杯中物

Open Now

Now Closed

自從出嚟做嘢之後，已經好少出旺角仲記得當年好鍾意同同學去旺中，哈哈今時今日嘅旺中，多咗好多賣熟食嘅舖頭，甚至開到「自成一角」 今次就幫襯呢間杯中物皆因佢雖然舖仔細細，但小食種類繁多，行旺中SHOPPING行到餓時，嚟揀返幾樣小食同朋友一齊開心share就啱晒！仲有設備通知客人幾時有得取餐，欣賞 今次點咗原味牛柳粒+芝士甜酸辣脆味雞粒我朋友就揀咗撈麵落完order無耐，好快就有得食嚟個大合照先賣相相當唔錯，睇起嚟好吸引先講牛柳粒，好有驚喜，不得不俾個LIKE雖然只有簡單基本嘅鹽、黑椒調味，反而更顯肉味﹔再加上柔軟juicy嘅口感，完全打破我對燒牛肉好多時都係乾淨淨嘅印象，實在令我食唔停口~而脆雞粒炸得好鬆脆，連埋芝士&醬汁一齊食，香口惹味，微微酸辣，開胃又可以中和一下油膩感，間中食吓，一口氣吞晒成份都唔怕有罪惡感，哈哈食咗兩啖朋友個撈麵公仔年糕幾煙韌，撈麵芝士味道濃郁，如果係芝士控，一定會好鍾意可愛得意嘅公仔，相信亦可以吸引年紀輕嘅客人 下次再經過的話，會再試試其他小食~

果日同朋友係旺角行街， 見同朋友行街行到肚仔餓， 有啲啲口痕， 但又未至於好肚餓嗰隻， 於是就去我哋幾年前仲係小學雞時候成日行嘅旺角中心， 用少少嘅價錢換取一陣幸福快樂, 講緊嘅梗係去食掃街啦。杯中物位於旺角中心1樓， 商場畫咗個area出嚟係畀人食小食嘅，果到有高枱可以擺放食物， 咁叫多啲都冇所謂啦。 而且杯中物小食類型款式多， 完全體貼學生的荷包。 今次同朋友就叫咗少少嘢食。芝士肉醬薯條首先叫嘅當然係即叫即炸嘅薯條啦， 呢度嘅薯條係屬於粗身嘅， 唔似得連鎖快餐店嗰啲幼身得嚟又軟奶奶。 最正嘅係芝士醬唔單止有車打芝士醬而且更有芝士粉， 簡直係double享受。 配上甜甜酸酸嘅肉醬，唔會死鹹，而且又多多一層味道tim!芝士甜酸辣脆味雞粒雞粒size一口一粒， 醬汁甜甜酸酸， 配上少許芝麻在面頭，同朋友一路吹水一路有嘢落口都不知幾過癮。椒鹽牛柳粒唔想全部食炸嘢當然亦都有選擇， 就好似呢個椒鹽牛柳粒，牛柳粒香氣逼人，肉汁豐富, 係 屬於小食類別之中唔係加工食物之一， 都算得上係健康小食㗎。