喜茶 (Closed)

深圳都未去呢間打卡必去茶飲店已經喺香港插旗，聽到佢開幕有300個人排隊真係嚇死我，但隔咗個幾個禮拜，星期六去都見條龍短短地，覺得排得過，原來呢D係假象！喺出面排咗30分鐘，入到去先發現原來仲有一條龍！不過起碼都點到單～～最後我叫咗清茶，適中水果茶太甜了～～輕芝士四季春 $32本身唔太喜歡芝士嘅我選擇咗輕芝士奶蓋，其實個芝士味對我黎講已經好足夠，佢最抵讚係奶蓋唔會太稀，搖兩下就無曬變奶茶。茶底先係最出色嘅地方，四季春嘅甘真係零舍不同，好清新解渴，好似冷泡茶咁，所以你問我，我覺得奶蓋少D茶多D都絕對無問題！如果係第一次飲嘅話，可以試呢個先～～～芝芝莓果 $49聽說呢個係招牌，10個9個都會點呢杯飲品，不過我朋友最癲唔係點佢，而係on top加多一shot芝士奶蓋！！！本身佢已經有一層好厚嘅奶蓋，但我朋友實在太喜歡個芝士奶蓋，所以純粹買一shot齋食！不過佢個奶蓋的確係非常出色，夠企身，帶到實在口感畀人；有鹹香但唔會好過份，加埋落酸酸地嘅雜莓係夾嘅，仲可以降低雜莓嘅酸度，呢個冰沙飲落好清新，所以越飲越開胃，但我都係喜歡茶多D～～

每次北上必喝的喜茶終於來到香港了，開張首數天的排隊情況實在太嚇人，現在差不多開了一個月，排隊等候的時間已經大大減少，所以在晚餐前決定買兩杯來試一下！芝芝莓果🍓🍇水果茶系列是每次必點的飲品，加上濃郁而且帶鹹味的厚芝士，實在會令人上癮！這款茶之前已經在大陸喝過超過10次，所以很肯定這個味道是和之前的是一模一樣！金鳯茶王＋輕芝士☕️🧀茶類系列也是十分出眾，相比起同類型的台式飲品，茶味香醇，沒有很假的感覺。想不到茶味和芝士的味道是這麼合拍，茶味能減輕芝士Rich感覺，即使多喝也不會感到負擔重呢！

首先， 我哋喺九點50分就已經到城市廣場排隊等喜茶， 等到大概兩點左右終於到店門口，我哋好好彩係第一日嘅頭300內。 點餐嘅時候只有一個收銀機， 暫未見有八達通幾時可以使用電子支付，e.g. WeChat pay or alipay hk。 之後等咗一個鐘左右其他飲品先上齊曬， 我哋分別嗌咗冰火雞蛋仔、雪糕芒芒、芝芝芒芒、多肉莓莓、芝芝莓果。 其他都好正常keep到個水準， 但唔知點解多肉莓莓係有芝士汁。 目前喜茶飲品價格向starbucks睇齊，較國内略為昂貴。 幸好喺頭300內，有福袋送都算略為有D安慰。 抵唔抵食就見仁見智la。