小甜谷 (Closed)

在大坑吃過晚飯後, 又順道到訪人氣爆燈的甜品小店, 本身不喝牛奶的小妹卻又極愛奶類甜品好像燉奶、奶凍、布甸等等。 店子選址於僻靜的書館街, 人流不多, 唯獨小店依然熱鬧。 時值六時, 店外放了幾張摺檯, 相信是為了應付晚市。既然這裡以3.6牛乳作主打, 當然要點些相關種類的甜品啦! 特濃牛乳燉蛋白$25: 點了熱的, 所以要等一會才有。以瓷杯盛裝著,配上一隻木匙, 造型很和風呢! 雖然未喝過3.6牛乳, 但味道真的比普通燉蛋白濃厚得多, 蛋白燉得滑溜之餘卻不會水汪汪, 滑得似要在匙上流走。 甜度很輕, 更能突出牛乳的鮮味。 荔枝奶凍$27: 原味的奶凍奶味濃郁, 夠挺身, 荔枝肉爽口清甜, 但相對較為淡味。 不少人認為只是明星效應, 但單靠這樣總不能維持下去, 始終口碑最為重要, 相信小甜谷也深明這個道理, 在食物上下功夫, 不斷鑽研新出品, 所以絕對有再訪的理由。

姊姊又買野食番來。「order」了特濃牛乳燉蛋白,唔知係咪帶走關係,響盒度焗住,番到黎,有好多一個個氣孔,唔靚仔。食味,連小吃甜品的爸爸和老公,都第一句話,嘩!好勁奶味呀!「3.6」果然係唔同D。質感黏黏軟軟的,好好食!今日沒有咖啡三重奏(真係太失望了),揀了荔枝奶凍,由於天氣太熱,佢都溶溶地喇。那朕荔枝味重到,都唔知佢係真荔枝,定係罐頭荔枝味,係遍甜的!奶味就正正是配角了。Anyway,都幾好食,「3.6牛奶」萬歲!

來到大坑,就順道來試一下小甜谷幸好早了食晚飯,所以7時多來到只有1檯人我想大家還是剛開始食飯中吧~不用同人迫和等位已經好好了看了一陣餐牌,好多東西都想試,奈何只得2個人最後選了"荔枝奶凍" & "西瓜沙冰"先嘗一口奶凍,真的是好濃的奶味,反而荔枝味是淡淡的,是特色嗎?之後西瓜一上就有點失望了,因為沒有西瓜仔陪襯是否因為成本高改了做法?還是因為西瓜剛好沒有了西瓜沙冰好清甜,好透心涼,在嚴熱的晚上帶來了一絲涼快不得不提那顆梅子,真的好好味如果下次再來時,要試下其他甜品店中的牆上都排滿了明星的友情客串照片,等甜品來時都可細細欣賞下

已經是第三次品嚐這間小店的甜品。雖然人是多了一些，等得比較耐一些，而且明星效應之氣氛濃，令食客也好似個個是店主谷祖琳Dfriend或其他小星，個個也吋吋的，不過，問心而說、平心而論，佢既甜品係幾正既。環境 - ok, 簡單而西化。舒適。服務 - 時好時差。服務是有待改善的。多人時，好似唔稀罕D客，此乃大忌。有次對口對面見到谷祖琳 (佢真係負責廚房的)，佢木口木面，連笑吓問吓你幾位都無。呢D味淺見囉。既然妳係娛樂圈唔成功，而家靠一門廚藝開店，仲有父母親友支持，就比心機D啦，唔好扮大派先得。學下人地劉華啦，人地係巨星，但佢對人都好有禮貌嫁。不過幸而少人時，有D女仔servers也OK的。食物 - (1) 蛋白腐竹糖水 - 正，滑，好味又不太甜。(2) 蛋白杏仁茶 - 超讚，比得上發記的，又平過佢。有好滑好滋潤的feel, 好creamy又唔「結」...正﹗(3) 荔枝奶凍 - 好好啊，清香的荔枝味加濃濃的奶味﹗是夏日妙選。(4) 北海道鮮奶蛋白 - 美味又奶味濃。整體來說，如果你唔趕時間，又可以係平日來，都係OK的。因為甜品本身真係好好。不過週末時，人龍自然有。連買外賣都要等好耐。服務唔好

