蝦魂

Open Now

Now Closed

🔹️和牛雲吞、燒干貝、叉燒牛骨湯拉麵 （期間限定）喺香港好少食到好味的牛骨湯拉麵🐄，依間我好滿意！和牛雲吞🐄、燒干貝、叉燒好有質量，仲有幾塊好滑的慢煮雞胸🐥！🔹️蝦紅湯拉麵 呢度嘅蝦紅湯底好鮮甜好正，用左好多蝦去淆🦐，有4隻蝦咁多，都幾彈牙！麵條彈牙掛汁，仲有好多櫻花蝦，同埋流心蛋。我加咗個辣蝦醬，用來點蝦和麵都幾惹味，注意唔好一次過哂落去。🔹️自家製阿根廷紅蝦雞肉餃子 每隻大餃子，都用咗原隻大紅蝦🦐，加埋免治雞肉包🐥，可以說是世一餃子😍🔹️花雕酒漬新鮮鮑魚 鮑魚爽口彈牙，幾有酒味

今日落雨濕濕，我地唔出外面搵食，懶懶地留返係將軍澳區🤭上次係寶琳經過見到有間拉麵店未試過，今次就去試下先😋和風凍蕃茄🍅凍蕃茄好適合夏天食，加上甜甜酸酸嘅醬汁，最啱夏天做開胃菜，蕃茄涼浸浸酸酸甜甜，我都忍唔住食左大半🤭自家製阿根廷紅蝦雞肉餃子🦐🥟餃子外型特別，同普通一般餃子唔同佢嘅做法係用餃子皮包住雞肉同原隻阿根廷紅蝦，外型已經吸引眼球👀而且好有蝦味，好正👍🏻拉麵麵條用日本麵粉都係自家製，比出面既麵條特別啲，感覺上有少少似蕎麥麵咁，都幾彈牙😋而我最欣賞係佢地麵同湯麵係自家製唔係現成貨，好有誠意👍🏻澳洲頂級肉眼醬油牛骨清湯拉麵🐃🍜牛肉擺放得好吸引，牛味香濃而且好軟熟🤤湯底亦一樣好香牛味🐃原來係拉麵店用帶有肉同筋膜，油脂嘅牛肋骨慢火熬製加上秘製昆布醬油而製成，牛肋骨湯底帶有少少牛臊味，不過一樣好正😋蝦紅湯拉麵🦐🍜餐牌介紹蝦湯底用多種蝦經多重工序每日熬煮，蝦味果然好香濃，店員麵好細心提示我地食之前撈均，蝦味更濃郁😋🤑 人均消費：～$140🤩 推薦指數：8 / 10📍 餐廳資料：蝦魂 (將軍澳)將軍澳寶琳運亨路1號新都城中心一期2樓241, 250&251號舖☆.。.:*・°☆.。.:*・°☆.

黎到寶琳新開業2個月左右的蝦魂拉麵轉門店，朋友食過黎後，極力推薦我地晚上諗唔到食咩，不妨過黎食下，因拉麵店的湯底是自家熬製，保證會有一試難忘的感覺。🦐🍜😋✨ 蝦紅湯拉麵（$108），湯底由多底的蝦特製而成，包裝龍蝦、虎蝦、阿根廷紅蝦、日本櫻花蝦共同煮超過4小時，湯底的色澤偏橙色，撈上秘製的蝦油醬，味道極鮮甜，每一啖都滿載住濃濃的蝦鮮味。每一隻鮮蝦都很新鮮又彈牙，木耳絲好爽口，整個拉麵製作得非常出色。🍜🦐😄🫶🏻✨ 雞白湯拉麵（$88），湯底的味道帶有甜味。湯底的材料是用全雞、雞腳、雞翼煮約6小時。再用天然昆布及鰹魚混合雞湯裡，令雞湯的味道更加提鮮，還有加入了柚子皮，湯底的味道很清新，未食拉麵先飲啖湯已經感到很真材實料了。拉麵的做配料很豐富，粒粒脹卜卜的飛魚籽、塊塊薄身鬆軟的豚肉、肥美的廣島蠔肉和軟心滑溜的溏心蛋。料多又抵食。🍜🐥✨ 雞湯浸蘿蔔，雞湯是拉麵的濃湯，白蘿蔔很鮮甜又浸得好入味。🤤✨ 自家製阿根廷紅蝦雞肉餃子（$40），原隻的紅蝦再配上大量嘅櫻花蝦，令賣相很吸引。餃子包住蝦和雞肉，餡料豐富又有層次。店員建議不要點上醬油，品嚐餃子的原味道。🥟🦐

