施心畢老撾餐廳

Open Now

Now Closed

因為朋友係vegetarian, 所以要搵間有素食嘅餐廳。但係中環食lunch因為真係一個問題，好好彩搵到呢間可以OpenRice book位嘅餐廳。到咗之後人齊就入得，啱晒我哋啲得一個鐘lunch嘅上班族。仲要食物嘅味道唔錯，價錢亦都合理，大家都覺得可以再返嚟食。點知食食下，冷氣機滴水，水滴到朋友嘅湯麵入邊。嗰一刻大家都好愕然。我哋馬上反映比餐廳知道冷氣機有滴水，餐廳馬上抹冷氣機口，以確保唔會滴水。最抵讚嘅係當我地再話比佢知水滴入麵入邊時，餐廳即時反應：「即刻換過碗俾你地！」真係可以再返嚟食

想食湯麵，又唔想食魚蛋粉，車仔麵，試下老撾米 - something different... 老撾牛肉100%全米湯粉：湯底似越南粉湯底，不過冇咁濃。足料，多芽菜，牛肉好滑，牛丸係軟身嗰隻。米粉較平時粗身，有嚼勁。重點係食完唔會太口渴。施心畢豬肉炸春卷：感覺有啲似食炸芋角，𥚃面好鬆軟，醬汁酸酸少少辣，味道唔太濃。好食不過唔算太特別老撾咖啡：有煉奶係底，不過唔算好甜，比較淡味道嘅咖啡，唔太酸唔太苦。味道唔錯，坐得舒服！會再返嚟試吓其他菜式上菜速度：極快消費：106.5 per head - 同中環幾間餐廳差唔多

自從當全職媽媽後 好耐無在中環出沒了 是日與老公辦完正事 拍拖食個午餐再返去先店子在茶木果邊 不難找 餐飲- 無糖豆漿 OK係真心純潔淡薄的味道 比百福山水那些無糖豆漿要淡得多 愛甜愛味道人士就不建議了餐飲- 老撾咖啡店員上餐時有提過有奶 但老公掛住講野無攪拌過直飲 到底才發現奶 佢話個咖啡味係好香既 真實味道有待大家探索是拉差牛油雞翼 $48 賣相係幾吸引 弄成單骨亦容易食 是拉差醬 味道帶點醬油甚或又帶甜 都幾開胃得意喎 但外皮太漿 有點像濕了水的咕嚕肉 可惜可惜施心畢豐食拼盤 $88 有魚餅/ 蝦片/ 蝦/ 豬/ 素春卷/ 米紙卷 還備有生菜解油解膩 蝦片厚度剛好 有點像米餅但又有蝦香 春卷外皮淋左少少 但內餡好食既 中上啦 魚餅都算彈牙 加埋醬汁即時加分 米紙卷好爽口清新 拼盤整體表現理想老撾雞肉100%全米湯粉 $68雞肉皮香肉嫩 唔係無味雞件 全米湯粉好好味 粗於米粉幼於米線 入口彈牙帶米香 同個椰香湯底好夾 加埋豆卜 芽菜等 口感又更有層次老撾牛肉100%全米湯粉 $78湯底較雞那個清 帶著陣陣牛香 老公話各有特色店子都算多選擇 食物有特色 會再來既

老撾，地理上係俾越南，泰國，柬埔寨同緬甸包圍住，曾被越南入侵，亦曾為法國殖民地，因此食物都帶有越南風味。依間老撾餐廳由星級廚師Justin Chan主理，試吓係咪咁正先。餐牌上見到100%全米湯粉，非常好奇咩叫做100%全米湯粉，味道同一般米粉有咩分別呢？叫一個牛肉100%全米湯粉試吓先。賣相同越南湯粉好相似，都有芽菜同九層塔，飲一啖湯，好香濃。再試一試個米粉，用全米製成嘅米粉好滑，咬落幾煙韌，食到微微嘅米香，同一般米粉好唔同。配料除咗牛肉之外，仲有牛丸添，成個米粉好豐富，亦好令人回味呀！仲有白咖哩雞肉見求，見求即係飯，用白米，糯米同紫糯米煮成，好有咬口，再加埋少少椰香，我都幾鐘意。雞肉有香茅嘅香氣，唔會煮到太柴，都不錯。米紙卷用上米紙包住生菜同薄荷葉同米粉，仲有炸蝦，一啖咬落去，除咗清脆嘅生菜，仲有香滑嘅米粉，炸到脆卜卜嘅蝦，口感好豐富呀！

