餃掂手工餃子雲吞專門店 (Closed)

今晚和家人在太子吃飯，家人比較喜歡中式菜館，太子一帶最多，所以我們選擇了這家餃子店。餐廳以圓桌為主，適合小家庭在這裡開餐，用餐空間足夠。餐牌所見，選擇不少，除了餃子，也有不少中式小菜和自家製飲品，看起來都十分分吸引呢！⭐️自家製山楂雪梨水$20可以點熱或凍，杯裝或瓶裝。我選擇了杯裝，入口熱騰騰的，有雪梨的甘甜，味道天然，不錯。⭐️黃金原味皮蛋$28晶瑩剔透的黃金皮蛋，蛋黃呈金黃膏狀，入口很香。⭐️壽喜燒牛肉餃煎餃子$74餃子煎得香脆金黃，外皮香脆煙韌，裏面是牛肉，牛肉夠足料，加上調味，食起來有日式牛肉的味道。

之前喺銅鑼灣幫襯過「餃掂手工餃子雲吞專門店」，味道都唔錯，但嗰期晚市好旺，就覺得佢係一間餃子店咁囉。近年尾要OT，我就去咗位於太子界限街嘅總店買晚餐，成個體驗完全唔同😍！晚市禁堂食，全部人六點後都係買外賣🥡，不過店員姐姐們仍然招呼周到，叫客人慢慢揀食乜，落完單又叫我哋可以坐低等。我同同事兩條友食呢個份量夠哂飽🥢，埋單人均$100左右都算合理嘅，畢竟有好多樣嘢食。芫荽拼元貝豬肉餃(10隻煎餃)($71)，之前食過🥟元貝豬肉餃覺得唔錯，所以再叫，入面真係有一絲絲元貝，但已經變淡色，相信係煮到入哂味！🍀芫荽餃就係近來愛上嘅口味，因為發覺用嚟包餃子嘅芫荽煮熟咗，無臭青味，咬落有一份獨有嘅香氣。題外話，姐姐有清楚話我知上下層分別係邊款餃👍。狀元九鼎湯($20)，如果餃子選擇湯餃，本身就會奉送湯，但奈何我哋都鍾意食煎餃，所以只好額外叫湯。湯品有好多功效💪，亦用上好多材料煲，主要有粉葛同赤小豆等。湯品飲落如介紹所述較為清淡，但加返幾粒鹽就啱啱好。黃金原味皮蛋($28)，同事話未食過黃金皮蛋⚜️🌟，所以我就嗌比佢Try Try。其實兩種顏色嘅皮蛋味道上係無分別，但金色就係無咁常見嘅一種。麻辣松花皮蛋($

在香港好吃的餃子店唔多， 今日約咗阿媽專程去食天下第一餃子，<餃掂手工餃子雲吞專門店 >， 因為之前食過一試難忘， 想食餃子我都會去返呢度。檯面有各式各樣醬料自由配搭， 麻辣醬，辣椒醬。 還有一瓶自家製醃酸蘿蔔， 都係免費自取， 蘿蔔酸酸地又夠爽～ 呢個一定要試！至尊松茸豬肉餃 (連狀元九鼎湯）每隻餃子都脹卜卜 餡料勁足， 松茸嘅味道幽香， 即使係灼餃子， 味道濃香豐富。更附送兩款醬料， 一種似xO 醬，另一款醬料好似有啲香菇喺裏面。 不過松茸餃味道芳香獨特，可以唔需要蘸醋。狀元九鼎湯飲落舒服順喉， 濃濃嘅粉葛味溫和清甜， 配以松茸野生松茸餃子啖啖滋味。元貝豬肉餃（煎）餡料包住絲絲嘅元貝， 元貝味道特別鮮香， 更提升豬肉餡料嘅味道。 以為煎餃子會較乾同埋熱氣， 今次令我完全改觀。 估唔到隻隻餃子裏面也充滿肉汁， 一啲都唔乾，個皮仲係好脆～ 超美味！芫茜豬肉餃麵超大份量，冇諗過咁大碗！ 幼身嘅上海麵又滑又爽。 芫茜豬肉餃依然 餡料爆滿， 芫茜嘅味道 和份量都調配得啱啱好， 過多會苦澀， 太少亦冇咗重點嘅味道。 呢個一定要mark低下次 再來品嚐。自家製山楂雪梨水 $20（

