嘹咋咧

Open Now

Now Closed

作為一個食到靚米會感動，酷愛澱粉質嘅人，係完全無辦法堅持 Low Carbs Diet，我諗實有人一樣都係咁 😆 呢間陝西麵館喺內地生圈子好多人推薦，去到銅鑼灣唔知食咩好就諗起佢，試完真係覺得唔錯，圖如其麵真係好惹味 ❣️但要注意整體菜品偏油膩同重口味，睇返個人口味呢。‣ 油潑扯面｜$𝟔𝟎陝西好出名嘅 Biangbiang 麵，又稱褲帶麵，成碗得一條好長好闊好薄嘅麵，食之前店員姨姨先幫我哋剪開 🔪 香辣滑溜又彈牙，好似一塊巨型餃子皮咁，望落紅卜卜其實辣度連譚仔小辣都無，但好香好好食 😋加廿蚊就有 3 隻羊肉餃，麵皮有麥香，加上具一定厚度應該係自家製，羊肉餡肥瘦相間、肉汁豐腴，抵食 🥟‣ 潼關肉夾白吉饃｜$𝟑𝟎幾年前同屋企人去西安旅行，當地人差唔多每日都食肉夾饃 🤣 脆得嚟有啲乾嘅餅皮，夾住鹵至軟爛嘅五花肉，味道幾正宗而肉嘅份量都夠多，淋少少辣椒油更加香口 ( 完全唔辣嘅 ) 🌶‣ 包菜炒粉條手撕包菜嘅味道，加埋韌性十足嘅粉條一齊炒，無可能唔好食嘅組合 😍 同行友人死懶鬼表示不滿，因為要咬太多吓 🙄

香港陝西菜餐廳唔多，之前試過佐敦嘅一間，今次喺銅鑼灣附近出沒，就試吓呢間好唔好食。呢間餐廳嘅biang biang麵叫油潑扯麵，口感幾煙韌，小辣味道啱啱好，有麻辣香味。好過癮。但始終係油潑，食落好油。食半碗已經開始膩。同朋友每人叫左一個麵，金沙骨幾入味，算多肉，唔會淨係只有骨。炸豬扒超級大份，炸得好香脆，可惜因為成個麵偏油，炸豬扒食唔晒。另外仲叫咗份肉夾膜share食，呢個一半，個包比較乾同硬，入面嘅肉冇乜味。下次可以skip呢樣，淨係食個麵過癮就OK。

行行下銅鑼灣見到有人派leaflet，話有88折，於是去試下呢間新野。見到啲菜式都知是陝西食物，傳單上都好多內地用語。最具特色的是肉夾餃，當然要叫啦，1個$28分成2塊食，價錢合理。外皮是手抓餅的皮，髮脆可口。內裡足料，很香陝西的民族風味。趁熱食是非常好食！間餐廳都幾講求衛生，筷子頭是一次性的，自己安裝。「入鄉隨俗」，當然要叫最特色的麵食。我叫了芹菜豬肉餃子配油撥扯麵。一碗麵是得一條麵！多麼了得的工藝！麵條有咬口，加上啲醬汁，是好食的。餃子足料，味道都不錯。

無意中發現一間公司附近新開張的陝西菜館，便過來試下。叫咗肉夾饃同油潑辣子面，評價就係一個字：正！老闆娘係陝西人，她家的肉夾饃外皮酥脆，肉質鮮美多汁，好食過香港其他陝西餐廳好多！必食推介！新張期內仲有八八折。油潑辣子面，辣子的香味同面完美融合在一起，味道超讚，就係份量少咗點仲有好多其他陝西美食，下次再食過仲有一點，筷子頭係一次性的，可以裝在筷子上面，個design好特別