古早味台灣原味 (Closed)

銅鑼灣嘅京都廣場有好多嘢食，呢間古早味就係其中一間。上到去見到裝修係以黑色為主，燈光比較黑暗，感覺私隱度都幾好。➡️ 蚵仔煎 ($52)見咁多人介紹當然要試吓啦，攞到埋嚟已經聞到好香嘅蛋香味，睇落仲有好多蠔仔。食落口蛋味好香，個外皮煎得好香脆，撈埋面頭啲辣醬一齊食，辣辣地咁樣真係好惹味！➡️ 古早味牛肉麵 ($65)牛肉麵嘅牛肉雖然睇落厚身，但其實整得好淋好入味。麵條嘅煙韌度做到好好，只不過份量就少咗啲。➡️ 花枝蝦排 ($38)新鮮熱辣炸出嚟，食入口超熱，炸粉唔算太厚，咬落好脆，蝦肉亦都整到好彈牙，好好食！推介！➡️ 黑糖珍珠奶茶 ($22) + 牛奶咖啡 ($20)飲品方面就正正常常，幾好味。古早味台灣原味地址📍: 銅鑼灣駱克道491-499號京都廣場5樓.............................. 味道😋: ⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️💫抵食💰: ⭐️⭐️⭐️⭐️

朋友最近先去完台灣，但話咁快就好掛住台灣美食，於是去左古早味台灣原味止一止癮。餐牌圖文並荗，湯、麵、飯、小食、飲品、甜品一應俱全。花枝蝦排炸得金黃酥脆，放左一陣先食都仲熱辣辣，炸粉唔厚，花枝夠彈牙，蝦肉夠甜，非常夾。之前食過ge麻油雞都係用普通雞，但古早味ge麻油雞就用左竹絲雞，平時煲完湯ge竹絲雞會鞋鞋地，但呢碗麻油竹絲雞一d都唔鞋，仲有d似蒸雞咁滑。湯底鹹鹹地帶麻油香，最怕麵線煮到竭撻撻，好彩呢碗麵線無煮過龍。牛肉係又厚又大塊ge牛展，咬落唔會太淋，亦唔會韌。湯底係傳統紅燒湯，我估用左豆瓣醬、花椒、八角等淆製，味濃。麵係粗麵，有d似刀削麵，好彈牙，亦都幾掛湯，但因為湯底都幾鹹，如果麵條無咁粗闊，掛少d湯，咁就更好。檸檬冬瓜愛玉飲幾清潤，呢杯野唔係落普通糖漿，甜味係來自冬瓜蜜，幾特別，連埋d愛玉一齊飲咬下咬下幾過癮，好快就飲晒成杯！朋友飲紫薯黑糖鮮奶，淨睇個名我就覺得甜死人，但我為食所以試一啖，甜度竟然剛剛好，又幾順滑，忍唔住想飲第二啖但朋友即刻阻止左。兩款飲品同街邊外賣舖價錢差不多，可能仲平d，算抵飲！

行街時都諗緊今晚食乜嘅時候，街邊有位姨姨派傳單，咁我地都想食下台灣菜，咁於是就搭LIFT上黎試下。上到去都見原來都好多人等緊位咁啱職員話有BAR枱2人位問我地介唔介意，咁我地唔想等太耐，於是就決定坐BAR枱位。BAR枱環境，可以望住水吧職員沖飲品同整甜品，都幾得意而喺枱底下面佢有個鈎可以將個袋勾住，咁就可以坐得舒服少少喺枱面張墊枱紙，見到有解釋咩叫古早味，真係長知識因為行街時已經食左D小食，見唔係太肚餓，所以淨係叫左 花枝蝦排($38)，古早味牛肉麵($65)，農家蓋飯($68)大合照花枝蝦排，上菜時有2大件，佢本身已經切好件，方便食。外面炸得香脆但唔油膩，而佢係用花枝滑混埋D蝦肉喺入面，食落爽口彈牙古早味牛肉麵，一黎到先試下佢個湯，佢個湯的確整到好似我以前台灣食到嗰隻味味道夠香濃得黎略帶少少辣味，飲落唔係味精湯。牛肉都算大塊兼且夠厚身，味道食落都好香牛肉味，不過略嫌稍微硬左少少煮得唔夠淋。麵就用返扁身粗麵，呢隻掛湯食一流農家蓋飯，佢呢碗飯樣樣都有D，包括滷蛋、蝦、肉件、台灣香腸、魚塊、滷肉同菜，絕對啱晒心大心細唔知食乜好嘅朋友食落發現其實都幾大碗下，佢D滷肉撈埋D飯一齊食味道啱啱好，

