花月宮

Open Now

Now Closed

黎到屯門想食返餐好，見呢間茶樓乾淨企理就入去試下打邊爐裏面佈置好有宮庭感覺，好grand，都幾特別先叫個煲底揀左椰子雞煲雞好嫩滑，加入粟米、紅蘿蔔等一齊煲，湯底都好鮮甜，所以都飲左幾碗湯然後先叫佢加湯打邊爐呢度都可以調返個私家醬，醬芥每位要劃一收費打邊爐當然唔少得牛肉，叫左美國頂級安格斯牛小排，肥瘦均勻，食落好有牛味珊瑚蚌桂花蚌雙拼：都幾彈牙爽口自家製花月桔（渣）打邊爐好肥膩，呢杯可以解膩，又開胃

香濃椰子雞煲鍋，可以揀半隻雞或者一隻雞，湯底清甜，岩曬打邊爐🫶🏻推介美國頂級安格斯牛小排，賣相超靚，肥瘦均勻，淥幾秒就食得，口感軟嫩，又淋又重牛味，好正😍自製牛肉烏冬🥢🤞🏻店員會俾一個專用黎淥烏冬嘅筲箕，可以一齊擺落個火鍋度，淥熟左成個筲箕拎出黎，好方便🥰美國黑毛豬卷 都唔錯，大大塊又嫩口脆骨腩 打邊爐好正，爽脆鮮甜食埋椰子雞，今次豬牛雞魚食曬~ 😂其他野食例如風花雪月餃子拼盤入面有個木耳絲蝦餃幾出色，餃子皮又薄又滑，餡料彈牙又爽脆，可以encore 多幾粒🤤蜂巢豆腐、潮汕手打牛丸都唔錯，特別係牛丸，新鮮又彈牙。手打墨魚丸就不過不失嘢飲方面有竹蔗茅根水，亦都有生啤選擇。雖然價錢偏貴，不過質素唔錯值得一試~