係太子買完嘢，行下行下黎到呢條街，原來都幾多食店，就係行到呢間食店門口，被呢幅相吸引住..............係門口有蔡瀾嘅黎食過嘅相片，連蔡SAN都食過，食物水準應該有保證，就推門入內多種款式餃子當然係呢度嘅主打食物，原來仲有雲吞、麵類、小食及飲品供應枱上放滿各式醬料，仲有一樽醃蘿蔔醃蘿蔔自己鍾意食幾多就夾幾多，酸甜爽脆，未食餃子前我已經食左一碟......哈..哈......至尊松茸豬肉餃 ($72)跟狀元九鼎湯 (係粉葛湯)先飲啖湯，好香粉葛味，無油無鹽，感覺相當健康而隻松茸豬肉餃食到有松茸味，口感腍身; 餃皮厚薄度適中，餡料比例唔會太多，可以有空間食多幾隻!湯餃中點了呢碗雲耳椰菜豬肉餃 ($39)，一碗有7隻，湯底亦係粉葛湯，可以連餃帶湯全碗食晒餡料有脆口嘅雲耳椰菜，與腍滑嘅豬肉互相配合，口感帶黎兩種層次!自家製山楂雪梨水 ($20)，餐牌上仲寫上有山楂、甘草、麥芽、冰糖等多種材料，呢D秋季天氣飲就岩飲，味道幾香山楂味，酸甜味幾滋潤開胃，好過飲汽水!係等緊煎餃出場時，食住呢客野味酸辣雲耳 ($25)，伴有紫洋蔥，味道帶點麻香味，雲耳爽口!同一時間想試兩款餡料，可以叫雙拼煎餃

餃子千變萬化，好多人都想將原味再度呈現，但很多店舖都不敢誇過傳統推出一種專有的創新口味的餃子，所以又怎能從如此多餃子食店中突圍而出？呢間手工餃子雲吞專門店【餃掂】推出創意水餃吃法，主打「至尊松茸餃子」外，又配以古法下火靚湯更有調配好的秘製醬汁，明顯地是追求口味與養生。味道真的不錯，所以我間唔中都有食一次呢！今晚又再到訪了。走到界限街便會看到一間裝潢上有點不同的門面，門口也有些報導。作為餃子店來說入面環境很闊落，雖然例牌要搭枱，但都唔會好逼狹。都是走中國式的風格，店內圓桌圓凳，古樸大方，坐得挺舒服的。牆上也掛滿「金句」，領悟到的人生哲理。而且有個透明玻璃大窗，可以見到師傅包餃，衛生程度都挺高。呢度餐單認真選擇豐富，除有招牌松茸餃、芝士、韮菜豬肉、雲耳椰菜豬肉、大白菜豬肉、粟米豬肉、菜心豬肉、芫茜豬肉餃等，你可以選湯或煎餃。兩者都非常吸引！除左松茸餃價錢較貴之外，其他餃子定價都合理，大概 $35-$46，視乎湯/煎。另有蒸餃、雲吞、麵食、小食等。點了野食後就食住醃蘿蔔慢慢等...醃蘿蔔作為清爽開胃涼菜，正！因為用料非常實在！枱上亦有各式醬料，而菜脯都爽口夠辣。黎到呢度一定要食至尊松茸餃配狀

人有時會突然好想食某種食物，非食到不可那種感覺。今天，我突然好想好想食餃子。於是拉著朋友陪我去位太子的天下第一餃—餃掂。店內有大玻璃窗，可以看到手巧的師傅們努力地包餃子。至尊松茸豬肉餃(狀元九鼎湯)(8只) $72手製的餃子粒粒幾乎一樣，餃子皮薄，可以透出裡面的餡料。野山松茸餡料，比一般的香菇餃更香。狀元九鼎湯—真正靚湯，用料足，用上粉葛、鯪魚、鰂魚、排骨、陳皮等材料。沒加味精，鮮甜味全來自湯料。龍鳳松茸雙煎餃 $85 (白松露黑松露雙拼)生煎的松茸餃比灼的多份惹味和香脆。皮薄餡靚的餃子煎到剛剛好，金黃香脆而不焦。雖然係煎，但油份不多，不覺膩。一啖咬開經過香煎的餃子，松露獨特的香味已經急不及待的飄出，松露的香氣更香。黑松露比白松露的香氣更濃郁，此刻的白松露變得內斂。粟米豬肉餃（煎餃）中碗$45食完招牌餃子，心思思想再食多份。叫咗粟米豬肉餃，香脆的餃子皮真係好吸引。豬肉餡料中加入粟米，甜甜地，多份口感。自家製山楂雪梨水$28山楂雪梨水中，山楂味較為突出，酸中帶微甜，甜味來自冰糖、麥芽，而非精製白砂糖，健康、開胃又滋潤！

