餃子冰室

Open Now

Now Closed

長洲美食多到數唔哂，今次介紹依間餃子冰室好受歡迎，亦係我再次回訪👍🏻餃子多達9款口味，煎餃蒸餃樣樣齊，晏左去嘅部分口味已經售罄，想試記得早啲去喇！—— 鹹蛋黃黃金餃依款最多人食！鍾意鹹蛋黃嘅超推介一定要試！半煎炸餃皮好脆，外層沾咗大量鹹蛋黃醬，肉眼都見到大大粒鹹蛋黃，邪惡十足😍餃子皮好薄，一咬爆汁，餡料滿滿—— 蔥爆牛肉餃牛肉味超濃！！！一食成股牛味湧入黎咁，同樣爆汁好juicy！葱味都唔輸蝕，成個餡好惹味，整體都好好食—— 荷葉津白餃估唔到蒸餃都係咁好食😋比煎餃更加食到餃皮薄滑，但夾起一啲都唔會穿，荷葉香氣滲入餃皮，津白肉餡鮮嫩香甜，津白切到一定大細，留有清爽口感—— 酸辣湯湯嘅調味偏辣有啲剌激感，酸味就後面滲出黎，幾足料有豐富木耳絲，邊飲湯邊多左份口感，幾開胃—— 雞絲粉皮粉皮份量好多，中規中矩，麻醬一啲都唔孤寒，夠哂撈均全碗🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍餃子冰室 (長洲)長洲大新海傍路86號地舖

呢間係長洲嘅人氣餃子店🥰 今次去嗰時大概4-5點都有幾枱人等緊位~ 不過佢地有得攞籌排隊👍🏻 可以行吓先, 差唔多時間再翻去🤣 佢地有好多款特色餃子☺️ 蔥爆牛肉餃同南乳豆卜餃都好岀名! 不過今次去嘅時候已經賣哂🥹 不過好彩我去到嗰時仲有最後一份黃金餃! 如果大家想試比較人氣嘅款式就要早啲去啦🙌🏻餐廳嘅裝修都幾有香港舊式冰室嘅感覺🥰 不過舖面就偏細~ 而且唔知點解長洲嘅餐廳冷氣好似都開得比較細🤣 夏天去都幾熱🤣 另外個人就覺得餃子嘅質素的確係好唔錯! 但沙冰就相對冇咁推介~🤍鹹蛋黃黃金餃 (4隻) $33佢大部份嘅餃子都可以揀蒸或者煎~ 而黃金餃就只有半煎炸! 佢嘅外皮真係炸到好脆身!!🥰 而且外皮已經見到鹹蛋黃碎粒! 真係有好濃郁嘅鹹蛋黃香🥹 呢個絕對係必叫嘅餃子🤍荷葉津白餃 (4隻) $34荷葉津白餃就只可以揀蒸~ 呢款就比較清淡☺️ 蒸籠下面鋪咗一整塊荷葉, 都幾有荷葉香🥰 而且蒸餃嘅餃子皮好薄身🫶🏻 餃子餡都好juicy~🤍黑白土匪餃 (4隻) $33土匪嘅味道比起鹹蛋黃黃金餃嘅味道就相對冇咁岀~ 不過的確有食土匪雞翼嘅時候嘅味道🤣 都幾得意~🤍特濃綠豆冰 $33綠

星期六中午去到就有一條人龍排隊等開門，可見餃子冰室人氣高企🙈想堂食嘅可能要等下位▫️平日休息日不定期，建議check官方ig先▫️超多特色餃子，蒸餃、煎炸餃同樣出色▫️多款份量選擇：4隻、6隻、8隻，10隻都得☑️鹹蛋黃黃金餃 （4隻）- $33呢個只限半煎炸，亦係餃子冰室出產眾多餃子裏面我最愛嘅餃子。半煎炸餃子嘅外皮非常之脆，好似炸雲吞咁，面頭有流沙鹹蛋溶，十分邪惡，但卻惹味好食，一咬落去餃子嘅肉汁就爆曬出嚟，好juicy，吾明點樣可以keep到皮脆而入面爆汁🤤☑️蜆肉芫荽餃（6隻）- $47呢款只限蒸，叫左套餐有6隻所以分左2籠上。餃皮呈綠色，飄出淡淡的芫荽香味，餃子大隻，餃皮好薄，一咬落去，同樣爆汁，蜆肉同芫荽都唔少，蜆肉彈牙，配搭芫荽特別嘅味道，係好新鮮嘅配搭，所以芫荽控叫左多d呢款餃😆☑️荷葉津白餃 （4隻）- $34呢款只限蒸。下面放左塊荷葉一齊蒸，所以一嚟到聞到荷葉嘅香味。同樣餃皮薄身，咬落爆汁，但呢款餃子相對清新，仲食到津白本身嘅味道，而且津白仲翠綠爽口，同豬肉都好夾，好食到最後encore多4隻☑️蔥爆牛肉餃 （4隻）- $29呢款蒸同煎都可以，我地叫左煎嘅。煎嘅主要係個底煎香少少