悅滿軒

悅滿軒(荔枝角）位於荔枝角饒宗頤文化館內的H座。食物質素水準相當高，餐廳的內外裝修佈置都充滿氣氛，並會因應節日而轉換不同主題的裝飾佈置。朋友說餐廳更會定時轉換新餐牌，非常周到及有心思。入座後，侍應馬上奉上餐廳自家製的蕃茄麵包 ，非常滋味，配合黑橄欖牛油，簡直一絕。美國牛腹肉他他陪蒜蓉包 $168 是用了上等生牛腹肉、法國葱、水瓜柳、乾蔥、辣茄等配料混合，再加上鵪鶉蛋。配料的酸酸甜甜，帶出牛腹肉的鮮味。蘋果目煙燻西班牙乳豬 $318 ～必食連煙燻木一同上枱，煙燻香氣撲鼻。西班牙乳豬的皮燒得薄脆香口，而豬髀肉仍然鮮嫩多汁。伴碟的酸紅椰菜可中和乳豬的油膩感、加上法式薯仔蓉增加整道菜的飽足感。自家製甜薯條 $68～必食番薯條炸焦香脆口，用了粗切的關係，裏面的番薯肉甘甜軟糯。悅滿軒 (荔枝角)荔枝角青山道800號饒宗頤文化館H座

美孚既堯宗頤文化館有間出名嘅西餐悅滿軒，今晚終於有時間一試。我由美孚站B出口向荔枝角方向行，經過中電後上條小梯极，再過對面馬路就係，全程慢慢行都唔使10分鐘，比想像中近同方便。我自己未嚟過堯宗頤文化館，餐廳喺文化館入面嘅H座，沿途可以欣賞館內嘅建築，係充滿文藝氣色既好地方，未食心情已覺得好輕鬆。一入餐廳就聽到90年代嘅美國流行音樂，服務員亦友善有禮。我點咗美國牛腹肉他他配蒜蓉包，可能知我唔識食，服務員特別同我講解各種調味料同食法，令我可以放心地品嘗，嫩滑嘅牛肉塗上香脆嘅蒜蓉多士非常美味，令人想一試再試。食完之後就上自家製甜薯條，薯條香甜脆口，不用配任何醬汁已經非常美味，最後係法式海鮮燴意大利飯，飯味相當濃郁，配上4款味道鮮美嘅海鮮同少少紅椒嘅嘅辣味，濃而不膩，食完非常滿足總結呢餐係一次愉快嘅體驗，無論餐廳身處位置、店內環境、服務水準同食物質數都屬於高水平，係拍拖/聚會/紀念日嘅好選擇。

由美孚往上走，來到文化館，當中有著以紅磚牆建築小屋，盡顯著香港的文化特色，原來是一間餐廳名叫 - 悅滿軒。店內以白色為主調，配上白色及綠色梳化，再以懷舊的花紋地磚，像走進一所典雅而華麗的舞廳。蕃茄麵包配黑木欖牛油先來了香脆的蕃茄麵包，入口鬆化，沾上黑木欖牛油，令麵包更香滑，真是絕佳的前菜。美國牛腹肉他他配蒜蓉包 - $128牛腹肉放於中盤上，另加上鵪鶉蛋、檸檬汁、他他醬、黑胡椒、鹽、酸瓜、香蔥等...可自由調配自己的口味，混合起來後，與多士一同進食，層次更顯豐富、真是絕佳的配搭。澳洲藍青口配白酒忌廉汁 - $148藍青口每隻都非常飽滿，而且每隻青口都掛滿白酒忌廉汁，但味道又不會太濃而搶了青口的味道，還有鬆脆蒜蓉包作伴，無得輸，正。碳燒伊比利亞羊扒配羊肉腸 - $248羊扒賣相一流，五成熟恰到好處，肉質細膩軟腍，嫩滑多汁，口感一流，完全沒有半點羶味，一吃難以抗拒。