一直都想試銅鑼灣呢間古早味台灣原味，全因搵食飯團介紹過，就一直對佢念念不忘了。同朋友就約實一齊食，正呀！咁星期五晚去到，難免都係多人…果真…今晚仲要落大大大雨添啊，未去到前對鞋內外都濕透了 上到去又多人，拎住遮添難免更狼狽了。而等位都真係坐無虛席地等了超過半小時，不過吾緊要。坐低即揀野食，好肚餓了！揀左花枝蝦排、嘉義雞肉飯、飲品要茉香綠茶同珍珠奶茶、甜品必選綜合芋圓啦！好啦，先黎花枝蝦排，熱騰騰的，份量都ok，係呢個又濕又凍的環境下好吸引，一食，都幾香脆，墨魚味都幾足，最重要是要有咬口，才是新鮮墨魚造，否則機打成漿的話，又冇一粒粒墨魚的便不地道了。配埋甜辣醬，更加惹味了。之後嘉義雞肉飯都黎左，自己就未係台灣食過真正的嘉義雞肉飯，味道都係自己幻想。咁呢到雞肉調味略為淡味，有少少醬汁作調味。本人就以為係會濃味少少同會有點豉油或甜味，但原來吾係。咁飯的份量好多，雞肉的調味同比例都再多少少會更完美。而飲品方面，一直都係我對台灣野既重中之重，點解？吾洗再問啦！因為我係珍珠奶茶狂迷囉！！！！朋友要左茉香綠茶，我自己同朋友都對茉莉其實情有獨鍾，因為茉莉個種香味真係好討好，令人心擴神怡，茉香+綠茶真係

今天和朋友來銅鑼灣行街，順道來吃這間台灣菜。星期一至五來的話，惠顧正餐能以付半價就能點一份小食呢！非常抵食!古早味番茄牛肉麵:提提大家，雖然它有放番茄，不過它的湯底還是古早牛肉味呢，只是裡面有放番茄而已。湯底濃，牛肉味重，而且牛肉份量很多!有4塊，每塊都很大，絕對夠飽。牛肉唔會韌，挺好吃。麵和蘿蔔都好淋好入味，不錯。嘉義雞肉飯:一般台灣菜都比較濃味，如果你想吃點清淡少少的台灣菜，那這個飯就啱你了。雞肉帶少少咸味，簡單得來又好食。雞肉肉質鮮嫩，不會韌。點這個餐還配湯飲，那就不怕Dry呢。凍珍珠奶茶:很多台式餐廳跟餐雖然也有送飲品，但就很細杯。不過這裡的凍珍珠奶茶倒是份量多，抵飲!熱飲桂圓紅棗茶也不錯呢！甜甜地，挺滋補。花枝蝦排:不得不說，真的超好吃!是我吃過的炸蝦餅中最好吃的!蝦肉好彈牙!食落唔會覺得好粉，係真係食到有蝦肉。真的非常好吃!埋單2個人$158，在銅鑼灣來說價錢經濟，值得一去。