人手包的餃子我一向喜歡，尤其是具特色及多款選擇的就最適合我。之前經朋友介紹下得悉這間位於太子的餃掂手工餃子雲吞專門店，款式與眾不同。入到店內光線充足，以中式設計，感覺摩登，比一般的雲吞麵店較時尚，整潔舒適。餐牌上最吸引的是這間鎮店極品、山珍之皇的松茸餃，亦有中西合璧的松茸餃，另有不同款式的餃子，還有自家製山楂雪梨水、雲吞麵、小食等，實在很吸引。枱面上幾種特式的醬料，隨意配搭，調出不同味道，不錯。至尊松茸豬肉煎餃 (跟狀元九鼎湯)   $74 餃子煎過香脆可口，咬下很多肉汁，散發松茸香味，食材珍貴，鮮甜肉嫩，鬆脆美味，太好吃啦 😋老火熬製而成的狀元九鼎湯，味道鮮甜實在，原汁原味，香濃魚湯味，自己就最喜歡飲老火湯，飲完不口渴，真的超級好味。雙拼餃子  $55雲耳椰菜豬肉餃和莞茜豬肉餃，兩款口味蔬菜新鮮爽脆，肉質嫩滑，餃子餡料不乾身，肉味香濃多汁，味道鮮嫩，很美味。韮菜豬肉餃   $45我再點多一碗是湯餃，湯底都是用狀元九鼎湯，清香撲鼻，香濃韮菜和豬肉的餃子，鮮嫩多汁，好吃。雲吞湯麵    $45雲吞包著的是豬肉，細細粒，方便一口一粒，鮮味十足，不錯！湯底清甜，幼條麵身，質地爽口彈牙，煮得不

聽同事講尼間餃掂d水餃🥟好好味，仲有松茸口味，一直都好想試下，今日放假就帶埋媽媽來試下啦！店面細細，只有五張圓枱仔，我地下午兩時左右去到都要搭枱坐，好旺場伏味低食物都算多選擇，除多款口味餃子之外，仲有小食同飲品一心黎到梗係要試下松茸餃啦！我地點左八隻松茸豬肉餃同八隻龍鳳松茸餃開心share松茸豬肉餃免費配狀元湯，松茸味道淡淡的甘甘地，豬肉係搞得好碎，無肉腥味，唔會咬到一粒粒嘅肥肉我鍾意至於龍鳳鴛鴦餃同樣免費配狀元湯，加入左黑白松露之後口味會濃左，而黑松露同白松露分別就係黑松露會比白松露濃味d，我個人喜歡松露味，覺得好惹味狀元湯係比較清淡，喝得出有粉葛嘅鮮甜味，無味精，健康靚湯，真係唔錯小食我地叫左青瓜同皮蛋，皮蛋正咼，爽口新鮮無怪味，青瓜都好味，但比較辣，但最後都比好辣嘅媽媽ko曬最後仲叫左杯山楂雪梨水share，酸酸甜甜，清熱解渴爽呀！最後要讚一讚尼罐酸蘿白，係免費嘅，好入味，我媽媽食左好多尼一餐非常滿意，媽媽都讚我好介紹好開心啊

假期多了整麵包, 家中的高筋粉轉眼間用到無晒, 是時候要去烘焙店入貨, 點解要過海咁遠? 皆因買慣買熟, 又係會員, 不得不去, 但每次去開都會大量大量入貨。既然出開去九龍區, 血拼前必需醫醫肚, 咁先會有力氣托麵粉, 哈!行下行下, 見到一間掛上「天下第一餃」牌匾的小店, 原來是一間餃子雲吞專門店, 諗諗下……都好耐沒有吃過餃子和雲吞, 那就一於入去啦! 店子門面很搶眼, 可愛的店名招牌高高掛在正中央, 下方還有兩個電子螢幕, 不斷地簡介店子的菜式、食材及播放食物相片, 而大型的落地玻璃窗可讓途人看到店子的內裏環境。內裏的裝潢也富心思, 牆身展示一些互勉和分享的字句, 很有意思! 亦有一邊牆身介紹松茸的知營養價值, 頓然覺得翻開了一本充滿知識和道理的 “書本”。店子地方不大, 設有五張圓枱, 每枱均有五個座位。走近走廊便見到一個半開放式的廚房, 內有幾位員工正在不停包餃子, 三兩下手勢就完成一隻, 非常純熟。枱上的用具和醬料很齊全, 醬料選擇多, 分別有香辣醬、四川麻辣醬、青瓜醬、芝麻醬、醬油 和醋, 而最吸引我是一大樽的酸泡菜, 店員仲話是自家醃製, 內裏大部份都是白蘿蔔, 還有一

