韓川

Open Now

Now Closed

當日係同男朋友慶祝拍拖半年既日子，之前就係社交平台見過呢間餐廳既芝士熔岩炸雞，一直都未有機會試。今次終於有機會啦。整體嚟講，都算係一間唔錯既韓式餐廳。當晚3個人去食，我同男朋友叫左一個韓川2人套餐，媽媽就叫左一個雜菜石鍋伴飯食（最開心係餐牌有一個素菜飯）我同男朋友都食到超飽，仲要打包幾件炸雞第2日帶飯。整個2人餐包括以下：1.真露焗蜆2. 韓川燒肉拼盤（豬+牛加+雞）3. 芝士年糕（3件）4.一口芝士（6件）5.牛肋骨湯配珍珠飯除左叫一個2人餐，我地另外再加錢叫左一個芝士熔岩炸雞至於媽媽食既就係雜菜石鍋伴飯

通常韓式都係炸雞，飯卷，石鍋飯。今次想食特別啲，叫左韓式海鮮餐。份量驚人，真心二人係食唔晒，起碼三人，細食嘅女仔四個都可能得🤫。🍽️韓川二人海鮮餐 $668🔸精選時令生蠔6隻🦪唔係好大隻，但鮮甜，有少少海水味，肉質偏爽，不錯。🔸鹽燒虎蝦2隻🦐肉質彈牙，蝦殼咸香，標準虎蝦size。🔸韓川菜肉五花腩🐷三大條腩肉係爐面暖住食確實需要，因為腩肉凍左會硬。由於份量驚人，二人真係食唔晒。如果有泡菜會好啲，解到膩；或者生菜多啲都有幫助。🔸韓式炸餃拼盤🥟望落一般，食落唔錯，雞皮餃特別。🔸芝士熔岩炸雞+$30🍗芝士迷又點會錯過，同樣問題，份量太多🤣。真係熔岩芝士，較流質，非拉絲。雞鎚唔辣有肉汁，單骨雞翼較辣，脆。🔸溫泉蛋帶子芝士湯烏冬🍜大大隻帶子，上有拉絲芝士，煮得剛好唔硬。芝士湯，溫泉蛋，烏冬呢個組合好夾，連湯飲埋。📝掃code落單，加一收費。💬題外話：平日晚7點左右full house，如果唔想等位，最好訂位。呢度地點方便，確係飯聚好地方。

突然好想食韓國菜呀！🇰🇷 講到韓國嘅野食，又點少得炸雞同菜包五花腩，仲有韓國蠔🦪🦪 收工之後就約左好友去到公司附近（旺角通菜街）嘅一間以韓國小食為主嘅小店😋我哋兩個人都叫咗唔少嘢食㗎，大家都食到好飽好飽😋埋單每人都係$300左右🫶🏻🫶🏻⭐️韓川菜包五花腩+ 韓式秘製魔鬼辣醬（小辣）$128不得不讚佢地嘅韓川菜包五花腩😋😋一來塊腩無雪味，二來又Juicy，食落去超爽脆，再配埋佢哋秘製嘅魔鬼辣醬❤️連買生菜包埋一齊食，唔會好油膩喎！而且只係買$128抵食又好味🤤我哋叫咗四隻燒生蠔🦪🦪，試一試佢哋嘅原味同埋辣醬嘅味道，佢哋生蠔都好大隻，$78 就可以食到咁肥美嘅蠔👍🏻真係性價比高😋😋⭐️燒韓國生蠔 $78@1原味嘅燒韓國生蠔🦪，用咗蒜蓉及蔥花去去做主要調味，食落去鮮甜又有蒜香味😋⭐️燒韓國生蠔 配 韓式秘製魔鬼辣醬（小辣） $78@1加配咗韓式秘製魔鬼辣醬後，令整個蠔食落去不單止有鮮味同蒜香味，同時都加入咗辣味嘅刺激感，值得試一試！⭐️芝士熔岩炸雞 $168嚟到韓國餐廳又點少得叫一份炸雞呀，佢哋嘅芝士熔岩炸雞中嘅雞件都係單骨雞翼🐔鍾意食雞翼嘅你千祈唔好錯過，再配埋佢哋香濃嘅芝士汁🧀🫕👍🏻超級邪惡又

韓川 韓式芝士溫泉蛋鰻魚蓋飯($98)溫泉蛋同鰻魚飯真係perfect match，蓋飯有埋韓式配料，好似蘿蔔、粟米、菜絲咁，鰻魚好軟腍，食落個飯偏濕潤，幾入味🍱芝士熔岩炸雞($168)炸雞其實係單骨雞翼，total 有15件單骨雞翼，上枱嘅時候都熱辣辣同埋脆卜卜，但要襯熱食如果唔係會變得冇咁脆口🔥芝士好多，但味道偏淡口，如果濃郁少少應該更加正🫕韓川菜包五花腩($128)魔鬼小辣嘅五花腩，係醃好咗咁原條上，食落真係幾麻辣好過癮🌶️五花腩夠肥，同生菜包埋一齊食冇咁油膩，係肥得開心嘅滋味🥓燒韓國生蠔($78 兩隻）Total食咗原味兩隻加魔鬼辣醬(小辣）兩隻，四隻蠔都好靚仔🦪好肥美而且好厚身，就算有蒜蓉，都feel到好新鮮🤗韓國米酒白香桃味($100)好好飲嘅米酒，飲落有白桃香味，甜甜地好易入喉🍑仲有個金煲仔可以倒啲酒入去，再倒入碗仔到飲，幾爽🍻

我自己本身幾鍾意韓國野食，尤其係炸雞同韓式粉絲！今次嚟到呢間仲有生蠔食，真係不得了😻✨芝士熔岩炸雞 - 好邪惡，睇住佢淋d熱溶芝士上個炸雞，d雞其實係單骨雞翼，疊高高好吸睛，仲有個加分位係就算凍左d芝士都唔會漿埋一舊👍✨精選時令生蠔 - 好耐冇食生蠔喇，12隻兩人share好滿足，食到海水味，蠔肉幾新鮮🤩✨韓川菜包五花腩 - 我地叫左小辣，又真係幾過癮，佢下面有火燒住保温，另外仲俾左生蒜片，洋蔥片，燒汁同芥末醬用來夾生菜食，有菜balance下冇咁辣😜✨真露焗蜆 - 蜆肉幾入味，仲有粉絲都好正，好香牛油蒜蓉味😻✨韓國米酒白葡萄味 - 米酒我大愛，因為甜甜地好易入口，餐廳仲好有氣氛，幫我地到入韓式酒壺同酒碗，好地道😂