古早味台灣原味 (Closed)

好耐冇食台灣菜，見呢間古早味好評幾多，食物賣相又幾好睇，所以今晚就食佢。餐廳係樓上舖，環境比較暗，但坐位都算寬敞，晚飯時間超過一半已經坐滿人，睇黎幾受歡迎。食物種類係傳統台灣菜，價錢合理，今晚叫左紅燒豬軟骨麵，然後留肚食我最期待嘅手工綜合芋圓先講主菜豬軟骨份量都足，大大舊，不過中間舊骨好硬，變左係普通排骨，無左豬軟骨嘅精髓，有啲失望 麵就不過不失，湯底唔會好咸，兩大舊蘿蔔反而淋淋地幾好味，總括而言成碗麵係好普通...到我最期待嘅甜品手工綜合芋圓，賣相好靚，面頭鋪滿大大粒芋圓，其他材料份量都好豐富，令人食慾大開可惜食落又係有啲強差人意，芋圓無味，只有Q彈，而其他配料就正常，又係令人失望成個餐就係覺得好普通，無話難食亦唔係特別好食，試一次就夠。

同朋友係銅鑼灣行左陣街，朋友話想食台灣嘢，就帶左我黎呢間古早味台灣原味。餐廳嘅裝修都幾有風格，主要以木質嘅設計為主。我同朋友一人叫左一個麵，另外再加左一個小食。古早味牛肉麵湯底濃厚，牛肉比左牛展嘅部分我地，食落牛肉充滿肉汁，有口感。份量分面無論麵定牛肉都比左唔少我地，都幾飽。三個伴碟嘅小食都處理得幾好，滷水蛋同埋豆腐都整得好入味。紅燒豬軟骨麵湯底同樣香濃，每舊豬軟骨都汶得好冧好入味，軟骨唔會太硬，亦都唔會太肥，好好食。麵方面用左扁麵，好有彈性，我同朋友都好鐘意個麵質！另外佢每碗麵都有菜同埋蘿蔔一齊上，除咗令到味道冇咁單一，亦都更健康。小食方面，鹽酥雞炸得好香脆，食落一啲都唔乾，仲好有肉汁，十分推介大家去試。飲品方面，雖然我哋冇嗌到少甜，但係佢都唔會太甜，胚牙同仙草嘅份量都好足，夏天消暑飲一流。整體而言，今餐份量足，味道好，價錢亦都唔算好貴，值得大家一試。Menu:

今日放工約左朋友係銅鑼灣食飯，唔想去高消費餐廳，所以就上黎睇下有咩又平又抵食既餐廳，見到呢間台灣菜，就決定即管一試上到餐廳未到七點唔使等位就入座，餐廳好大好多位，人多應該都唔使排好耐，坐底見到個環境好舒服，每枱之間都有足夠距離，餐廳氣氛好好，朋友傾計或者情侶黎會好舒服餐廳食物比一般銅鑼灣既消費算平，所以我就放任自己點野食先點左個紅燒豬軟骨麵，乾煸四季豆，台灣刈包同檸檬薏米水，全部都好有水準第一碟上菜係四季豆，上菜時仲出緊煙，抵讚菜炒得好香好惹味，配小小肉碎一流，白飯可以餸兩碗之後就到紅燒豬軟骨麵，好欣賞老闆會加紅蘿蔔🥕，出面餐廳但求快，放兩條菜就算，呢個真係細心位，豬軟骨仲要有三大件，銅鑼灣食絕對係超值麵係手工麵，好有咬口，果然貼近台灣原味餐廳有好多台灣小食，其中刈包就係香港既台灣餐廳唔太常見，見到就一定要試下，點菜個時姐姐已經好貼心問要不要切開，我以為佢就咁切一刀，點知佢好貼心用紙包好兩件方便我拎黎食豬肉好香好腍好入味油脂既比例唔會太多，配麵包唔會感覺太膩，有入口即溶既感覺值得一試最後讚下呢個檸檬薏米水，好清新，食完肉再飲一啖，味覺即刻清醒晒最後要讚下餐廳侍應好有禮貌唔該前唔該後，食

入到餐廳有古色古香既客棧氣氛，7點左右仲有少量位置，但過後開始有人龍，要等一陣，所以建議早d黎食。有林林總總既台灣小食，價值可觀，eg雙味香腸，手抓餅，豆沙餅，醉雞等。叫左大雞排滷肉飯($75)，紅燒豬軟骨麵($60)，花枝蝦餅($38)，宜蘭蔥餡餅($28)，細滷水拼盤($68)，奶蓋紅茶，養顏玫瑰花果茶。蔥餡餅有4件，煎得脆，一咬d肉汁流出黎，因為仲熱，所以食個陣要小心會熱親，肉少菜多，比例剛好。花枝蝦餅炸得好脆，但唔油膩，而且炸粉好薄，而蝦肉彈牙，配埋甜酸醬就冇咁熱氣。雞排滷肉飯d滷肉份量多，個人覺得滷肉比雞排更好食，雞排少少乾，不過個外皮唔厚唔會皮肉分離，值得一讚。麵食湯底有陣酸酸既味道，因為落左酸菜，令整個湯底好濃郁。加上豬軟骨有3大件，夠入味，又"林"，個人鍾意食硬身少少既麵條，所以尼間餐廳既麵食合我心意。細滷水拼盤有3款配料，大腸，豬肚，豬腩肉，雞翼，滷蛋，豬耳，揀左頭3款。豬腩肉我覺得口感同豬軟骨有d似，但豬軟骨多左d軟骨，而豬腩肉有層層肥油，唔同口感。豬肚切得唔會過幼，而份量多。玫瑰花茶用茶壺盛起，底座有蠟燭煮熱，自己斟，有個細細既透明杯。陣陣花香味，一壺沖到勁多杯，