近來想念台灣的美食，一想起就垂涎欲滴，於是相約友人一同吃台灣菜，來解解癮！珍珠奶茶 ($16)說到台灣特色飲食，必定少不了珍珠奶茶，這裡調製的味道剛好，不會過甜，奶茶味幾香滑，珍珠也挺煙韌，不錯！鹽酥雞 ($38)先來小食，熱辣辣登場，酥炸得剛好，外層有酥脆感，雞肉美味，加上調味料的香味，很好吃，這款小吃很值得encore！花枝蝦排 ($38)這款炸物同樣出色，外表金黃色的，咬落微脆，而內層夠曬Q彈，口感又不油膩，沾上醬汁更提升了味道。醉雞卷 ($88)看到餐牌的圖片已經很期待，足足有十大塊，在上桌一刻已傳來陣陣酒香，吃落香口嫩滑，最重要無骨，吃起來相當方便又好吃。古早味牛肉麵 ($60)想填飽肚子必須來點澱粉，牛肉麵麵條粗身，非常煙韌，夠曬咬口，而牛肉厚厚的，毫不吝嗇，啖啖肉滲有帶甜的湯底，非常美味。台式滷肉飯 ($50)肥美豬肉充足，加上香濃醬汁，和米飯實在太夾，也不自覺的吃光光XD。手工三色芋圓 ($38)最後當然以甜品作結，選擇了紅豆配搭的熱食芋圓，粒粒芋圓都很重芋頭、地瓜的味道，亦有咬口，很滿意！**********部份餐牌供參考:

好久沒有吃過台灣菜 看到古早味評價甚高 菜式有很多選擇 價錢也很貼地 所以便去試試豬軟骨滷肉飯 ($75) ﹣ 分量很大 豬軟骨炆得很淋很入味 滷肉不會太油膩 滷水味也不錯台式滷水拼盤 (雞翼 雞蛋 腩肉) ($68) ﹣ 腩肉的肥瘦貌似比例相宜 但肉質很韌很乾 吃不到滷水味 雞翼也是不入味 只是非常普通的雞翼 雞蛋素質一般 所以滷出來也不怎麼樣宜蘭蔥餡餅 ($28) ﹣ 應該是即叫即煎 上菜是熱騰騰 餡餅里是滿滿的汁料和蔥 口感上像在吃日式煎餃 味道不錯花枝蝦排 ($38) ﹣ 外皮炸得很酥脆 內餡肉質彈牙 有粒粒爽脆蝦肉 配上甜酸醬汁 挺惹味的蚵仔煎 ($52) ﹣ 蚵仔分量不少 粒粒飽滿 是挺鮮甜的那種 漿粉不會太多 醬汁是帶點辣 感覺跟蚵仔煎不太配 這個是扣分位鹽酥雞 ($38) ﹣皮脆肉嫩多汁 調味粉味道可以 不太鹹 沒什麼太特出的地方總結: 我覺得整體食物素質和味道是一般 沒有好評說的那麼出色 話雖如此 來試一次也無妨 因為價錢是挺大眾化

突然想念在台灣吃的食物，剛好這晚約了一位朋友，於是來到位於銅鑼灣的古早味吃台灣菜。一進門口，其實像日式裝橫，燈光和店裡設計有古色古香味道。枱與枱之間也寬闊，也有一個Bar枱可坐。這次晚餐共點了6道菜式，一份甜品、一碗麵、一碗飯、3道小食，再額外兩杯飲料。不得一讚這裡的小食，都很好味呢！先說 花枝蝦餅，一定要吃！份量不太多，但炸得剛剛好，切成一片片，方便入口，而且我以為只是蝦餅，但也有魷魚在蝦餅裡面，有驚喜！我和朋友也很喜歡吃。而第2道小食是鹽酥雞，一咬下去非常香口、脆口，也不會太粉。第3道小吃是鹽酥豆腐，炸得剛剛好，豆腐入口即融！好滿足的口感。由於怕太膩，所以點了一杯荔枝烏龍茶和百香果茶驚喜，也非常配今天點了菜式。由於魯肉飯吃太多，所以改新意，點了台南擔仔麵和干貝櫻花蝦荷葉飯。台南擔子麵是表面舖滿魯肉，有蝦有丸有鹵水蛋作配料，所以算是很豐富，麵的湯底濃郁，建議像魯肉飯一般，先把魯肉攪勻在擔子麵中，那原本湯底和魯肉味融為一體，味道更出。干貝櫻花蝦荷葉飯是看著名字有趣才點，一上台，荷葉飯上舖滿蝦米（應該是櫻花蝦），飯是糯米飯，味道香香的，吃上去很滿意。中間也有干貝！最後，我們再點了甜品作結