朋友介紹話呢間係寶琳嘅🦐拉麵店好好食，就算遠d都好值得入去食下！果然無錯！🔹️蝦紅湯拉麵 $108呢度嘅蝦紅湯底真心好食，食得出用左好多蝦去淆🦐🦐🦐，係餐廳匠心之作，完全冇味精，食完唔會口渴，麵條彈牙都幾掛汁，拉麵嘅幾隻蝦都好新鮮，仲有大量櫻花蝦，同埋流心蛋，喺香港好少食到咁好蝦湯拉麵，大讚❗️我加咗$3 要個辣蝦醬，用來點麵都幾惹味。🔹️虎蝦乾海味炊飯 $108用咗北海道米，落咗好多乾貝和花菇，令啲飯充滿海鮮味😍，配咗大條虎蝦乾，仲有幾塊好滑的慢煮雞胸！整體黎講好滿意。🔹️自家製阿根廷紅蝦雞肉餃子 $48喺碟與眾不同嘅餃子😍，每粒都用咗原隻大紅蝦，加埋免治雞肉包出嚟，超級足料，極滋味，差唔多枱枱都叫來食😍🔹️花雕酒漬新鮮鮑魚 $32鮑魚個size都ok，爽口彈牙，幾有花雕酒，唔錯！

今日去寶琳新都城中心嘅朋友屋企敘舊，見到有間新開主打新鮮熬製湯底叫「蝦魂」嘅拉麵店，決定試一試。我哋嗌咗蝦紅湯拉麵、虎蝦乾海味炊飯、自家製阿根廷紅蝦雞肉餃子同慢煮雞胸。餐廳嘅拉麵全部都喺使用日本嘅小麥粉新鮮製造，咬落去煙韌唔易斷，蝦紅湯底就用咗龍蝦、虎蝦、阿根延紅蝦同日本櫻花蝦等四種唔同種類嘅蝦去新鮮熬煮，配上自家秘制的蝦油醬，令到湯底嘅蝦味非常香濃，層次豐富，絕無添加味精，夾埋木耳絲一齊食索哂汁，日本溏心蛋有半生熟嘅口感；炊飯我哋揀咗雞白湯，用日本嘅珍珠米，口感煙靭，配料有乾瑤柱、櫻花蝦、花菇粒同虎蝦粒，令到成個飯充滿着海鮮嘅鮮味，濃稠嘅雞白湯會掛喺啲飯粒身上，將湯、飯同配料放喺隻匙羹上面一啖一啖咁食，就可以食得出口感層次豐富而鮮味十足；紅蝦雞肉餃子幾特別，一隻紅蝦混合豬肉餡，再用餃子皮包住去煎，面頭有一堆櫻花蝦碎，非常香口；慢煮雞胸喺薄片嘅形式，用慢煮嘅方法去烹調可以令到雞胸非常之嫩滑，配埋雞白湯一齊食非常夾，賣相亦都好似一朵花咁靚。極度推介住寶琳或將軍澳嘅朋友去試一試呢一間充滿誠意嘅拉麵店！📍將軍澳寶琳運亨路1號新都城中心一期2樓241, 250&251號舖位置就腳：🍊🍊🍊🍊餐廳

