玉桃軒酒家 (利舞臺廣場)

Open Now

Now Closed

與友人去完花展，順道到銅鑼灣晚飯。我們怕限時，所以選擇中菜，可以慢慢食。這裡環境寬敞，坐得舒適，沒有一般酒樓的嘈吵聲，真是一所高級的食府！我們一行四人，一見到有個四位用的「家鄉自選套餐」，價錢合理、食物都有很多選擇，所以就決定選這個套餐。我們點了「栗米魚肚羹」、「清蒸游水海石斑」、「燒味雙式拼」、「菠蘿咕嚕肉」及「蒜香海蝦粉絲煲」。栗米魚肚羹，足料，香甜美味！燒味雙式拼，叉燒拼燒腩仔！店員很好，話會盡量安排蜜汁叉燒皇給我們。到這裡當然要食下招牌菜啦！蜜汁叉燒皇果然好好味 叉燒肥瘦適中，蜜味香甜，邊位都燒得剛剛好，很惹味 當然仲有燒腩仔，皮脆肉嫩，很香口！清蒸游水海石斑，魚夠鮮，肉質嫰滑！菠蘿咕嚕肉，外脆內鬆軟，酸酸甜甜的咕嚕汁，醒胃 蒜香海蝦粉絲煲，蝦很入味，粉絲較乾身！如果有少少汁，會更惹味！

晚飯聚舊好地方一行4人, 來到CWB聚聚舊, 傾下偈. 一出LIFT, 門面幾靚, 好新好光猛. <<栗米魚肚羹>>入口夠香夠味, 魚肚仲含有豐富嘅膠原蛋白! 跟住最先上枱嘅係<<燒味雙式拼>>, 叉燒拼燒腩仔.叉燒肥瘦適中,  有少少燶邊, 連蜜汁都好好味!燒腩仔皮脆肉軟, 夠哂脆口好食! 連D蠔油豆都好食. <<清蒸游水海石斑>>石斑原條上, 夠滑唔腥. 蒸魚汁拌飯一流. 差D骨都畀我地食埋!!  <<蒜香海蝦粉絲煲>>海蝦大大隻, 埋枱時仲Bob-Bob聲, 一揭煲蓋D香氣香味即刻出哂來!粉絲吸晒D精華, 又係另一拌飯之選. <<菠蘿咕嚕肉>>唔止香噴噴, 味道酸酸甜甜, 胃口大開!! 加多個飯後甜品, <<宮廷薑汁糕>>一層層咁, 有口感, 有薑味, 有少少甜, 又有少少辣, 為呢餐豐富晚餐加分!!

好耐冇食個中菜，今日就約咗屋企人一齊去食中菜。之前食過呢度，覺得環境同味道都唔錯， 之後再book枱嚟過啦！睇下個餐牌，都有好多中式嘅小菜好好食咁。 尤其係見到個好抵嘅晚膳三寶，有雞有魚同可以揀多個小菜，都係$328真係好吸引，仲要喺銅鑼灣喎⋯⋯我哋一於決定叫個晚膳三寶食首先嚟咗個一品蒜香雞，感覺有啲似炸子雞咁外皮香脆，而且雞肉嫩滑最重要係要點個醬汁、點個醬汁、點個醬汁，重要既事要講三次呢個醬汁充滿蒜味，而且甜甜地，雞點完之後，更加香濃、更加惹味！小菜方面可以任揀一款，我哋揀咗菠蘿咕嚕肉。呢碟菜炒到七彩繽紛，好吸引。咕嚕肉炸得外脆內軟，而且醬汁酸酸甜甜，好開胃！另外仲有青椒紅椒同菠蘿等等，都好惹味！最後嚟咗個清蒸海石斑，差唔多有一隻手臂咁長，都唔係好細條。魚肉好嫩滑，而且十分鮮美，不過味道比較清淡，加多啲魚汁就啱啱好啦整體來講，係銅鑼灣食飯食到咁既價錢係抵既而且以食物質素方面都唔錯！地點仲要係利舞台，好方便！不過估唔到今日係星期4都咁多人，真係受歡迎！

午膳時間雖要到銅鑼灣辦點事，順道到附近玉桃軒飲茶吃飯。這份午市點心靚湯餐，可自選三款點心、一款靚湯、一款小食、一款小菜及一款飯麵，足夠三至四人享用。蟹籽蒸燒賣皇口感富咬口，味道 OK 喇！香脆蝦多士以蝦膠取代原隻鳳尾蝦，賣相固然不及預期。以半煎炸模式製作，雖然少了一份膩口，但同一時間也少了一份脆感。魚湯鮮竹卷以爽口食材為主要餡料，鮮竹搭上清甜魚湯有不錯的效果。即日老火煲湯為粟米合掌瓜煲瘦肉，味道甜香。菠蘿咕嚕肉製作外脆內軟，甜酸汁味道調較恰宜。建議咕嚕肉可切得大件一點，口感更佳。蜜汁叉燒皇肉香濃，質感鬆軟，肉紋清晰，好吃！豉椒牛肉炒河河粉算上炒得分明，不會黏著在一起。豉椒汁味道都算可口，牛肉水準普通喇！餐後有糖水甜點送贈，腐竹薏米糖水甜感適中，滑口滋潤。楊枝甘露糕味淡。黑芝麻卷略帶煙韌，含蓄泛著芝麻清香。