綠林甜品

Open Now

Now Closed

家中發生了一些勞氣事情，令我們煩了整整一個下午，實在令小妹跟一家之煮生氣煩惱得很!!這時令我想起「生氣時要食點甜」這句說話，立刻send給米飯班主，平時一定不會買甜點給小妹的米飯班主也不敢不從，放工時特地到綠林跑了一敞，為家中兩位女仕帶來一絲甜~ 這絲甜，就成了我們的飯後甜點啦~~為了平息我們的火，米飯班主帶回來的甜，不只是"一絲"那麼少呀!! 米飯班主先為自己選了烏豆蓮子桑寄生茶，偷試了一口，烏豆粉稔蓮子軟糯，味道不錯呀!!另外的甜點，就我們仨分食啦~杏仁露厚身滑溜而帶有杏仁香，有時很怕食杏仁露，因為有些店舖會加入杏仁香精，令味道變得人工化，但綠林的杏仁露就沒有這問題，是純杏仁的味道，很喜歡呀!!芝麻糊同樣是厚身綿滑，但在芝麻香中，又夾雜了一陣燶燶的味道，是炒芝麻時炒得過火了嗎?? 不喜歡這燶燶的味道，所以食了兩口就不能再食了... 浪費了呀...幸好米飯班主記得為一家之煮帶回一份芒果布甸，不然，後果就會.....!?哈哈~~一家之煮喜歡綠林的芒果布甸夠多芒果肉，味道天然不造假，質感厚實中又不黏糊，甜度適中，是她心中的頭五名至愛的芒果布甸!!另外還有小妹至愛的豆腐布甸!! 白雪雪的豆

2010/9/16是日有要事到深水埗去~~ 就係陪男友人去買手工珠仔...邊有男仔咁愛好呢d野架...唉唉... >~< 不過都好.... 知道深水埗多好野食... 上黎開飯做下功課睇下有咩好食...原先選定左食維記豬潤麵(晚餐) + 綠林做飯後甜品點知行到7點幾... 都唔肚餓... 唯有只係幫襯甜品啦..這裡人客一點也不少，受歡迎程度亦可媲美松記。上過黎睇都知道豆腐布甸係必食... 不過見到芒果布甸入面有好多舖頭都冇既真芒果肉，又心思思...最後都係試左芒果布甸男友人要熱芝麻糊加湯丸發覺呢度既中式糖水好味到好似阿媽出品咁...芝麻胡一貫水准, ,勁香芝麻味,好滑,夠杰湯丸有三粒,分開碗上,糯米皮好煙韌有芝麻心.熱辣辣且皮薄料足芒果布甸超多花奶！很滑很好味。而且充滿一粒粒芒果肉，很正！2個食完會微笑o既甜品~ ＊＊＊滿足回家去＊＊＊

本身係一個唔多食甜品糖水呢類野既人，但剛剛下午茶時間行過呢度，記得朋友話過呢度甜品都幾出名，夏日炎炎想消下暑所以入去試下，雖然記憶中呢度其中一樣比較出名既係豆腐布甸，但我諗起布甸，就記起廿幾年前係阿媽公司食過芒果布甸，所以心流來潮都係叫芒果布甸，一黎個賣相已經有令人懷念既感覺，因為同當年食既差唔多樣，不過呢度有樣更加好就係入面混埋既芒果肉都幾大粒，總括黎講12蚊都ok抵，不過唔好彩既係撞正出面整路，d風炮聲勁嘈，我聽倒有個店員話比佢地嘈到頭都暈埋，我都唔係太頂得順，所以快快食完都走人，不過我依然對個豆腐布甸有興趣，遲d有機會應該都會返黎試下既。

今日終於去左呢間到試喇~一直聽人話呢到既"豆腐布甸"好食~~今日叫左個"豆腐布甸"&"芒果pancake"．豆腐布甸-----入口不太甜,有豆腐味,又不太稀,口感幾好~值得一試,幾好食呀!!‧芒果pancake-----入面d cream不太甜,不太膩,都ok呀~不過芒果就酸了一點!!嘻~~~而家都想再食"豆腐布甸"...... >.<"

七月廿日(星期日)同老公仔之前做過資料搜集,得知此店的豆腐布甸甚為出名...愛吃豆腐的兩公婆當然不會錯過啦!第一次,是點幾到,遠遠見到未開,心想莫非像上次到星座一樣,星期日是休息!?正當我埋怨自己大意時,看看,原來營業時間為三時起!.......有得吃有得吃,於是在黃金逛逛....終於到了三點,出發了!人算多,剛好有二人位,可以撬檯腳!.....不用多說,一定要叩豆腐布甸吧...另一個是芒果布甸,雖然芒果布甸很多甜品都可以吃到,但正如蔡瀾所說:簡單的食物,就可以考出真功夫!因為布甸是預先整好,所以很快就有得吃!豆腐布甸外表雪白,一筆先來,有點豆腐花的感覺,但比豆腐花硬些少!....一啖吃下去,感覺是像豆漿的味道,甜道剛剛好!而且質素不錯!......而芒果布甸加了花奶,感覺是比出面的鬆軟,而且很多芒果肉..蠻甜的果肉更令平凡的芒果布甸增添色彩....布甸質感幼滑,絕不馬虎...是有水準之作!看過MENU上,很多不同款式的甜品,又可以自由配搭!....下次會再食豆腐布甸呢!.....小時候我不喜歡到深水埗,感覺不太好,很混亂似的...但現在卻改觀了!不但是有多間出名的食肆.......維