌球，所以通常會搵啲有打桌球嘅酒吧，我更加鍾意無限食nuts，估唔到諾士佛臺有齊我哋想要嘅嘢！環境氣氛良好，有飛鏢、桌球、乒乓球遊戲枱，娛樂設備足夠，但座位與座位之間又唔會覺得迫，仲有DJ枱添，再望餐牌，價錢唔算貴， 十分之適合放工後嚟輕鬆下。Nuts  $20/一次收費 (任refill)一坐低當然要有Nuts，呢度嘅nuts係咖喱味蝦片，只係收頭Round $20，就可以無限添，以諾士佛臺來講好抵，飲酒唔少得。串燒套餐 $78起分別有$78、$98及$118套餐，所包嘅串燒款式不一，可以揀四款，仲包飲品一杯。我就揀咗$118嘅套餐，要咗大蒽鴨胸串、大蒽雞肉串、牛舌及雞翼，配Hoegargen。串燒嘅火候足夠，亦都幾入味，我鍾意佢嘅鴨胸串，唔太油膩，雞翼都燒得香口而肉質又唔老。竹炭芝士牛肉漢堡配薯條 $118除咗飲酒同埋串燒，餐廳亦有小食、主菜、薄餅漢堡等等，叫咗一款漢堡試吓。呢款牛肉漢堡質素正常，冇太大特別之處，建議可以加醬汁，因為整體比較乾身。英式啤酒脆漿炸魚薯條配他他醬 $11

友人約我到諾士佛臺晚餐，我好耐都冇去過了。隨便走人一間店食晚餐。這間店很大、有室外及室內，設計亦很有心思。未點食物就有盆 Nuts...... 香脆可口！食物選擇不多，所以我們只點了「波士頓龍蝦配龍蝦汁意粉」及「竹炭芝士牛肉漢堡配薯條」。波士頓龍蝦配龍蝦汁意粉，龍蝦汁滲滿了意粉，龍蝦肉彈牙，但可惜只得半隻，好難 share。竹炭芝士牛肉漢堡配薯條，竹炭飽夠特別，牛肉肉質嫩滑，蔬菜、薯條，再配醬汁，美味！最後，再飲一杯Lemon Squash，酸酸甜甜幫助消化！