Two Ediots

Open Now

Now Closed

今次嚟到呢間超隱蔽嘅漢堡店雖然位於灣仔內街行過都會俾美式風格嘅裝修吸引住橙色牆身加上街頭風嘅壁畫店內播住輕快音樂感覺勁chill!呢度主打漢堡都十多款由傳統嘅牛肉、炸魚、雞肉漢堡到特別啲嘅軟殼蟹、鵝肝漢堡都有！仲有漢堡紙同即棄手套方便易食又衛生 非常貼心😍雙層牛肉芝士漢堡食肉獸一嚟當然要嚟個雙層牛肉！超厚又超大份量 雙重滿足🤤漢堡麵包質感好鬆軟又唔乾！手打牛肉煎到勁香口好濃嘅牛味 仲有肉汁😍😍漢堡熱辣辣芝士已經係半溶狀態🤤邪惡到極點好在有生菜 蕃茄 紫洋蔥平衡返冇咁膩！不過真係超足料食哂成個真係飽到上心口！Truffle Fries (Combo +$25)漢堡同薯條係好朋友!係我最鍾意嘅粗薯🤤炸得好脆口 仲落埋Truffle沙律醬幾香松露味🤪芥末魚柳漢堡魚柳漢堡都算唔錯！炸魚柳非常大舊而且炸得好脆口不過炸粉就偏厚啲要咬幾啖先食到魚柳🥲炸魚本人嘅調味都比較淡不過好欣賞佢嘅芥末醬同炸魚好夾！好好味又唔會有攻鼻感覺！Garlic Wings (Combo+HKD$25)另外一個Combo就跟咗炸雞翼仲有第二款Buffalo Hot Wing不過食唔到太辣就冇試🤪雞翼偏細隻不過都炸得夠脆！

一早叫左外賣自取，等成十五分鐘先拎得，睇落店內人手都唔夠，想搵個人問都唔得閒。扣除外賣影響漢堡同薯條嘅口感唔計。先講下塊魚柳，食落係脆嘅，但feel到係平時冧嘅魚柳外面再加一層偏脆厚嘅炸皮。食食下會食到皮同魚肉之間un un地好怪，好似炸魚柳淋左嘅外皮。生菜食落係新鮮。仲有啲芥末醬唔知點解好似好稀咁，一路食一路滴，水汪汪，食到有啲狼狽。炸薯條隔左陣食都係正常。食完之後一段時間肚有啲唔舒服。真係冇下次

灣仔最近開左好多新鋪. 好多都係小店經營. 今次黎左呢間食漢堡包的小店. 睇住個餐牌, 樣樣都想試, 見同事個個都試呢個, 就一齊叫.Atomic Bomb啡茹芝士牛肉漢堡 $78個造型一到. 嚇一嚇, 個菇同個包咁大. 由於太厚關係,我將個包壓細左先食. 首先個菇好juicy. 咬落完全唔似咬緊一隻菇. 再加埋啖啖牛肉.   整個包超香, 超軟熟. 重要唔乾身.叫餐的話, 可以加$10 連飲品及薯條.你若嫌薯條太普通可以再加$10 變成甜薯條或者加芝士醬.甜薯好好味, 新鮮整出黎. 好熱辣... 小心辣到咀.但係食完呢個餐超飽... Finding Nemo芥末魚柳漢堡 $63另一個同事叫左呢個魚柳堡漢. 佢唔想要芥末醬, 原來係可以改, 因為呢度係可以自己調配漢堡. 只要落單時講低就可以.除此之外, 呢度重有專為素食人士而設的漢堡. 所以唔駛怕有素食的朋友一齊食時佢無野岩. 飲品除左汽水外, 我地見本凍檸茶都好大杯. 重要凍飲唔駛加錢, 下次有機會再黎, 再試其他口味的漢堡.