晚上去銅鑼灣 shopping, 路經 Sogo 後街京都廣場，朋友推介古早味，所以我就去擦番餐。食店食物多蘿蘿，琳瑯滿目的台灣食物任你選擇。我點了紅燒三寶麵、花枝蝦排和仙草奶茶。紅燒三寶麵的三寶是牛腱、牛肚和牛筋。牛腱鹵得很入味，腍而彈牙 。 牛筋鬆軟入味，滿有骨膠原，適合女生們好好品嚐，美膚良品。湯底美味香口，湯料足，夠濃味，配上台灣麵，非一般坊間自稱台灣食店可比。花枝蝦排十分彈牙，內有蝦肉帶出蝦味，配上花枝，特顯香口惹味，令人食過返尋味。仙草奶茶，滿有台灣風味，仙草有咬口，奶茶濃滑度拿捏得很準確，一飲就知係台灣奶茶。我特別欣賞食店即叫即整，而且係人手搖茶，水準非常之高。此外，食店員工十分有禮貌，令我印象非常心刻。因為不是一兩位店員有禮，而是全店員工都很有禮貌，對每一位顧客都服務殷勤主動，真是值得一讚 x 10。

見到「古早味」呢三個字，令人好想即刻食個肉羹，飲杯波霸奶茶。但銀根短缺唔想花錢去環島遊，近近哋，原來銅鑼灣都有正宗台灣嘢食。多得京都廣場樓下位姐姐推介，今日就摸到嚟「古早味台灣原味」喇！打開個MENU，好似真係環島遊咁。因為感覺上台灣任何地區嘅美食都可以搵得到。鹽酥呢兩個字，充滿魔力。所以第一時間要個鹽酥雞先！上枱熱辣辣嘅鹽酥雞，咬落勁香脆。香口嘢得一味點夠，嚟多個花枝蝦排先。好彈牙係第一個感覺，咬落仲有一粒粒花枝粒，煙煙韌韌咁，幾過癮。麻辣唔一定要食川菜。台式麻辣亦另有一番風味。好似呢個麻辣拼盤，食落諗起台式滷味，香料味濃，加上辣辣哋，講真佐酒一流！但係今晚唔想飲酒，反而想飲珍珠奶茶！叫番個黑糖奶茶加珍珠先！唔知係咪加咗黑糖嘅關係，味道真係特別香濃。跟住呢個醉雞卷就厲害喇！可以話眼見枱枱都有叫一碟！咁梗係唔執輸要叫埋一份。果然係好味，淡淡嘅酒香，加上啖啖肉嘅雞，色香味俱全。主食就叫咗干貝櫻花蝦荷葉飯。一上枱，見到佢鋪滿櫻花蝦，當堂食指大動。真係有大大粒元貝喺面頭呢。啲飯食落有啲似糯米飯，QQ的，仲有台灣腸粒喺裡面，加埋荷葉嘅香味，平時唔添飯，但今日都要食多碗先得！食咗咁多肉，點都要食

放工諗住同個b去配眼鏡。點知一出銅鑼灣地鐵站就落大雨，在沒有雨傘的情況下，我地選擇食個豐富晚餐然後返屋企。唔洗點dup雨就飆咗去地鐵站口對面嘅京都廣場，成棟大廈都係食嘢，睇咗陣相同openrice，終於揀咗食小吃嘅台灣嘢，可以叫多幾樣，豐富d我地叫咗好多嘢食九層塔手抓餅 $20超九層塔手抓餅抵！又香又酥！好食到要爭！鹽酥豆腐 $28見有手指公，因為想食其他雞菜式，於是叫黎試下，好好味！外脆內滑！無甩粉！花雕雞 $88啫啫煲上，勁惹味！陣陣酒香，雞煮得啱啱好！份量都多！花枝蝦排 $38好抵！因為真才實料，好彈牙！外面脆卜卜，新鮮炸係最好味！碟底無油 so nice涼拌木耳 $28醋酸味適中，清清地，配煎炸濃味食物一流。水煮桂花魚 $198桂花魚魚片大大片！無骨、又滑、唔腥！屬高質水煮魚！裏面有好入味嘅豬紅！正！仲有腐皮同芽菜（無豆架！Good）食食吓都幾辣！但真心好惹味！食曬飲品叫咗被胚芽奶茶$16 唔太甜、有茶味甜品叫咗手工三色芋圓$38刨冰+綠豆，簡直係透心涼！食完水煮魚，覺得零舍好味！芋圓有蕃薯味、芋頭味和紫薯味，有好多粒，亦好煙韌，呢個甜品都幾抵食！今餐真係好豐富

