孔夫子 (Club East洞天) (Closed)

今晚同同事五隻飯脚，坐埋一枱，去試觀塘區 較高級食店試一試，被安排較近門口位置，座位寬敞，舒適。同事發版，叫咗幾個餸：養顏棗皇糕：紅棗味濃郁，煙韌；飯後小小甜，滋味。水煮魚片：中辣，味道不錯艷影蝦球：蝦球大大粒，肉質爽滑，簡單美味。四季豆：一般貨色，沒有特別鱔柳： 醬汁適中，似食鰻魚，個人口味喜歡蒸大鱔整體感覺：第一次來感覺良好，大部分食物精緻美味，要儲下錢帶媽媽來，試北京填鴨，招牌拿破崙蛋糕，記住提早訂餸。

朋友介紹到孔夫子吃晚飯😋， 位於觀塘駿業街58號Club East洞天3樓。 因為屋企人生日，所以想搵間高質的中菜🥳， 預早在Openrice訂位， 今晚準時七點半到達， 估唔到平日都全場爆滿😯。 店內燈光柔和， 都幾有情調。 📍晚餐 ～ 孔門牛肋排$388、 艷影蝦球$188、酸菜桂魚片湯銀針粉$172、 珊瑚藕卷$108、 孔門烤豬件(例)$238、 壽桃包(4件)$80。 📌艷影蝦球🍤～ 一碟有八隻蝦球， 大大隻又爽口， 推介這菜式。 📌孔門牛肋排🥩 ～ 雖然價錢唔算平， 但物有所值， 牛肋排炆得非常軟腍入味， 完全唔需要用刀，已經可以輕易將骨肉分開。 📌孔門烤豬件(例)🥓～ 例有六件烤豬，原先想食叉燒可惜賣完了， 不過食烤豬件都不錯， 皮脆肉嫩。 📌酸菜桂魚片湯銀針粉🍜 ～ 酸辣辣好開胃， 辣度適中又唔會過火，桂魚片軟滑啖啖肉無骨，平時多數用米線或薯粉，原來酸菜湯配銀針粉都幾好食。 📌珊瑚藕卷🌯 ～ 爽脆的藕片包住豬肉， 帶點微辣口感， 這款菜色幾特別。 📌壽桃包(4件) 🍑～ 早一日想打電話訂拿破崙，原來要三日前訂的😮， 唯有點壽桃包， 壽桃包味道普通， 與平時茶樓吃的蓮蓉包

平時多數食外賣，第一次食堂食，一入到黎已經覺得幾classy, 燈光幾暗，但氣氛好好，幾靜，唔會太嘈我地叫左片皮鴨，幾大隻，唔貴，好似4百幾蚊，啲皮好香脆，好好食😋之後叫左招牌叉燒，甜甜地，叉燒好嫩，一啲都唔難咬，十分推薦另外叫左藕餅，肉質好滑，煎得好香，中意食藕餅嘅朋友可以試下，但唔算超驚艷之後最重要當然就係艷影蝦球，我覺得依個必點，超好食，啲蝦大大隻又彈牙，再加埋啲檸檬汁超級清新，食10隻都唔會“漏“，一定要試下！！！

話咁快又到中秋喇~今年屋企中秋飯打算提前食，唸起觀塘有間味道幾好嘅中菜館，份量都好啱一家人一齊食！所以就想帶屋企人同男朋友去試下~ 【孔夫子】係一間主打魯菜嘅中式酒樓，隱身係觀塘一眾工商廈之中，雖然商廈外觀平平無奇，但上到去別有洞天！酒樓裝修既有中式嘅典雅又有現代嘅時尚感，非常有氣派！ 🧡黑毛豬叉燒（$228）叉燒絕對係招牌必點，叉燒肥瘦均勻，厚切大件，入口即化，口感超一流！大家食完都讚不絕口，值得推介！ 🧡艷影蝦球（$188）艷影蝦球都係呢間酒樓嘅名菜之一，果然不負眾望！係一味將蝦球同檸檬結合嘅創新菜，檸檬醬調味超出色，既開胃又中和到炸蝦球嘅油膩感，超有驚喜！ 🧡酥皮茄子（$52）睇食評見好多人都推介呢個酥皮茄子，果然都係不負眾望！茄子炸到圓碌碌好酥脆，驚喜位都係佢個醬，真係估佢唔到原來個醬係南乳醬，同茄子超夾，好正！ 🧡蟹肉蛋白扒豆苗（$158）蟹肉蛋白晶瑩剔透，豆苗好嫩，健康又有營養，正！ 🧡紫菜海皇炒飯（$128）海鮮炒飯大份足料，唔會好油膩！

突如其來禁晚市堂食，無辦法慶祝老公生日。本來預約左幾間私房菜都暫停營業，外賣都唔做。尋晚打電話問孔夫子有無做外賣，仲what's app外賣promotion 餐單俾我。4餸一個炒飯。因為外賣，又要攞返屋企，食物都凍左。最好味係呢個牛助排，好淋又唔油脂餐廳仲用錫紙包住枝骨俾我。叉燒嫌太厚切

今日新加坡朋友話好想吃香港地道的食物《叉燒》，我們來到一間鬥面毫不起眼的商廈會所，穿梭於觀塘工廠大廈中，電梯進入3F,令人嘩然耳目一新的感覺😱寬敝明亮，位置闊落，岩曬這個時期，保持枱與枱之間距離的要求。經由一位後生靚女Miyabi 介紹左菜色，最後我們叫左：黑毛豬叉燒、艷影蝦球、孔府招牌腸、蒜蓉炒豆苗、椰汁桂花糕。（這個叉燒不得了，又厚身，又淋，大大嚿食入口，個種滿足感好難形容😂😂😂）食物很好，很特色，味道一流，要贊下廚師👨‍🍳👍👍👍。飲後Miyabi 還帶我們參觀左西餐廳，gym room 同spa。服務很貼心，很好，很詳細。謝謝靚女，下次再見❤️❤️❤️

