醉潮館

Open Now

Now Closed

荃灣呢間潮州打冷，有幾味餸食過返尋味，今晚收工心郁郁又想去食，而且湯水選擇多又滋補，仲要無味精！花膠螺頭炖雞$68一坐底即刻叫左個湯黎潤下先，湯料好足，花膠大大塊仲有螺頭，豬骨同雞肉，個湯有少許雞油好香，全部材料都係好夾既組合，大到兩個人飲都差d飲唔曬🙊陳年果皮蒸鮑魚$158鮮美海鮮同陳皮有幾夾唔使多講，鮑魚既甜味完全突顯到，而且隻隻大而肥美🤤豬油渣炒菜心$68菜心咁炒好香，綠嫩既顏色🥰紅燒bb鴿$58上次黎都有叫🤤水準依然小米餃$42最愛既小米餃最後上，唔使點醬已經夠味，蝦米好香，糯米皮集齊煙韌嫩滑，一口一啖，真心正😋

和友人第一次來到荃灣三陂坊，驚覺原來內街有很多中式潮州打冷。入到來呢間乾淨企理的醉潮館，坐下來先發現裝修相當精緻，餐牌同餐具都好有古典特色。紅燒BB鴿$58:用鳥籠上枱，紅燒鴿外皮香脆，肉質嫰滑，味道勝在不會太鹹，剛剛好入味﹗薑蔥筒蠔煲:熱辣辣上枱，薑蔥香口惹味，薑蔥汁送白飯一流。 金蠔好大隻，肥美嫰滑多汁﹗蒜蓉椒絲炒通菜$68:上枱餐碟似竹撮箕，頗特別。通菜炒得青翠嫰綠，不錯~花膠螺頭炖雞$68:湯底相當足料，有花膠、螺頭、雞腳、杞子、雞肉、豬肉等。 炖湯難得不會油膩，飲落味道濃郁，飲完感覺真的會滋潤養顏﹗食物質數不錯，感覺健康有益，價錢合理，是中式潮汕菜館中難得清泉。

👍🏻環境:餐廳乾淨企理，環境佈置同餐牌也充滿中國風，餐廳會播放音樂，同出面其他打冷舖很不一樣，富有特色又舒服。👍🏻服務:侍應細心態度有善，桌上放在成盒紙巾牙籤，如果有埋濕紙巾更好。[👍🏻紅燒籠中BB鴿子$58]籠中鴿打卡必叫，圖中係一隻份量，隻乳鴿好大隻58蚊好扺食，入口肉嫩多汁、皮脆香口。[👍🏻潮洲炒飯$78]炒飯好夠鑊氣，鹹度適中，口感豐富，配料多樣化有鹹肉、蛋、鴨舌、冬菇。[👍🏻鐵板黑椒豬仔脾$98]中意啖啖肉人士必叫，豬仔脾每件都大大舊，肉質嫩滑，黑椒汁帶少少甜，脾包錫紙方便食。[👍🏻牙籤雞$58]牙籤雞皮有粒粒脆米，一定要趁熱食，炸到好香口，用牙籤篤住雞肉，好方便食用，好有特色。[👌🏻花膠螺頭炖雞$68]湯好足料，依個湯係滋陰首選，老火湯的味道，用左好多雞所以油份較重。打冷舖黎講乾淨企理，環境舒服。

荃灣呢間中菜館，裝潢餐具都有濃濃中國風，連menu都深得我心，好有心思。係本草湯目入面，揀左花膠螺頭炖雞$68料好足，炖湯既餐具又精緻，一開蓋，也太香了，花膠料又足，仲有雞同桂圓肉好滋補～招牌小米餃$42勁好食，煙韌得黎，入面好重蝦味，好特別，而且好飽肚，難怪係招牌菜～紅燒籠中bb鴿子$48先48蚊也太高質了，先不說那精緻的鳥籠，鴿子配既汁好開胃，點完汁更帶到味～路邊炒米粉$78太大碟了，兩個人根本食唔曬，料有放蛋、蝦乾、魷魚，炒得都爽身～最後上菜既係鐵板一口牛$108比較新派菜了，黑板味較重，熱辣辣咁放係鐵板上，牛既嫩滑都有做到，火候控制得唔錯～