想甜嚐甜 (Closed)

呢間想甜嚐甜，住黃大仙同慈雲山嘅朋友應該唔會陌生，因為搭車同返屋企好多時都會經過。但舖面唔大，得十個位左右，成日都無機會試。上星期黃昏時段經過，見仲有一個位剩，諗都唔駛諗就衝入去坐低。聽講呢度嘅芋圓幾出名，就叫咗個芒芋試吓，貪佢夠香又飽肚。裡面氣氛唔錯，幾有文青FEEL，大部份幫襯嘅都係後生仔女，聽講呢度嘅員工對年青人好好，所以先咁多人去捧場吧。等咗十分鐘咗右，芒芋終於送到。呢碗甜品睇落賣相無乜特別，但食落先知幾足料，味道香濃，又唔會甜到漏，非常好。睇MENU見到仲有好多唔同選擇，下次一定要再來過，試吓其他甜品先得。

食過一次尼度既芒芋就愛上左💞短時間內已經encore左三次尼個芒果底同其他甜品鋪既楊枝甘露、芒果西米露既味道完全唔同唔係得個甜字，好滑好甜好好味而且配料好充足，有新鮮芒果肉、牛奶布丁、小丸子、水晶珠、芋圓都有好多粒口感好豐富，啖啖都有料食每次黎都一定要叫！上次食過朱古力心太軟好好味今次試榴蓮心太軟，點知就好失望🤦🏻‍♀️聞落好香，切開流心都好正點知食落...陣味好奇怪唔係榴蓮味，有d似鹹蛋黃味但係又唔完全似...加埋乳酪雪糕一齊食直頭想lur番出黎無下次同上次朱古力心太軟係差天共地舖頭裝修好有心思又有ukulele比客人自由彈奏可惜位置好細，根本坐唔耐更加唔適合成班朋友黎價錢合理，甜品裝飾得又靚下次再試其他😆

蜂蜜窩夫配乳酪雪糕 $36芒芋 $38(果茶+$2)黃大仙真係無咩甜品店好食，呢間野可以話係黃大仙入面既高質甜品店。如果你黎黃大仙一日遊一定要黎，因為佢既甜品都擺得好靚，最岩影相窩夫估佢唔到咁好食，窩夫格餅外脆內軟，係出面唔多地方做到咁好既口感~ 正!! 大家記得試下芒芋就可以唔食啦，普普通通，無咩好講呢度主打心太軟，今次無試到，但好似好正咁見到好多人叫牛角包，唔知點解咁受歡迎，大家好肚餓既話可以try try佢呢度仲有特意design for外賣既夾心窩夫格餅，有唔同既味可以揀，價錢唔算太貴，可以試試。