遇見您

Open Now

Now Closed

呢間餐廳都係住喺附近嘅朋友介紹我哋去試，話個豬扒飯好出色，咁兩個身為焗飯怪獸嘅我哋，梗係要去試試佢喇😏自家秘製火山排骨（細） $88呢度嘅火山排骨有啲特別，佢係模仿泰式嘅火山排骨，但就用上中式嘅秘製醬汁同煮法，其實🐨都幾鍾意食火山排骨，但就唔鍾意泰式汁，呢款就啱哂佢，排骨Sɪᴢᴇ都好夠份量，肉質都軟熟，點埋個秘制醬汁，咸咸地係幾惹味嘅芝士鮮茄焗厚切豬扒飯 $108叫得上呢度嘅人氣招牌No.1，都真心好期待，份量係大方嘅，酸甜度都掌握得唔錯，飯底的確係個靈魂所在，係一個好香蛋香又夠鑊氣嘅炒底嚟，豬扒都真心軟熟，亦都相當厚切，所以口感有一定嘅保證，做王牌的確係交到功課👍🏻總結係味道的確係中上質素，價錢都對得住個質素，可惜地段比較隔涉少少，主打街坊生意，但有心想食一個高汁嘅焗豬飯，呢間值得一戰‼️

📍不像紅磡般 餐廳位置帶點寧靜休閒氣息 偶然行經既話 幾推薦試下呢間小店! 主打港式西餐廳 座位寬敞 環境光猛 坐得算幾舒服～🌀芝士鮮茄焗厚切豬扒飯店家招牌菜式 雖然好普通 但係要做得好食都唔容易🙋🏻‍♀️ 整齊排列的厚切豬扒口感軟腍鬆軟 厚度十足 炒飯底粒粒分明夠乾身 微酸鮮茄醬夠多好開胃 再於表面蓋上大量芝士 做埋少少拉絲效果 🫶🏻🌀 自家製秘製火山骨份量真係好大份! 秘製醬汁同平時食既泰式有唔同 醬汁微鹹帶酸 加入芫茜蔥等調味 火山骨用低溫熬煮 肉質軟淋幾香🌀 鮮蝦黑松露蘆筍炒飯黑松露香氣覆蓋整個炒飯之中 切碎的蘆筍粒增加咗後感 不得不贊餐廳用料真係非常足 蝦仁有超過10隻😹價錢算幾抵食 茶餐廳價錢但環境坐得舒服 設有戶外寵物友善空間 ;)

上星期在街上遇到個foodie朋友～見大家得閒🤪我哋去咗土瓜灣一間西式小餐館🤗食物賣相好似唔錯咁😜決定去試吓🫢🫠自家秘製火山骨（細份）必試之前在泰國🇹🇭時候已食過🙈在香港都食到🤗啲骨超大嚿同埋砌到好似一座山咁🙈～肉質嫩滑🫠再配中式醬油進食好惹味😝芝士鮮茄焗厚切豬扒飯呈現出外脆內嫩、芝士🧀焗得濃郁香滑，而且具有清新酸甜味道👅牛肋條黑松露蘆筍炒飯牛肋條嫩滑多汁，黑松露的香氣濃烈，再加上蘆筍的爽脆～令人有一種獨特的風味🤗飲品配兩杯檸檬茶整體來講～價$中等🙈算好抵食～環境坐得舒適同好寧靜🤞🏻

最近好中意食火山排骨，聽朋友講原來土瓜灣呢頭都有一間可以食到火山排骨嘅西餐廳，價錢親民，而且環境有格調，一於今次就嚟到呢間有誠意嘅小店食返個晚餐啦～✨野菌忌廉酥皮濃湯配松露油野菌忌廉湯好濃郁，每一啖都飲到粒粒野菌！表層嘅酥皮為成個湯增添咗酥脆嘅口感，將啲酥皮點埋去個湯到一齊食更加滋味～✨自家秘製火山骨(小)火山排骨份量多，肉同骨都好容易分離，肉質好軟腍，而且味道同平時食開嘅泰式有啲不同，自家秘製嘅醬汁好惹味～✨芝士鮮茄焗厚切豬扒飯豬扒每一塊都好厚，肉香四溢得來口感又唔會柴！配埋酸酸甜甜嘅鮮茄汁，表面仲有啲邪惡嘅芝士，再加埋炒飯，真係令人好開胃～✨凍奶茶✨熱檸水

大廈維修，餐廳招牌遮住左，好在餐廳夠光猛。綠色座椅配木系裝潢，好舒服嘅小新清風。餐牌食物偏西餐，夾雜少許中式，仲有自家秘制火山骨，特別，選揀好多。🍖自家秘制火山骨(細份) $88見枱枱都叫火山骨，應該唔錯。有大有細，細份有3大舊排骨，炆得好淋，加上醬汁微酸甜，好惹味。🍛芝士鮮茄焗厚切豬扒飯 $108呢個係銷量No.1，咁要試下。焗盤面佈滿厚豬扒，都幾多舊，食落唔柴，有啲肉汁，肉質不錯。蕃茄汁唔酸，天然蕃茄甜。芝士控表示更多拉絲芝士更好😆。🥗香芒牛油果辣蝦沙律 $138黑醋汁沙律菜遇上突如其來嘅辣，好醒神。香芒甜，牛油果滑，辣蝦爽，呢個組合非常啱夏天食。

遇見您💕，距離土瓜灣站大約5分鐘路程，裝修帶點復古風，設有露天座位，可以帶同毛孩一齊去。到達時差不多兩點，仍然全場爆滿，顧客們多是街坊熟客，跟店員非常熟絡，好似街坊食堂一樣。餐牌選擇很多，店員推介了自家秘製火山骨$88，豬骨好大舊，幾舊疊成了一個小火山🌋，肉質出奇地腍，軟嫩多汁，原來是每天用高湯慢煮6小時製作而成的， 極具誠意，再配埋餐廳秘製的醬汁，更是錦上添花，必點👍芝士鮮茄焗厚切豬扒飯$98，用咗新鮮蕃茄，酸酸甜甜，配搭埋菠蘿同+半溶嘅芝士，滋味倍增，豬扒肉質仲好鬆軟。煙三文魚黑松露蘆筍炒飯$78，炒飯粒粒分明，滿滿黑松露嘅香氣，蛋、煙三文魚、蘆筍全部都切成細細粒，炒得好香。蜂蜜雪梨蘋果茶，甜度適中，散發著雪梨蘋果嘅香甜味。整體餐廳質素唔錯，是一間充滿人情味的小店，價錢親民。