BnR (Closed)

食麻辣湯食厭咗？荃灣廣場附近新開，清新啲又非連鎖店嘅米線店～～環境新派裝修，驟眼睇似西餐廳，睇埋餐牌先知係食米線！餐牌主打3款湯底，濃雞湯、鮮魚湯同埋特色湯。冬蔭功海鮮淮山麵$68 特色湯係冬蔭公，將米線轉咗做淮山麵，另外再追加手工韮菜餃（+$13）。餸菜超豐富，有蝦、魷魚、魚肉棒、油炸鬼，追加埋韮菜餃，份量超足，冬蔭公比起泰國店食嘅當然做咗微調，無咁油同奶味偏輕，着重返酸辣開胃，但又唔會過辣，附合返做粉麵嘅湯底。同茶記一樣，米線店嘅海鮮都應該係急凍貨，但有誠意，蝦都幾大隻，收你$68有3隻，仲要彈牙，我好收貨啦！手工韮菜餃大大粒，絞肉唔會死鹹，皮都夠薄，配埋淮山麵整體就無咁heavy～ 胡椒豬肚雞淮山麵 $68 另一款鮮雞湯就叫咗胡椒豬肚雞，材料同樣充足，故收$68都不為過。胡椒豬肚湯一定會帶胡椒辣勁，所以落嘅份量要恰宜，否則好攻鼻又食得唔過癮，呢碗胡椒豬肚雞清新帶中度胡椒香辣，雞件正常，仲有木耳、油炸鬼，都可一試。 炸蜜瓜奶 $48見居然有酒樓嘅菜式炸蜜瓜奶🤣 $48有成4大件，炸皮厚度適中，內裏蜜瓜奶塊勁大件，唔會太甜，但實在少少，可能做細件啲一口size會更好。

經過見到呢間有胡椒豬肚雞淮山麵， 本人超鍾意胡椒豬肚湯，入去試下，估唔到咁好味「湯底」真係無得頂， 我最憎味精湯，佢好鮮味， 完全唔係味精湯，我全碗飲晒豬肚超淋， 雞就一般般，普通雞，近骨位有啲紅，我唔鍾意太生我都會再去