C兄週末將從此被困，記得小師弟四月壽辰，所以就襯週二晚未太忙時，請去「古早味台灣原味」一試佢近期戀上o既台灣牛肉麵作長壽麵，賀一賀XO仔。餐店紅色o既招牌好搶眼。配合埋地上o既石徑、木造枱櫈及屏風，裝潢中國風味濃厚。每個座位面前都有齊備o既餐具。彩圖餐墊清楚道出店子o既理念及來由，原來「古早味」乃傳統風味也！嘻嘻，慶生指定動作第一招當然係要啤一啤佢啦～～朝日生啤萬歲！醉雞卷（$88）：C兄真係好有小肥心架，話生日一定要食雞，所以專登留定咗份必先預訂o既特色醉雞卷。醉雞卷除咗花雕味香醇，仲滲透著杞子粒o既清甜。薄薄o既雞皮外層好軟滑，皮下o既去骨雞肉柔軟潤澤中帶點脆脆，好有驚喜！紅燒三寶麵（$75）：姐姐介紹靚麵湯底每日以牛骨燉製，三寶為牛腱、金錢肚及牛筋。牛肉湯香濃帶甜及微辣，粗粗o既麵條煙煙韌韌，極啱XO仔口味！配料牛腱軟，金錢肚夠爽脆，牛筋則非常腍滑，各有特色，唔怪得知老友記一個星期可以黎食幾次晏咁棒場啦！兩口子每人食咗一碗麵仲想飲多兩杯，所以就叫多兩款香口小食，另加多碟菜黎送酒。蒜蓉炒A菜（$58）：A菜翠綠鮮脆，蒜香惹味可口。花枝蝦排（$38/兩塊）：首次食o既花枝蝦排不單香脆

這天心血來潮想吃台灣嘢，上網就看到這家名叫「古早味」店，打著傳統台式風味的旗幟，就跟朋友去試試。令我們意外的是，一出升降機門，就已經看到一條長長的人龍，我們真的沒想到會選中一家長龍店！等了約半小時，我倆終於可以入座，然後快速點菜！牛肉麵和鹽酥雞這些都是必點的，之後還點了芋圓和花枝蝦排，十分吸引似的。鹽酥雞 $38 鹽酥雞以小鐵筐加紙盛載，不覺油膩。鹽酥雞味道調得好，聞起來已經令人食指大動。來到放入口時，還是熱的，差點燙倒。鹽酥雞入口很脆，而且惹味；雞肉不乾，肉汁亦多，我們都停不下口來，吃著吃著就沒有了！古早味牛肉麵 $65 牛肉麵份量足，湯底深色。一嘗，果真濃郁，牛肉味香！ 碗內有三四塊大大片的牛𦟌，吃起來又香又軟，我尤其喜歡中間透明部位的口感。麵條粗身，但不稔，而且彈牙！朋友喝了口湯，大讚味道好，濃而不膩，下次會再去吃！ 花枝蝦排 $38最令人驚喜的是這個花枝蝦排！ 花枝排已經很香口，很吸引，而這當中竟然還加入了蝦肉，令口感更彈牙爽口，感覺就是在吃蝦餅加墨魚餅似的，能嘗到這個，我覺得很幸福！因為比我們遲入座的客人想點也沒有了，我們實在很幸運！ 炭燒鳥龍珍珠奶茶 $16 奶蓋