炑八韓烤 (黃金廣場) (Closed)

其實我同朋友不時都食炑八，好似講黎講去食韓燒都係佢，無他，一來分店多，可以遷就大家，二來價錢合理，一般我地每次黎都係人均消費二百零蚊，性價比都算幾高，而且佢地都不時推出啲套餐，感覺更加抵食。早兩日就試左呢個新(?)嘅「蠔」華韓牛八爪魚套餐，加上我有儲積分，換埋飲品，食到飽飽呢唯一係當晚店員話未有醃生蠔食，有少少少少失望而已。銅鑼灣黃金廣場分店位置都算多，但平日晚上都有不少客人，建議預約，旁邊有個女仔一個人都食韓燒，好霸氣。我地一早睇中呢個套餐，就不必多花心，直接落單。店員好快就送上前菜、添左爐邊泡菜蛋、芝士粟米。其中一樣我地最鐘意炑八嘅地方，就係配菜任食，淨係加蛋同芝士都幾轉，生菜包又係，夠哂抵泡菜蛋好鬼香，我地睇準時間，剛好熟就食，幾滑，不過個別有幾口好鹹，哈。芝士粟米拉絲強勁，當下將「脂肪」二字拋諸腦後。前菜套餐有兩款，貴啲嘅當然就有更多款式，呢款定價$768，包括：醃生蠔、韭菜生蠔煎餅，燒烤類有牛舌、牛前胸肉、牛小排、西冷、大蝦、豬背肉、芝士生蠔、惹味牛油芝士生蠔、大八爪魚，個人認為足夠3-4人享用，雖然唔係每款肉都人頭份量，但可以剪開share，所以相當划算沙律菜新鮮，加有麻醬

韓燒店有下午茶餐、想都未想過、心想又係宣傳手法吧！好奇心又來了、一於去試過究竟。嘩。。。！只＄48一個主食　+　一杯飲品、如加多＄10可選多一個小吃。份量絕不簡單、飽足夠程度可免吃晚餐。下午茶餐均送有韓式清湯、泡菜、海帶和炑八沙律、果然韓式風格。與友人分別選了青檸梳打和柚子檸檬梳打、清甜可口。鐵板ＬＡ骨配粉絲熱騰騰、黑椒香氣隨風飄散、樸鼻而來。ＬＡ骨肉質鬆軟、調味較濃、剛好配合粉絲的淡味。芝士雞肉串燒啖啖雞肉、醮熱烘烘的芝士、勁誘惑。芝士粟米又一誘惑之選、芝味濃郁、粒粒栗米醮滿芝士、邪惡！！韓式煎餅口感有點似食日式紅豆餅。內餡有花生、松子、杏仁、有嚼口之餘又香口。整體食物水準中上、價錢又吸引、值得推介友人。 

大家聽到韓食會想到什麼, 應該是離不開韓燒及大大份又好FULL的燒肉, 只適合作午餐及晚餐相聚, 但原來都可以係HIGH一HIGH TEA的下午茶!! 近期炑八就推出了韓式下午茶餐去吸引客人, 那又是啊~~現在那麼多韓餐館, 競爭好大, 如果只係做午同晚巿其實都要諗下一些新招去吸引客人~~今日同朋友在附近唱完K, 傍晚又去睇戲, 那就來吃個FULL FULL下午茶, 咁就晚飯都慳返~~~這間算是炑八的第2間開的分店, 地點在HYSAN隔離的黃金商場很易找, 入到去因為下午茶時間所以又唔算好多人, 或者唔太多人知道有下午茶時段吧, 而這間多數都係以卡位為主, 所以就算兩個人都會坐得好舒服, 環境十分好!!! 看看餐牌下午茶餐真的不貴~~~每款只係$48, 仲有湯同前菜, 包杯飲品, 加多$10仲多款小吃, 加$6飲品仲有得無限REFILL, 真心抵!! 稍看價錢就不錯, 那就要試試食物質素會否下降了…….前菜 (韓式清湯、泡菜、海帶及炑八沙律)~~~落完ORDER先來前菜, 泡菜海帶就不在話下, 仲有沙律比大家清下口腔, 拼上好味芝麻汁, 朋友十分喜歡; 而我就鍾意個海帶湯, 有少少肉碎