從來無試過老撾菜，真係要見識一下。據了解老撾就晌越南、泰國隔離，所以菜式都近似呢兩個國家。咁「施心畢」又係乜東東呢?? 原來「施心畢」係老撾皇朝嘅姓氏，老闆都係老撾皇朝嘅後代。嘩…是拉差牛油雞翼非常、極之惹味。雖然無一般牛油雞翼咁脆口，但是拉差辣醬帶一點點微酸，味道極之平衡。惹味程度爆燈。雞翼做成單骨，食起嚟較方便老撾網狀蝦春卷油溫剛剛好，春卷完全無油膩感。效果金黃、酥脆。蘸上檸檬魚露一齊食，出色。老撾牛肉100%全米湯粉其實我唔清楚甚麼是100%全米湯粉。但相比起一般米粉，韌度的確強一點。口感有一點點像 Al Dente 意粉。牛骨湯無越南牛河嘅牛骨湯咁濃重，相反多咗少少香料味。生牛肉嫩滑得嚟有肉香。配料有大量銀芽、豆卜，份量夠多。整體價錢合理，食物有質素。

係世界的大板圖中，老撾位於泰國及越南的中間。聽就聽過地方名，卻未試過品嚐過當地的菜式。偶然下，係網上發現中環有間由跟過米芝蓮大廚學廚的老撾皇族開的正宗老撾菜，店名仲以店主祖母的姓氏英文譯名改成，極具意義。除了餐牌外，到處仲貼上限時的特別菜式，大家去到記住四處望下仲有無咩想食呀。網上好多人推介的是拉差牛油雞翼！雖然Menu上有兩儲辣椒公仔，不過其實都唔算好辣。炸得金黃的單骨雞翼，內裏雞肉唔算太乾，加埋甜甜辣辣的汁，非常惹味。係小食當中，我比較推介呢份老撾網狀蝦春卷。由於出面係網狀的皮，炸到金黃後比一般中式的春卷皮口感更鬆更豐富。入面的蝦唔係平時好彈牙個種，而係香軟。應該係受到越南的互相影響，原來老撾菜都有米紙卷。餐廳的米紙卷有蝦米、扎肉及素菜三種。今次我就叫了一份扎肉做餡料的米紙卷。除了扎肉外，米紙仲將米粉及青瓜包埋一齊。點埋個酸酸地的醬汁，整體都幾開胃。主菜方面，餐廳提供100%全米湯粉及老撾見求(即係飯)。老撾牛肉100%全米湯粉份量超級大！幼幼的麵線淨係用了米黎打成，食落條條分明，而且煮得幾入味。牛肉粉除了有牛肉片外，更有牛丸、豆卜及芽菜。全米粉的口感比一般的米粉更有口感，而且都幾