去年5月係我第一次嚟，裝修環境幾靚、食物特別又幾好味，我當時有寫食評分享。今年4月和另一批朋友嚟，食咗新嘢幾好味，但太忙冇寫食評。今次不能懶，一定要同大家分享下。今次飯局係靚女好友安排，佢係club east會員，除埋單有會員優惠外，最重要係識得精明點菜。我哋今次一行六人，叫咗八道餸菜及一個甜品(靚女好友推介訂位時要預訂，否則未必有得食)。其中三款係我哋之前食過再叫*1. 秘製陳皮蒸蕃茄* — 看似普通，陳皮味道清新特別，一食即愛上2. 酥皮茄子 — 南乳汁與茄子好夾，惹味3. 黃金鍋巴 — CP值最高，鹹蛋香，鍋巴脆，一流4. 艷影蝦球* — 蝦肉爽口彈牙，橙色醬汁完全去除炸物油膩感覺5. 奶湯雲吞煲 — 奶湯濃，雲吞皮薄餡靚6. 雪裡藏珠 — 蛋白滑但味較淡，較遜色7. 秘製陳皮甘香骨 — 陳皮味恰到好處，肉骨炸得香酥惹味8. 薄荷黃金豆腐* — 豆腐外脆內軟，薄荷醬增添清新感9. 秘製陳皮燉雪梨 — 雪梨連個心都去埋，好細心；適量陳皮成功帶出雪梨嘅清甜，口感滋潤，呢個秋涼時候食就最正甜品除燉雪梨外，發現有好多枱都食拿破侖，但原來都要預訂，所以今次冇得食。唯有下次訂位時預訂，食完再

今天兩個仔女為我慶祝生日，朋友推介，選了官塘這間飯店，地點不近地鐵站，出站後行大約10分鐘才到，但位置容易找到。遲到了15分鐘，店員也幫忙留了位。忘記影飯店的裝潢，但環境乾淨企理，檯與檯之間有足夠空間，沒有壓迫感，未開始食已經感到滿意。食物上檯第一味是黑毛豬叉燒,價錢有點貴(一份222元)，但真是一分錢一分貨,叉燒味道可咸甜適中，肉質鬆軟有咬口，半肥瘦，真的好好味，一碟雖然件數不多，但我一個人也吃了3件。

依度位於新興工廠大廈，主要食中菜，對於老人家都非常岩，因為依度有哂停車場、LIFT同埋冇梯級。一上到去，環境非常寬敞，每席都好有空間感，就算講是非都唔怕俾人偷聽，哈哈！ 北京片皮鴨(4/5)好耐冇食過係即場片起，睇到功架之餘，仲睇到成隻鴨有幾咁香脆！另外青瓜大蔥都非常新鮮。 菇嚕菇嚕(5/5)如果有十個趣我俾十個！第一舊一啖放落口，好多肉汁好味！比人問起知唔知食緊咩，我初頭以為肉中間有菠蘿粒，點知唔係！食多舊咬開一半，原來係猴！頭！菇！艷影蝦球(4/5)依個我諗係依度既招牌！差唔多圍圍都有叫，粉漿又薄又脆、檸檬醬汁同蘆筍既配搭係好夾。又清新，又唔會好濟。 靚靚石鍋魚湯(5/5)個人好鍾意飲湯，又好鍾意食魚。將每片魚放落燒熱既石春，再放入上湯。奶白色既鮮甜靚湯，真係一飲再飲。 其他菜式都各有精緻，不過以上就比較推介，同埋會ENCORE。仲有HSBC卡有85折，我地TOTAL平左300個大洋。不過最好比錢前問清楚有冇咩優惠。今日真係好開心，放日假同你四圍去。仲要每一刻都痴到實一實，HAPPY!如果有多D咁既機會就好，不過我地黎緊大把機會，係咪呀叮叮？

星期五咁啱冇工開，多月冇見既朋友又得閒，就相約飯聚，大家屋企同工作地點都近觀塘，就約apm等啦～本來打算食西餐或多國菜，但book左兩間都滿左，另1間直頭無人聽，於是諗諗不如中菜，雖然兩人食中菜可能選擇有限，但因友人有孔夫子既會藉，可免加1及8折優惠，於是就book佢7點，去到唔洗再等👍menu係用ipad睇，但有人落單的，因為真係只得2人，唔敢叫太多野，看見其他桌叫片皮鴨，好似好正，但兩個人點可能食到，睇相見有個艷影蝦球，細細粒幾精緻，個名好靚，樣都靚，就叫左，上到枱原來好大粒，直徑有成3吋，上面d醬汁好好味，另外我地都中意食鱔，就叫左個砂鍋鱔，呢個就比較油膩左d,可能個蝦球好大，我地已飽飽地，另外冷盤好似叫話梅番茄，menu冇相，我地以為會用車厘茄，點知原來大番茄切開，賣相就一般了，而且見唔到話梅喎，調味係用左柑橘，味道都ok啦！ 甜點方面我地唔係從menu叫，而係從樓上同一集團既西餐廳叫既，cremebrulee因為友人叫過大讚，所以order,果然正。整體員工服務週到，價錢如果冇折就有點高，環境算靜，可傾到計，枱既柜離夠空間感，今次埋單，每人約220。下次約多幾個人再戰片皮鴨。