呢日嚟咗探望將軍澳嘅友人 經過佢樓下嘅商場 聞到有陣濃郁嘅蝦味 友人話呢間係新開嘅拉麵店 主打蝦湯拉麵😆蝦紅湯拉麵成間鋪充滿着蝦嘅香味 呢碗拉麵嚟嘅時候都好大浸鮮味撲埋嚟😻 湯底原來用咗好多款嘅蝦熬製而成 都見到蝦湯係比較稠杰 面頭仲有蝦油醬 同埋大量嘅日本櫻花蝦 撈埋一齊食更加有風味 仲有4隻已剝殼嘅蝦喺面 方便我呢啲懶人😚美國和牛肩胛肉眼 醬油牛骨清湯拉麵呢個係期間限定嘅拉麵🍜 麵質都幾有咬口 湯底係醬油牛骨清湯 湯底唔會太鹹 呢個拉麵仲用上咗好多片美國和牛肩胛肉眼 肉味幾香 仲有啲秀珍菇同埋白蘿蔔喺湯入面 半熟嘅溏心蛋都味道唔錯🍳 自家製阿根廷紅蝦雞肉餃子佢嘅賣相幾靚 見到佢有原隻蝦仁🍤 面頭有大量嘅櫻花蝦🤩 蝦仁底下仲有雞肉餡料 整體味道都有好香嘅蝦味雞湯浸蘿蔔因為食完佢嘅牛肩胛拉麵入面嘅白蘿蔔 覺得佢真係整得好入味好甜 所以嗌多咗呢一份小食🥕 雞湯嘅味道幾濃郁 白蘿蔔依然係好香甜 份量都算幾適中呢間嘅蝦湯都真係比較出色嘅 如果好鍾意食蝦嘅朋友就要嚟試吓啦🦐

蝦魂將軍澳寶琳運亨路1號新都城中心一期2樓241, 250&251號舖味道評分:☄️(必食之選)>☀️>🌤>⛅️>💨🌤️蝦紅湯拉麵 $108餐廳叫得蝦魂當然要試下佢地個招牌蝦拉麵啦😋拉麵份量都好多，麵條口感彈牙，湯底使用不同種類的蝦，每日新鮮熬製，配搭秘製蝦醬，十分有誠意👍🏻☀️美國和牛肩胛肉眼醬油牛骨清湯拉麵 $98重點一定是舖滿碗邊的牛肉片，十分吸睛😍仲好貼心咁配上蘿蔔解膩~湯底較蝦紅湯清淡☺️🌤️自家製阿根廷紅蝦雞肉餃子 $48總共有3隻，同普通餃子造型不同，會展出蝦尾🍤用豬肉包圍住蝦身，食落更有口感~☀️雞湯浸蘿蔔$28好滑完全冇根🫶🏻

屋企附近嘅食店都食得悶悶哋~見新開張咗間日式麵店，環境闊落，乾乾淨淨，就同屋企一齊入去試吓。點知一試咗佢碗“蝦紅湯拉麵”就食到停唔到口😋🦐蝦紅湯拉麵一碗好食嘅拉麵湯底一定唔少得。個湯底夠足料，成碗麵嘅表現即刻提升哂！呢碗麵湯底夠哂香濃，每一口都感覺到足料豐富嘅感覺。麵嘅勒度適中，吸收埋啲湯，啖咩食到哈哈笑😆🦐虎蝦乾海味坎飯個飯底同啲乾蝦，香菇撈埋一齊，清清哋滲有乾蝦同香菇香味😋 配有香濃蝦湯，飯沾啲湯一齊，好開胃！🦐自家製阿根廷紅蝦雞肉餃子見到呢個賣相好特別就叫咗2客，每客有3隻。蝦同雞肉夾埋一齊食味道都幾夾。見廚師係即叫即整，唔怪之得一出爐就甘香甘好食。呢度唔只坐得舒服，仲要服務周到。真係要俾100個讚👍🏻