※本文以用餐當日的環境、服務和食物質素為準，口味亦因人而異，文章只作參考之用。-小妹由細到大都唔太喜歡食餃子，可能因為小朋友時家人個個星期都包餃子，真係食到厭啊! 不過近來人大左，又開始鍾意返食餃子，見到網上話「餃掂」有得食芝士餃子，更加令小妹想去試下! 餐廳位於太子，店子全球首創松茸餃子，也盡了社會責任，每年將營業額純利的30%捐到慈善機構，30%不是一個小數目，在現今的社會真的非常難得，店家真的很有心!餐牌內有各款手工水餃，有韮菜豬肉餃、雲耳椰菜韮菜豬肉餃、大白菜豬肉餃、粟米豬肉餃、菜芯豬肉餃，仲有近期大熱的芫茜口味豬肉餃！餃子可揀要湯餃或煎餃，另外仲可以雙併，很有彈性。覺得剩係食餃子好寡？餐廳仲有四川涼麵、麻辣皮蛋、酸辣雲耳、手拍青瓜等小食。每枱都放上一樽自家製醃蘿蔔可兔費享用，醃蘿蔔咬落爽脆，味道酸酸的很開胃。自家製山楂雪梨水 $15/杯餐廳自家煲的山楂雪梨水，飲落不過甜、清甜又滋潤，好適合夏天飲，消暑不錯。至尊松茸豬肉餃 （8隻）跟狀元九鼎湯 $65松茸有護膚和豐富的營養價值，店家首創以的松茸餃子，也是小妹第一次見。餃子可揀灼或煎，也有中或大碗選擇，每份仲會配送一碗無味精的跟

太子區是不時到來的地方，有晚經過這家「餃掂手工餃子雲吞專門店」，號稱「天下第一餃」，又見鋪內坐滿人，好奇驅使下就成為是日晚餐據點。地方比較擠，搭枱是常識吧！安坐下來，桌上的泡菜是免費任食，淺嚐數顆，醃爽脆酸香，沒有太嗆喉的感覺。細看餐牌，有餃子、雲吞，還有麵食、涼菜、湯品及飲品，圖文並茂，印刷精美。店子以餃子雲吞專門店為名，來此不是為吃餃子，就是雲吞罷了，點了一客「雲吞麵」（$40），份量十分之大，並有12隻雲吞之多，差點吃不掉，不過，不像廣東式的大粒，而且是沒有蝦的款式，麵條有點腍是美中不足之處。一碗麵，一杯飲品，是今晚的晚餐組合，「自家製山楂雪梨水」（$15）入口比預期淡，但還算得清潤。下次再來，選擇煎餃應是穩打穩紮的選擇。

男朋友喺附近番工，佢話呢間嘅餃子味道唔錯，所以成日都黎食。佢曾經外賣過番黎俾我食，但我覺得味道麻麻，可能唔係即食，點都爭少少。趁有個復活節假過黎一試，有唔少人都會比較美味餃子同呢間餃掂，個人就認為係兩個唔同嘅方向、賣點，視乎個人口味。餃掂就喺界限街，鋪面都幾闊落，雖然例牌要搭枱，但都唔會好逼狹裝潢有陣國內味道，特別係用上圓形彩色膠椅，牆上掛有兩篇老闆嘅分享文，「銷售賣什麼？」、「何謂牛嚼牡丹？」。透明玻璃大窗內可以見到師傅包餃，都算係對自己衛生有多少信心。我最欣賞係佢地嘅冷氣充足，熱屎辣辣入到去，都好快cool down番自己；同美味餃唔同，美味餃坐得逼啲，而且油煙味相當勁。餐單選擇豐富，除有招牌松茸餃、芝士、韮菜豬肉、雲耳椰菜豬肉、大白菜豬肉、粟米豬肉、菜心豬肉、芫茜豬肉餃等，可選湯或煎餃。除左松茸餃價錢較貴之外，其他餃子定價都合理，大概 $35-$46，視乎湯/煎。另有蒸餃、雲吞、麵食、小食等。枱上有各式醬料，以及醃蘿蔔，一試店家嘅菜脯，驟眼睇都同美味餃嘅9成相似，但個人認為美味餃嘅辣菜甫更好食，爽口夠辣。回味手拍青瓜 $16份量唔多，但味道不俗，特別係當日都幾熱，食幾舊清涼青瓜，