雲南啊老表黑山羊湯鍋米綫 (Moved) New Location

成日食酸辣米線 真係有啲悶悶哋 今次搞搞新意思 試下雲南少數民族 苗族風味 二黑山羊做主打嘅鍋米線留意營業時間 唔好去到摸門釘呀店舖最新優惠 下午茶時段可以送飲品除咗餐牌以外 牆上面重貼咗好多其他嘢食 例如餃子 涼拌小食 湯飯等等食晏時間去都幾多人今日食咗羊肉米線 牛腩米線同口水雞除咗下午茶時段 跟餐野飲全部加六蚊主角來了 羊肉米線 第一個反應係 嘩 咁大碗嘅我明明叫嘅係細碗 店員話係呀 冇錯 呢碗係細嘅…羊肉切得唔算厚 有带皮有淨瘦 肉質好嫩滑 羊皮有咬口 很彈牙 羊肉同埋線嘅份量都好多 呢個價錢可以話係超值 重點係個湯底 奶白色嘅骨湯 完全沒有味精 但係味道香濃 廚師下嘅功夫應該不少 味道確實頂呱呱牛腩米線 牛腩切成厚粒狀 口感十足 牛腩炆得好林 完全冇黐牙 食完之後口腔有陣陣嘅牛肉同油花嘅味道羊肉同牛肉 都有佢嘅優點 店員話每天羊肉和牛肉都是新鮮運到 只要材料新鮮 加上廚師嘅精湛廚藝 簡單嘅食材都可以變成酒店級數口水雞 醬汁有點酸辣 好開胃

其實早o係幾年前已經聽過阿老表有次去開觀塘都諗住食不過因為同我要去o既地方都有段距離最後冇食到見佐敦開左, 好近我今日終於有機會食中午12:00去到, 雖然冇人等位但都座無虛席睇下menu先豬展米線(細)($35)因為見網上d人話哩度d米線好大碗, 所以就叫左細估唔到細碗都咁大碗仲要唔係得個碗大, 入面d米線份量都好夠可能同出面o既加大差唔多米線質地唔算好彈牙, 不過都唔會太林如果冇另外講, 一般都會有埋蔥, 所以如果唔食最好事前叫走蔥湯底好湯, 又估唔到唔會好多油豬展份量同樣唔少, 肥廋適中, 唔會好韌迷你青瓜($16)青瓜好爽脆, 浸o係豉油度, 咸咸地正好解去食豬展係飽濟咁羊肉米線(細)($35)朋友就試左哩度出名o既羊肉米線, 仲指明要淨廋初時我都諗會唔會好韌但試左一塊又唔會喎羊肉唔算好羶, 都ok美味口水雞($22)朋友仲另外點左一份口水雞試左一舊, 雞肉雖然唔係好滑, 都又唔算好鞋不過就冇外表睇黎咁辣, 如果再辣多少少會更惹味雖然佐敦唔係主要寫字樓區但以而家哩個市道租金咁貴哩個價錢同份量都算係抵食