熊小館 (Closed)

其實本身諗住食普通西餐㗎咋～點知誤打誤撞又走咗入呢間以熊為主題嘅餐廳，仲要有隻好大，大到好似一個小朋友咁大嘅熊仔坐我隔離😂😂😂 感覺啲童真返晒嚟～😆忌廉蘑菇湯連牛油法包湯夠晒濃，蘑菇粒份量亦都足夠，感覺用料十足。牛油法包有陣陣蒜蓉牛油味之外，質感又夠晒軟熟！！啱晒我呢啲最憎食「硬」嘢嘅人🤭🤭美國安格斯牛肩肉今次叫咗五成熟，仲有少少血紅色塊牛先夠嫩滑，而且又有肉汁，仲要夠晒咬口，我覺得又ok woh~ 至少符合我嘅期望!!芝士忌廉焗菠菜龍脷柳飯對我嚟講，有芝士忌廉已經贏咗一半～😂 龍脷柳亦有魚味，配合埋菠菜，顏色同味道都夾嘅～啲飯又夠晒多，都幾抵食㗎！自家製心太軟心太軟算係我最鍾意嘅一種甜品，佢最緊要做到暖暖嘅朱古力醬，同由個心湧出嚟嘅效果～佢做到我就鍾意啦！！😋😋

諗唔到將軍澳新都成也開了一間熊小館餐廳。甘啱經過，可以去嘗試下。叫左最鐘意嘅2份套餐。美國安格斯牛肩扒：牛肩切成3塊長方形，擺盤給人乾淨利落感。叫左7成熟，切開還有血絲，好新鮮，牛肉又嫩，搭配炸蒜蓉片，口感好到爆。卡邦尼煙肉意粉：意粉軟硬適中，煙肉和菌菇給啲分量又多。扁意粉掛汁程度又高又惹味。飲品有爆谷紅豆冰：看了菜單以為是爆谷點綴在上面。諗唔到係椰奶中混合了爆谷，飲起來味道好特別。友人喜歡飲檸檬水，冇聽到佢抱怨，應該味道都不錯。