皇仁書院舊生會﹝中菜部﹞

Open Now

Now Closed

我的名字叫 食俾你睇我的志願，是希望入讀「皇仁書院」，為什麼？因為……早幾晚，我朋友個阿SIR，帶我地去皇仁舊生會開飯，未坐定先睇睇個餐牌……「糖桂花餞桶蠔」微甜中帶桂花香，好味！重點推介，「佛跳牆」淨係睇見咁多料都知冇得輸！「海班兩味」兩味都咁和味！「抽皮鵝掌」非常入味，問你死未？未死？嚟多個「荷葉飯」同「伊麵」，即時舉手投降！最後加多碗香濃「腰果露湯丸」真係完滿嘅結局！一人六百蚊唔使，唔平但又唔算貴，梗係想訂位再Encore點知…原來要係Member……請問，皇仁書院幾時招生呀？

已經是第二次來這裡食了，上次只有一圍人，今次就増加到三圍，還要預早半年前訂位，實在有夠誇張。（多謝葉小姐和爐兄的義務幫手）蚌仁花枝乳鴿甫 ～ 乳鴿味道偏淡，口感一般，平平無奇。桂花蜜餞金蠔 ～ 煎香過的金蠔帶有微微的桂花味及甜味，其實都幾配合。佛跳牆 ～ 一放上枱，大家就嘩聲四起，因看到三串大大粒的鮑魚，加上數不清的魚翅及雞肉等材料，隔水蒸足六小時以上，難怪鮑魚也蒸得非常淋，湯色清切，膠質感強烈，味道鮮甜，真係齒頰留香，湯內的豬前手，咸香味香濃，但因蒸得太久，難免肉質明顯有點變硬，這菜可說是今晚最出色的一味。陳皮蝦 ～ 蝦爽口彈牙，可惜感受唔到有陳皮味。蟹粉豆腐 ～ 豆腐嬾滑，但味道偏淡，蟹粉味道也不是太出色，反而伴碟的菜，更加出色。蝦籽柚皮拼鵝掌 ～ 蝦籽細粒沒有味道，柚皮明顯太淋，今晚比較差的一味。八寶鴨 ～ 一食落口，蓮子的香味，首先帶出，糯米已完全蒸至淋身，和食材完全溶為一體，是一味很飽肚的食物。可惜鴨味平淡。薑蔥蝦籽撈麵 ～ 梘水味過重，就算食物怎麼美味，也失色不少。荷葉飯 ～ 一上枱，奇怪荷葉色怎麼這樣青綠，有小小不安，好在食落也沒有感覺怎樣，飯粒不是太乾身，味道普通，荷葉

對於就讀跑馬地女校的我，對港島區的男校當然不會陌生。今天有機會來到皇仁舊生會吃飯，禮貌上，應該要對品學兼優的皇仁仔歌頌一番才對。但礙於身份上有點尷尬，因為我嫁了給一個華仁仔。在一些女校 secrets 的群組內，女生們都會作出很多結論，說拍拖就應該同某男校男生，而結婚就應該同某男校的男生。的而且確，不同男校的男生住住有不同的特點及氣質，而這夜，我看到我身邊的這個華仁仔，很享受的在皇仁仔飯堂內大吃大渴。第一道菜係蚌仁花姿乳鴿甫，色彩鮮艷，用上青紅椒、子薑做配菜，而主角當然係乳鴿片，再加埋桂花膀同象拔蚌，齋睇陣容都知好味。特別要讚係乳鴿片非常嫩滑入味，當做的子薑幼嫩無渣，正。接着係蟹粉豆腐，始終不是食蟹季節，但整體俾我想像中出色，豆腐滑溜，蟹粉亦算鮮味，唔錯。到我最期待的佛跳牆出場，原盅上枱，體型非常龐大，侍應慢慢將燉湯個蓋揭開，一揭盅，全枱人起哄，三大寸總共13隻鮑魚放在面，非常壯觀。跟住侍應將湯料逐一夾出，包括：一大隻雞，厚身冬菇，大量粗身魚翅，原隻火瞳，肥美豬軟骨等，淨係夾湯料都夾左好幾分鐘，份量可想而知有幾多。用上咁多湯料煲的湯，味鮮是一定的了，湯料嘅味道亦非同小可；鮑魚入味爽口，