利寶閣 (Closed)

飲茶其實不外乎都係食蝦餃、燒賣、叉燒包、鳳爪、雞扎……利寶閣改咗佢嘅作風， 點心紙多咗好多新款嘅點心。 所以我點左啲平時比較少食到嘅點心。 百花球好油膩， 但係入面嘅蝦膠都幾彈牙，蝦膠包藏咗小小嘅芝士，我覺得芝士分量可以多返少少。 呢個一上枱嘅時候，我仲以為侍應俾錯左， 原來佢係芒果沙律卷，個賣相真係好差，食落去都唔覺得係芒果沙律卷， 究竟我食咗啲乜? 本以為呢個會好似黃金糕咁，佢上枱嘅時候我心諗死火啦!都唔方好食㗎喇! 點知出奇不意地 覺得佢幾好食喎! 呢個米糕有少少甜，又有少少咬口，而佢又有少少好似煎燶咗咁嘅味道， 好啱我。 呢兩款係孖寶， 其實我係想食上湯龍蝦伊麵 配唐生菜，但係同事想食呢款。 其實賣相就唔差嘅，但雞有雪藏味，雞胸嘅位好鞋，扣左好多分， 醬汁又冇乜味。而櫻花蝦炒飯，一啲油分都冇， 並唔係指佢 炒得好，係乾到好難先可以吞得落。食物質素就真係好普通呀! 服務更加係劣質， 明明睇到個茶壺冇水都扮睇唔到， 伙記都幾多下，但真係做只有2，3個囉!

午膳時間與同事到上環「利寶閣」吃飯。酒家裝潢簡潔平實，廳房位置環境寧靜。 一行五人點選了多款點心品嚐，「晶瑩鮮蝦餃」、「百花燒賣皇」及「山竹牛肉球」是蒸點的代表，當中以蝦餃的賣相及味道最佳，味鮮爽口。牛肉球口感彈滑都算不錯。 炸點方面，「芝心龍鬚百花球」的賣相與點心紙上的圖片有少許落差，「龍鬚」蔬落影響了香脆享受。幸而中心部份的芝士足量可口，追回部份分數。「錦鹵炸雲吞」一客六件，即點即炸口感卜卜脆。甜酸汁味道濃稠合預期。 點選「北海道十勝紅豆豬仔包」的主原是被其可愛的外表吸引。除外在美外，小豬亦富內餡，紅豆蓉甜美好吃。一連兩道叉燒美饌，「蜜汁叉燒腸粉」叉燒餡料份量不足，亦較零碎，評價一般。「穀飼豚肉叉燒飯」屬店員推介，厚切叉燒紋理清晰，口感鬆軟，肉香不俗，出品遠較叉燒腸佳。多加一只太陽蛋，以蛋汁及甜醬油拌勻飯吃，風味十足。 「黑豚肉勝瓜炒河」醬汁略多，河粉亦較腍軟。黑豚肉片味道不俗，整體評價中規中矩。 席間唯一的甜點「奶黃煎堆仔」，外層煙韌，內裡流心，香口達標。小編曾到訪過多間「利寶閣」，評價普遍正面，上環店也不例外，屬穩打穩札之選。