香港很少地方有老撾菜吃，之前從網上得知中環新開了一間老撾菜館，即時想去試試。曾經有一個月時間到越南老撾柬埔寨泰國旅行，雖然老撾這個地方，論景點不及柬埔寨知名和壯觀，論食物亦不及越南菜和泰菜吸引，但當地遊客不多，莫說國內或香港遊客，即使外藉遊客也不多，給人一個很relax的感覺，所以令我留下深刻印象。這就是為甚麼當我發現香港有一間老撾餐廳，即刻很有衝動想前往，就是想懷勉在當地的時光。＊＊＊＊＊＊＊＊＊＊＊＊＊＊＊＊施心畢裝潢雖然簡單，但店面都幾大，桌與桌的距離不會過近。菜單非常簡單，兩張紙底面四頁睇晒，主要是湯粉、飯、沙律、米紙卷、小食老和飲料，雖然只有單點，但價錢不貴，全部幾十元有交易。龍眼梳打($24)龍眼梳打內有兩粒龍眼肉，甜度較低，比較健康，但梳打味卻變得很突出，未必人人能夠接受。老撾咖啡($19)咖啡不及越南咖啡香，得不會過於苦澀，不過不失。藍色夢幻脆蝦片($28)蝦片不在菜單上，而是貼在牆上，從圖片所見蝦片上有藍色的醬汁，真是幾夢幻，可惜當晚藍色醬汁用光，店家轉了花生醬。蝦片一客都有幾多塊，炸得幾香脆，蘸上花生醬吃幾香口，味道濃郁，只是略嫌蝦餅有點過硬。老撾炸魚餅($38)魚

雖然沒有去過老撾，亦都唔太認識當地美食，只知道老撾喺越南、泰國附近，飲食文化應該有點相似。最近睇報章有名廚Justin Chan介紹美食，得知他本身經營老撾食店，一向中意試新野既我當然要黎試吓香港少有的老撾菜。餐廳位於中環至半山長電梯旁邊幾就腳~先點一份施心畢豐盛拼盤，有炸魚餅、春卷、網蝦、米紙卷、炸墨魚條。呢份拼盤每樣兩件，兩口子分享就最好不過，當中最鍾意係炸魚餅，軟軟的帶點紅咖哩香味。其他炸物都夠哂香脆~白咖喱豬頸肉見求見求係飯既意思，由白飯、白糯米、紫糯米煮成，有質感~爽彈既豬頸肉配上白咖哩，椰奶香非常惹味。仲有豆角、薯角、小粟米、車厘茄，配菜顏色鮮豔。老撾牛肉100%全米湯粉平時食既米粉米既成份極少，大多係粟米澱粉。而老撾既米粉大多係100%全米成份，黎呢度當然都要試吓啦~全米米粉比較幼滑，帶米香有咬勁。驟眼睇湯底有點似泰國既船麵，但無船麵咁濃味反而較清甜，忍唔住飲左幾口都無口乾，證明真材實料無落味精~ 而米粉亦相當入味配料方面亦非常豐富，除主角牛肉片、牛丸，仲有紅心蘿蔔絲、芽菜、洋蔥，好足料試埋老撾咖啡，杯底加入左煉奶，味道香醇濃厚。

得知中環有間餐廳食老撾菜, 因為未試過, 所以前來見識見識。餐廳沒有異國風情, 只覺光線微弱, 有點昏暗, 不是情調啦, 從相片看就是看不出。而且物件靠牆邊地下隨意堆放, 予人凌亂感, 就像餐廳趕開張還沒收拾好的感覺。老撾牛肉100%全米湯粉 $78是日饑餓程度不高, 沒有點選見求, 簡簡單單要了一碗湯粉。湯頭味道偏鹹, 牛丸爽口, 生牛肉上桌時已經燙熟, 即使放久了也不韌。米粉份量不少, 質感跟平日食的不同, 平日食的比較爽身, 老撾的比較有韌性, 甚為特別。整體來說, 除米粉質地比較特別外, 其他只屬一般, 價格加一後略為進取。

