大頭芋烘焙

Open Now

Now Closed

小弟本身唔喺芋頭控，但老婆就真哋好鍾意食，早前朋友公司有人離職，散水餅喺芋頭酥，佢話超好食，推薦俾我試試，喺開晌廠廈嘅「大頭芋烘焙」，睇番啲人嘅食評，原來已經開咗好幾年，真喺唔知有呢間隱世小店喎。入到鋪內，原來喺一個教整餅中心，不過，就無入去「參觀」，只喺企晌近門口位睇睇。晌牆上，就貼咗好多雜誌嘅介紹，如「90後女生創業」、「赴台拜師學製芋頭酥」、「港女小店創業」……等等，小弟都有學整包點、甜品，明白易學難精，但有志者事竟成，希望店主繼續努力，精益求精。睇店名就知喺以芋頭作為種重點，除主打嘅芋頭酥，仲有啲芋頭波波球、蛋糕磚同蛋捲，此外，芋頭以外，亦有啲茶味嘅蛋捲及其他口味嘅毛巾捲。雖然只喺小小兩個芋頭酥，包裝都好裝美，我晌網上都見佢哋有四個裝嘅盒裝。此外，店家都順便推廣吓一啲小型個體盒裝，話當散水餅又得，依家疫情持續，當喺小禮物俾朋友亦得。原味芋頭酥 $17芋頭酥都喺新鮮製作，不含防腐，所以，講到明存放於室溫需兩日內食用（放入雪櫃就可保存7日）。切開一睇，裡面都喺填滿芋泥，而芋泥味道粉香，唔會過甜，店家更教路以150°C烘10分鐘，所以，口感更軟綿幼滑，外層嘅酥皮就好鬆化。話梅味芋頭酥

想念台灣既我無意中搵到呢間賣芋頭酥同蛋卷既小店，佢隱藏左係荔枝角既工廈入面，主打大甲芋頭甜點，包括芋頭酥同埋蛋卷。由於佢無添加既關係，買左就要快快手食，同埋數量有限既關係，事前最好要電話預約呀！！芋頭蛋糕磚蛋糕好鬆軟，蛋味香濃，芋泥更加唔洗講，細滑得黎又有濃郁既芋頭香味，超級正！家中兩老表示呢個味道好岩佢地胃口！伯爵茶蛋卷好鐘意伯爵茶既我表示，第一次食到伯爵茶味咁濃，而且唔會過甜既蛋卷！佢入面無包芋泥，蛋糕同忌廉本身都加入左伯爵茶去整，好好食。原味芋頭酥佢既外型做得十分完美，酥皮整得幾靚，唔油膩，好乾爽同脆身，加上色彩繽紛，睇到都開心。內餡無加任何香料，味道天然濃郁。麻糬芋頭酥基本上同原味芋頭酥差唔多，不過佢入面多左粒麻薯。強烈建議有焗爐既話要焗一焗，無焗爐都用微波爐輕輕熱一熱佢，智好食好多架！麻薯又煙韌又唔會過甜，係正既！聽店主講，除左可以打電話上去預定之外，仲可以留意平時既ig post，會有地鐵站交收團，相對方便好多！另外，除左普通散買之外，可以訂購做婚宴回禮或者小禮物，送比朋友～而且佢地仲不時會有烘培班，有興趣既朋友可以試試呢！