Nara Thai Cuisine (港威商場)

Open Now

Now Closed

朋友知我好鐘意食泰國菜，就推介尖沙咀呢間泰國菜餐廳，所以我今日特登早收工同佢去食，餐廳環境好舒適闊落，有好多打卡位，行入少少原來仲見到海景😍，感覺好寫意💞一坐低就送上一籃蝦片，入口脆酥又辣辣地，感覺幾CHILL，如果唔要，可以同店員講聲，因為每籃收$15💞燒豬頸肉配青木瓜沙律 $148擺盤賣相好靚啊，青木瓜新鮮爽脆，口感清新開胃，豬頸肉燒得啱啱好，外層微焦帶脆，內裡肉汁鎖住非常Juicy彈牙，配上特製嘅醬汁，味道好惹味💞花膠海鮮冬蔭功 $258湯底酸、辣、鮮味層次分明，食材非常非常之足料，有大大塊彈牙花膠，多隻肥美虎蝦、青口、帶子、魚塊、魷魚、鮮菇等等，大約都有六碗份量，酸酸辣辣好滋味，CP值好高，值得推介啊草苺乳酪特飲 $72芒果乳酪特飲 $72兩杯飲品都好靚好好飲，好解渴😊如果份量再多啲就好喇，啜幾啖就飲晒🤣

💕今日約左朋友係海港城行街，朋友話想食泰國菜，見依間餐廳環境唔錯，於是就黎左呢間餐廳～一入去，發現裝修好雅致，而且係有海景的!!(˶‾᷄ ⁻̫ ‾᷅˵)開心~~~┈✨ 花膠海鮮冬蔭功 $258- 最愛既泰菜之一🥰依個冬蔭功入面有好多料，有大花膠，仲有蝦、魚、魷魚、青口、元貝、魚肉等等嘅海鮮，所有海鮮都好大隻，絕對足料!!而且店家好細心地會用一個小火爐保溫～飲到最後都仲係熱辣辣♨️味道酸酸辣辣，非常開胃，好鍾意❤️✨ 芒果軟殼蟹米紙卷 $158- 有驚喜!!米紙卷入面有生菜、紅蘿蔔、芒果，當然唔少得主角軟殼蟹～芒果清甜唔會酸，軟殼蟹保持到香脆嘅口感，配搭起黎好清新！😋✨ 泰式炒金邊粉 $148- 泰式炒金邊粉用蛋包住，賣相好靚💕翻開見到有幾隻大蝦，口感爽口彈牙，份量好大份，金邊粉炒到好有鑊氣，加埋啲青檸準，味道酸甜開胃，好味(⁎⁍̴̛ᴗ⁍̴̛⁎)┈💕整體而言，餐廳既質素高，一上枱就有啲蝦片小食比客人食住先，依個位都好貼心，另外環境都好靚好舒服，好啱同朋友嚟聚餐～😆

餐廳裝潢有唔少打卡位，而且坐窗邊可以望到維港景，感覺唔錯，幾適合撐枱腳。一坐低就有職員放低一大碗蝦片，大大塊，脆卜卜，好食到停唔到口，未落完單就已經食晒。① 花膠海鮮冬蔭功 $228好足料！花膠，蝦，魚塊，青口，魷魚，元貝全部大大件！魚多滑身，蝦亦爽口，至於冬蔭功湯味道唔會好辣，反而有少少海鮮的鮮甜味。② 馬莎文咖喱牛腱 $118③ 印度薄餅 $35落單前掙扎左陣擔心牛腱會唔夠腍，結果無令人失望，牛腱夠腍兼有骨膠原的口感，超好食！睇圖以為得四塊，但其實有成七塊！過江龍的正宗馬莎文咖喱味道濃郁，甜味多過辛辣味，加埋配料鷹嘴豆同薯仔，撈飯一流！不過我地叫左薄餅，多層酥皮的感覺，口感唔會覺得硬，點咖喱好惹味。④椰香奶皇流心湯丸 $68甜品試左呢款熱食，椰奶味重，仲有好多椰肉條，芋頭粒，彩色丸子以及奶皇流心湯丸，材料非常多。彩色丸子望落好似三色豆，但咬口煙韌Q彈，椰條爽口，芋頭腍身，口感豐富，味道甜入心。.不過我覺得食泰菜我鍾意一班人開心share，因為可以食多幾款，見到餐牌上有唔少fusion菜，冬蔭意大利飯，泰式奶茶Tiramisu等等都想試呢！

蝦片($15)，係餐前小食，蝦片加入左黑椒帶少少微辣，味道唔錯，而且好脆口，食唔停口食完一片又一片。香脆蝦餅($58)，共三件，這價錢合理，蝦餅係一整個圓形，有別於坊間切開半圓形，口感方面蝦餅外層炸得酥脆，蝦肉新鮮彈牙，醬汁係店家自家調製味道帶甜。花膠海鮮冬蔭功($228)，這菜式無論食材或配料都用料好足，配料方面用左泰國多種香料去熬製，聞落已經好香，辣辣地好香口，而且有個爐不斷煮keep住溫度，食材方面有花膠、大蝦、青口、魚塊、魷魚、帶子，大大片花膠充滿骨膠原好爽口，吸埋冬蔭功既味道更惹味。黃咖喱軟殼蟹($198)，鐘意食軟殼蟹既好處就係可以成隻連殼食，配咖喱永遠都係絕配，好入味，這咖喱汁係店鋪用左乾咖喱調製，唔辣的怕辣既人都唔使驚。印度薄餅($35)，有咖喱汁當然唔少得配埋薄餅，伴汁一齊食先夠正，一定要趁熱食口感先至會軟熟，涼左就慢慢會變硬。

這晚與朋友到海港城逛街看到港威商場這間泰菜環境挺好，很多粉紅色決定一試主要是蝦、柚子、炸蒜，作為沙律很清爽開胃，柚子非常爽甜，沒有一點苦澀味。青木瓜和醬汁中和了燒豬頸肉的油膩感，豬頸肉不韌，易咬開，燒得好食想起泰菜，少不了冬蔭功酸酸辣辣帶點香茅香味實在過癮用青口、蝦、帶子、魚等海鮮作為材料，很豐富。上菜方式也很有誠意，有點儀式感吧重點是有花膠肉碎炒得很香，辣辣的，非常好配飯！勁大個椰青很滿足的一餐

食左咁多次Lady Nara 今次終於試Nara啦🎈泰試生蝦 $128味道正常，但係應該都係刺身級雪蝦 不過嘅個價錢都好正常，無雪味又有呢個份量都算抵食 🎈花膠海鮮冬蔭功 $228呢個湯入面啲餸超豐富😃2個人食叫左呢個真係飽哂🤣入面有蝦，青口，魚，花膠，帶子等等 個湯嘅椰味比較重 所以比較膩 個人就比較鐘意偏酸辣嘅冬陰功多啲 不過味道都唔錯🎈 大蝦柚子沙律 $88呢個沙律味道偏甜 蝦嘅份量同size都豐富柚子一啲都唔酸 呢點值得讚👍🏻🎈香脆蝦餅 3件 $58個蝦餅質地有啲硬 唔係彈牙個種 有啲太實但係味道好食😋 🎈芒果糯米飯伴椰奶 $68佢啲糯米整得好軟糯 好好食 雖然芒果唔太甜 但係有椰奶搭救 同埋飯後酸酸地 可以解膩幾好👍🏻