颱風「山竹」關係，原定今個星期3日2夜公幹暨遊樂的旅程擱置，於是尋找一下公司附近有什麼特式美食，打開openrice搜尋一下，原來附近有一間叫施心畢老撾餐廳食老撾菜，就一於同同事試下。店內環境帶有東南亞、越南和泰國的風情，而最吸睛莫過於牆上掛上的一張海報，原來店主就是美女廚房的廚師評判，人稱「老撾王子」的混血兒Justin。老撾牛肉100%全米湯粉、老撾海鮮100%全米湯粉這裏最特別的是100%全米湯粉，口感比較煙韌有彈性而且爽滑，入口有豐富的米香，好味過平時米粉好多。老撾牛肉100%全米湯粉的湯底是牛骨湯底，好清甜，喝落應該無味精。而餸的份量也很多，有爽彈的牛肉，仲有數片味道香濃而不肥膩的牛柳片，還有好多配料。老撾海鮮100%全米湯粉的湯底是海鮮湯底，好鮮甜，喝落也是無味精。而餸的份量也很多，有原隻新鮮彈牙的鮮蝦，清甜無沙的蜆，魚味豐富的白魚蛋及魚餅，還有即炸香脆不膩的全米蝦片。是拉差牛油雞翼雞翼炸得香脆配上帶微辣的是拉差醬料。老撾手打蝦餅蝦餅炸得香脆不膩，蝦餅是手打的，所以入口鬆軟有彈性而且蝦味濃郁。老撾網狀蝦春卷蝦春卷同樣炸得香脆不膩，內裏的蝦膠同樣鬆軟彈牙，配上特製醬汁，不錯。

說來真是對不起地理老師，星馬泰東南亞都大概懂得；而我不知道老撾是在哪裡。當朋友相約我去吃老撾菜，好奇寶寶只好問谷歌老師。老撾原來在泰越緬甸之間，猜想食物應是東南亞風味。-據朋友說這間是全港唯一正宗老撾菜。主廚甚有來頭，嫲嫲乃老撾皇族親信，更習廚於米芝蓮廚師手下，一試之下，果然有水準。-老撾薄餅薄餅皮加上蛋漿煎得酥脆有蛋香，扎肉/芽菜/薄荷葉/青瓜鋪於餅上，味道清新爽脆，口感多重，很喜歡。-老撾手打蝦餅吃得出的實在感，蝦肉相當結實。香脆有蝦味，CP值很高。-老撾豬頸肉沙律車厘茄/生菜/豆角/青瓜/烤豬頸肉，配上調製過的醬汁，帶點泰式風味，微酸小咸，解了豬頸肉的膩。-是拉差牛油雞翼蜜糖加牛油永無死，甜甜地好惹味。好味又抵食，份量不會到喉唔到肺，雞翼已開半處理，淑女如我都食倒。-老撾牛肉100%全米湯粉標榜100%純米製造，無添加。果真比市面一般米粉柔滑，牛肉牛丸有牛味，可見選材不錯。湯底非濃厚路線，清甜不死咸。-初嚐老撾菜，印象不錯；酸香辣度輕，感覺溫和，這樣更吃得出食材原味。

最近電視又出新一輯美女廚房，其中一位評判陳希裕Justin好吸睛，上網一睇原來佢有老撾皇族血統，又跟過米芝蓮大廚學廚，今年年頭係中環開左間餐廳，所以決定要黎試一試。地點餐廳位於翡翠中心，係正半山自動電梯底，非常方便，附近好多寫字樓，吸引左好多上班一族黎食lunch。裝修餐廳只有簡單裝修，有東南亞大排檔既原始風味。牆上貼左老闆既海報，亦都有不同既菜式名稱。枱同枱中間既空間都適中，唔會太迫。食物種類午市主食有老撾100%全米湯粉/老撾見求（飯）/老撾沙律，另外有幾款小食/老撾米紙卷，都有唔少款式。由於新店開張，午市主食附送熱飲，相信只係限時優惠。落單及等候時間午市都幾多人，可以電話訂枱，當日早上電話訂左兩位，但搵唔到我地個紀錄，店員都好快速係5分鐘內安排過另一張枱俾我地。我地點左老撾牛肉100%全米湯粉，老撾雞肉100%全米湯粉，老撾咖啡同南薑香茅水。老撾牛肉100%全米湯粉餐牌寫老撾湯粉有四種湯底，以為要揀，原來係每種唔同配料已經set 好跟咩湯底，牛肉湯粉係跟牛肉湯，老撾湯粉同平時食開既越南粉唔同，湯底濃味d，但唔算超重牛味，每碗湯粉有大概3-4塊牛肉同2-3粒牛丸，仲有豆卜等等材料，