之前聽開哥哥講呢間野，今次就同男朋友仔去搵下啦~~~呢個地方其實人流唔係好多，大多數人都係去食佢，一來ok幾好食，二來係谷小姐開既，如果星期六晚上黎，多數見到佢係度!!真人靚過上鏡!!!

三月十五日 (星期日)由谷袓琳開的甜品店,由一開張已成為城中話題地處大坑,我們都是頭一回來,剛吃過民聲冰室,有點失望,去完花展影完相,決定捲土重來,一試小甜谷!老公仔毫不猶豫,已選定了茘枝奶凍奶凍比一般吃到的較軟身,而且比較暖細細杯,很重的奶味,反而令到茘枝味不太明顯當吃到底的時候,發現有很多茘枝肉,此時,茘枝味就越來越濃我則選了北海道鮮奶燉蛋白質感較軟綿綿,沒有奶凍那麼結實而富彈性來到時是熱洪洪的,奶味很濃用上北海道鮮奶製的蛋白確實軟滑因為奶味很濃,似燉奶多一點總算試了,是名聲效應又好,都值得一試的下次有機會要一試這裡的陳皮紅豆沙會繼續開發大坑的食肆!

1月24日, 年廿九嘛! 同呀比行完花市, 較早前既米粉已經落晒格~ 即刻拖呀比去大坑試下小甜谷~::: 荔枝奶凍 ::: $25比想像中大杯~ (但其實都算係細杯……. ) 好好味~!! 又香又滑~ 奶味好濃郁, 係用北海道牛奶整架. 啖落又滲出荔枝味~ 荔枝肉煙煙韌韌有咬口. 感覺係幾sweet架!舖位比較隱閉, 不過而家加左指示牌好好多啦~不過呢我地今日5點左右去到, 好多野都冇得賣… 個侍應男仔又懶懶閒咁, 服務有d唔得. 而且甜品款式, 除咗北海道3.6系列之外… 唔係好特別~

此大坑新晉甜品店"小甜谷",能夠在短時間成為人氣店,全因是老闆是藝人谷祖琳.除演戲,唱歌,同做電台節目之外,如今連飲食界也涉足.平日下午漫遊大坑,樂得一副悠然自得,小甜谷店子不大,店內沒有很多客人,這個下午,見谷小姐亦在店內打點一切.此甜品的一大特色,是其奶類甜品,用上北海道特濃3.6牛奶去做.其他的甜品名稱如甚麼"乳溝木瓜",好像我這類人,一定會想側一邊.想一試宮廷桂花糕,可惜未有供應.看見有味"十五年陳皮紅豆沙",旋即被吸引過去.心想,用十五年陳皮煲出來的,味道一定很甘甜.此陳皮紅豆沙用料一絲不枸,連紅豆也是日本貨,但吃下去,紅豆幾鬆化,不過紅豆味不重,十五年陳皮?恕我吃不出任何用十五年陳皮來煲出來的玄機.徒具起沙豐富口感,沒有陳皮味的甘.毫無疑問,車品品的紅豆沙大樂勝.轉戰奶類甜品,荔枝奶凍同特濃牛乳燉蛋白,前者有一小舊荔枝肉作為點綴,用上特濃牛乳去做,味道果然很濃,入口滑溜不留痕.只留下濃烈牛乳的餘韻,反而荔枝味要吃到底才能感受到.莫非又是"好物尋歸底"?另一道特濃牛乳蛋白,同樣地香滑,蛋白比奶凍更加滑得彈破,此味是熱食,香濃的味道,滑溜的感覺,幸福盅然.濃滑杏仁豆腐花,甜品如